Sunday, June 19, 2016

தமிழை இழிவுபடுத்துகிறது பார்ப்பனச் சமக்கிருதவெறி!


பல நூற்றாண்டுகளாக தமிழ்மண்ணின் ஆட்சியையும் அதிகாரத்தையும் வந்தேறிகளிடம் இழந்ததால் தமது மண்ணை மட்டுமன்றி, அன்னியர்களும், அயலாரும், பஞ்சம் பிழைக்கவும், தமிழர்களின் கோயில்களில் கழுவித் துடைக்க வந்தவர்களும் கூட தமிழைச் சிதைத்ததையும், பழந்தமிழ் இலக்கியங்கள், பக்தி இலக்கியங்கள் அனைத்திலும் அவர்களுக்குச் சாதகமான கருத்துக்களைக் கொண்ட இடைச்செருகல்களை ஏற்படுத்தியதையும் எதிர்க்க தமிழர்களால் முடியவில்லை. (இருபத்தோராம் நூற்றாண்டில் கூட இந்த நிலையே தொடர்கிறது எனவும் ஆதாரத்துடன் வாதாடலாம்) அதிலும் குறிப்பாக சாதியடிப்படையில் பார்ப்பனர்களின் கரங்கள், தமிழர்களை விட உயர்ந்திருந்ததால், அவர்கள் தமிழர்களின் கலை இலக்கியங்கள் எல்லாவற்றிலும் புகுந்து விளையாடி விட்டார்கள். அதன் விளைவை தொல்காப்பியத்தில் கூடக்  காணலாம். அத்தகைய திட்டமிட்ட திரிபுகள் அந்தக் காலத்தில் மட்டும் நடைபெறவில்லை இன்றும் இணையத்தளங்களில் மட்டுமன்றி பல சமக்கிருதவெறி பிடித்த பார்ப்பனர்கள் பலர், அவர்களும் சமக்கிருதமும் இல்லாது விட்டால் தமிழ் மொழியும், தமிழன் என்ற இனமும் கூட என்றோ காணமால் போயிருக்கும் என்பது போல புத்தகங்கள் எழுதி அதை அவர்களின் தலைவர் சங்ககராச்சாரியின் தலைமையில் வெளியிட்டுக் கதை விட்டுக் கொண்டிருக்கிறார்கள். அவர்கள் தமிழர்களனைவரையும் குரங்குகள் என்று கூட வர்ணித்து ஒருகாலத்தில் புத்தகம் எழுதி வெளியிட்டனர் என்று கூட நான் கேள்விப்பட்டிருக்கிறேன். ஆனால் தமிழர்கள் இதையெல்லாம் கண்டு கொள்வதில்லை. அவர்களின் எண்ணமெல்லாம் தமிழரல்லாத நடிகர், நடிகைகளைச் சுற்றியே வந்து கொண்டிருக்கிறது.

தொல்காப்பியமோ, திருக்குறளோ, திருமந்திரமோ அல்லது தேவாரங்களோ எதுவாக இருந்தாலும் எப்படியாவது சமக்கிருதத்தையும், அவர்களின் ஆரியவேதங்களையும் இணைப்பது மட்டுமன்றி, பழந்தமிழ் நூல்களில் அந்தணர் என்று குறிப்பிடப்பட்டிருப்பது இக்காலப் பேராசைப் பார்ப்பான்களைக் குறிக்கும் என்று வாதாடுவது கூடப் பல பார்ப்பனர்களின் வழக்கம் என்பதை நாமறிவோம். இதில் வேடிக்கை என்னவென்றால் எமது நண்பர் ஸ்ரீனிவாசன் போன்றவர்கள் தமிழை இழிவுபடுத்திக் கொண்டே, சமக்கிருதம் தமிழை விட உயர்வானது எனக் கருத்து தெரிவித்துக் கொண்டே தாமும் தமிழர்கள் என வாதாடுவது தான். இவ்வளவு காலமும் ஆரியர்களாக, ஆரிய சமாஜம், ஆரியர் கூட்டமைப்பில் தியசோபிகல் கழகங்கள், சங்கங்கள், இயக்கங்கள் எல்லாம் நடத்தியவர்கள், இப்பொழுது என்னடாவென்றால், ஆரியர் என்பதெல்லாம் கிடையாது. ஆரியர் என்றால் உயர்ந்தவர்கள் என்ற கருத்து மட்டுமே என்கிறார்கள். ஸ்ரீநிவாசன் கருத்துப் படி பார்த்தால், “ஆரியன் கண்டாய், தமிழன் கண்டாய்” என இரண்டு வேறு இனங்களைக் குறித்துப் பாடிய தமிழன் திருநாவுக்கரசு நாயனார் “ஆரியன்(உயர்ந்தவன்) கண்டாய் தாழ்ந்தவன் கண்டாய்” என்றல்லவா பாடியிருக்க வேண்டும். உண்மையென்னவென்றால் ஆரியத்தையும் அவர்கள் கடைப்பிடிக்கும் பார்ப்பனீயத்தையும் தமிழர்கள் அன்று தொட்டு இன்று வரை எதிர்த்துக் கொண்டேயிருக்கின்றனர், தொடர்ந்தும் எதிர்ப்பார்கள். அந்த விடயத்தில் மட்டும் திராவிடம் பேசும் தமிழனுக்கும், தமிழ்த்தேசியம் பேசும் தமிழனுக்குமிடையே எந்த வேறுபாடும் கிடையாது,  

அவை ஒருபுறமிருக்க, எமதினிய நண்பர் ஸ்ரீனிவாசனின் கருத்துக்களைப் பார்ப்போம். அவரது வலைப்பதிவிலுள்ள பதிவுகளை (சிங்களவிசிறி சோ ராமசாமியின் கருத்துக்களை) படித்துப் பார்த்தால் அவரது உண்மையான முகத்தைப் புரிந்து கொள்ளலாம். அங்கே அவர் ஈழத்தமிழர்களையும், ஈழவிடுதலைப் போராட்டத்தையும் கூட விட்டு வைக்கவில்லை. சைவமும் தமிழும் பிரிக்க முடியாதவை என்று உறுதியாக நம்பும் பெரும்பான்மை ஈழத்தமிழர்களுக்கு தமிழ்நாட்டுக்கு வெளியேயுள்ள இந்துக்களின் ஆதரவு கிடைக்காமல் போனதற்கு  பார்ப்பன ஊடகங்களின் ஈழத்தமிழர் எதிர்ப்புப் பிரச்சாரம் தான் காரணமென்றால் அது மிகையாகாது. அது முடிந்த கதை, பேசிப்பயனில்லை.

எனக்கு நேரமின்மையால் ஸ்ரீநிவாசனுக்கு  உடனடியாக பதிலெழுத முடியவில்லை. ஆனால் அவருக்குப் பதிலெழுதாமல் விட்டால், அவரது திட்டமிட்ட திரிபுகளை ஏற்றுக் கொண்டு விட்டதாக நினைத்துக் கொண்டே தமிழர்களின் பெருமைக்குரிய, வரலாற்றுக்கு களங்கம் கற்பிக்கும் வகையில் தொடர்ந்து பார்ப்பனப் பூச்சைப் பூசிக்கொண்டிருப்பார் அவர். ஸ்ரீநிவாசன் போன்றவர்களின் உளறல்களுக்குப் பதிலளித்து தமது நேரத்தை வீணாக்க விரும்பாமலோ அல்லது இவரைப் போன்றவர்களை எல்லாம் கணக்கிலெடுத்துப் பதிலளித்து தம்மையும், தமிழையும் தாழ்த்தி விடக் கூடாது என்ற காரணத்தாலோ, அல்லது ஊடக வல்லமை கொண்ட பார்ப்பனர்களைப் பகைத்துக் கொண்டால் தமது எழுத்துக்களை வெளியிட முடியாமல் போய்விடும் அல்லது உழைப்புக்குப் பங்கமேற்பட்டு விடுமென்ற பயத்தினாலோ  என்னவோ, இணையத்திலுள்ள தமிழறிஞர்கள் பலர் இவரைப் போன்றவர்களை கண்டு கொள்வதில்லைப் போல் தெரிகிறது. அல்லது ஸ்ரீநிவாசன் போன்றவர்களின் உளறல்களைச் சமாளிக்க என்னைப் போன்ற கற்றுக்குட்டிகளே போதும் என்று நினைத்துக் கொள்வது கூடக் காரணமாக இருக்கலாம். 

இன்றைக்கு ஸ்ரீனிவாசன் உதிர்த்த முத்துக்களைப் பார்ப்போம்.  திருமந்திரம் கூறும் 51 சொற்களும் தமிழ்ச் சொற்களே தவிர சமக்கிருதம் அல்ல என்பதற்கு நான் தமிழறிஞர் ஒருவர் எழுதிய கட்டுரையை வெறுமனே ஆதாரம் காட்டினால், அதை நம்ப மாட்டார் என்பதால் அதை அப்படியே படம் எடுத்துக் காட்டியும் கூட, அதற்கு எந்தப் பதிலும் தெரிவிக்காமல் அல்லது அதை எதிர்த்து எந்த ஆதாரத்தையும் காட்டாமலே அந்த 51 சொற்களும் சமக்கிருதச் சொற்களே  என்று அடம் பிடிக்கிறார். இது தான் பார்ப்பனவாதம் போலிருக்கிறது?இவரால் முடிந்தால், தமிழ்நாடு அரசால் நிறுவப்பட்ட தமிழ் இணையக் கல்விக் கழக(Tamil Virtual University)த்திலுள்ள நான் குறிப்பிட்ட கட்டுரை பிழையென ஆதாரங்களுடன் நிறுவ வேண்டும். அதிலுள்ள கட்டுரையில்:

"ஓதும் எழுத்தோடு உயிர்க்கலை மூவைந்து
ஆதி எழுத்தவை ஐம்பதோ டொன்றென்பர்
சோதி எழுத்தின் நிலைஇரு மூன்றுள
நாத எழுத்திட்டு நாடிக்கொள் ளீரே." 
என்ற திருமந்திரத்துக்கு கருத்துக் கூறுகையில்:
 "நம் திருமூலர் வட்டெழுத்துக் காலத்தவர் ஆனபடியால் தம்முடைய நூலில் தமிழ்மொழியிலுள்ள 16 உயிர்களைப் பற்றியும் 35 மெய்களைப்பற்றியும் கூறியுள்ளார்" திருமூலர் காலத்தில் தமிழ்மொழியில் உயிர் 16 உண்டு என்று அறிகின்றோம் அத்துடன் மெய்யெழுத்துகள் 35 உம் சேர்த்து   51என்று புலவர் கூறுவர். (செந்தமிழ்க் காலத்துக்கு முந்திய தமிழ் மொழி நிலை இது)"

என்று கூறியிருப்பதை நான் ஆதாரமாகக் காட்டியதற்கு அது தவறு என்பதற்கோ அல்லது சமக்கிருதம் தான் 51 சொற்களும் என்பதற்கோ ஸ்ரீநிவாசன் எந்தவித ஆதாரமும் காட்டவில்லை.

என்னைப்போன்ற, குறிப்பாக புலம்பெயர்ந்து வாழும்  தமிழர்கள் தமிழையும், தமிழிலக்கியங்களைப் பற்றி, பார்ப்பனத் திரிபுகள் இன்றி, அறிந்து கொள்வதற்காக நிறுவப்பட்டது தான் தமிழ் இணையக் கல்விக் கழகம், அந்தக் கழகத்திலுள்ளவர்களும், கட்டுரையை எழுதியவர்களும்,  தமிழில் புலமை வாய்ந்தவர்களாகத் தானிருப்பார்களென நிச்சயமாக நம்புகிறேன்.  நான் அந்தக் கட்டுரையை ஆதாரமாக, அதனடிப்படையில் திருமந்திரம் கூறும் 51 சொற்களும் தமிழ்ச் சொற்கள் என்பதைக் காட்டினேன். அது தவறென ஸ்ரீநிவாசனால் திடமாக உறுதிப்படுத்த முடியுமானால் அவர் தனது ஆதாரத்தைக் காட்டியிருக்க வேண்டும். அத்துடன் அவர்களின் கருத்தை எதிர்த்து, அது தவறென நிறுவி,  தமிழ் இணையக் கல்விக்கழகத்தின் இணையத்திலிருந்து, அந்தக் கட்டுரையை அகற்றச் செய்திருக்க வேண்டும். அதைச் செய்யாமல் தனது பொய்களையும், புனைவுகளையும் தனது வலைப்பதிவிலும், இங்கும் தொடர்வது அபத்தம்.

மொழிஞாயிறு தேவநேயப்பாவாணர் கூறியது போல அயலார் தமிழிலக்கியங்களுக்குச் செய்த அழிவுகள் கொஞ்ச நஞ்சமல்ல. பார்ப்பன இடைச்செருகல்களின் காரணமாக, தமிழராகிய தொல்காப்பியர் ஒரு பார்ப்பான் எனவும், “என்னை நன்றாக இறைவன் படைத்தனன் தன்னை நன்றாகத் தமிழ் செய்யுமாறே என்று” தான் பிறவியெடுத்ததன் நோக்கமே இறைவனை நன்றாகத் தமிழ் செய்வது தான் என்ற தமிழன் திருமூலன், தான் பாடிய தமிழ் மூவாயிரத்தில் தமிழை மறந்து விட்டு, அதாவது தான் எந்த வேலையைத் தொடங்கினாரோ, அதை மறந்து விட்டு தமிழல்லாத சமக்கிருதம் என்ற வேறு மொழியைப் புகழ்ந்தான், அந்த மொழிச் சொற்கள் தான் எல்லாவற்றுக்கும் அடிப்படை என்றான் எனப் புனைகதை புனையும் ஸ்ரீனிவாசன் போன்ற பல  பார்ப்பனர்கள் இக்காலத்தில் இணையத்தளங்களில் மட்டுமன்றி அக்காலத்திலும் இருந்தனர் என்பதற்கு, அவர்கள் எழுதிய பாயிரங்களும், உரைகளுமே சான்றாகும். அவர்களில் பலருக்கு தமிழில் பற்று இருந்ததோ இல்லையோ, தமிழின் அழகில், அதன் செழுமையில், ஆழத்தில் பிடிப்புள்ளவர்களாக இருந்தாலும் கூட அவர்களின் பார்ப்பனீயத்தைப் புகுத்தவும், தம்முடையதாகக கதைகட்டவும்  தயங்கவில்லை. அந்தப் பார்ப்பனப் பேராசை தான் தொல்காப்பியரைத் திரணதூமாக்கினியர் ஆக்கியது.

ஸ்ரீனிவாசனின் கேள்விகளைப் பார்ப்போம்

//வேதங்கள் சமஸ்க்ருதத்தில் தான் சொல்லப்பட்டது என்று நான் திருமந்திரத்தில் உள்ள பாடல் ஒன்றை உதாரணம் சொல்லி சொன்னேன். ///

அந்தப் பாடலின் கருத்தில் வேதங்கள் சமஸ்கிருதத்தில் தான் சொல்லப்பட்டதென்று எங்கேயுள்ளது. திருமந்திரம் கூறும்  51 சொற்களும் தமிழ்ச் சொற்களைத் தான் குறிக்கின்றன என்பதைக்காட்ட தமிழ் இணையக் கல்விக்கழகத்திலுள்ள கட்டுரையை, அப்படியே படம் பிடித்தும் போட்டேன். அதை விட வேறு என்ன ஆதாரம் வேண்டும். யாராவது இந்துத்துவா பார்ப்பனர் எழுதிய கட்டுரையை மட்டும் தான் உண்மையானது, சரியானதென்று நீங்கள் ஏற்றுக்கொள்வீர்கள் போலிருக்கிறது.

நீங்கள் உங்களின் வலைப்பதிவில் 'Reading Sanskrit Improves Brain Functioning' என்று ஒரு வைதீகப்(வேதப்)புளுகர்களால் மூளைச் சலவை செய்யப்பட்ட ஒரு வெள்ளையர், நாலே நாலு மொழிகளை யாரையோ வாசிக்கச் சொல்லிப் பார்த்துக் கூறியதை ஏதோ பல்லாண்டு கால ஆராய்ச்சியின் பின்னர் கண்டுபிடிக்கப்பட்ட முடிவு போல் படம் காட்டியுள்ளீர்கள், அதாவது பதிவு செய்திருக்கிறீர்கள். இருந்தாலும் அதற்கெல்லாம் ஆதாரம் காட்டுமாறு உங்களிடம் கேட்குமளவுக்கு எனக்கு மண்டைப் பிசகில்லை. Eating chocolate 'improves brain function என்று கூடத் தான் கண்டு பிடித்திருக்கிறார்கள். :-)

//நீங்கள் அதற்கு இல்லையில்லை திருமந்திர பாடல் கூறும் 51 எழுத்துக்கள் தமிழில் இருந்த 51 எழுத்துக்கள் என்றீர்கள். திருமூலர் காலம் வட்டெழுத்து காலம், வட்டெழுத்துக் காலத்தில் தமிழில் உயிர், மெய் எழுத்துக்கள் மொத்தம் 51 இருந்தன என்றீர்கள் //

அது என்னுடைய கண்டு பிடிப்பல்ல.  ஒரு தமிழறிஞர் திருமந்திரம் பற்றி எழுதிய கட்டுரையில்  மட்டுமன்றி, சித்தர்கள் பற்றிய இணையத்தளமும் கூட அதையே கூறுகிறது. தமிழர் என்ற போர்வையில் தமிழெதிரிகள் தமிழர் மத்தியில் வாழ்ந்து கொண்டிருக்கும் வரை, தமிழர்களின் கருத்துக்களுக்கு எதிர்க்கருத்துக் கூறி, தமிழைச் சிறுமைப்படுத்தத் தான் செய்வார்கள். இது ஒன்றும் தமிழர்கள் அறியாததல்ல.


// வட்டேழுத்துக் காலத்தில் தான் தமிழில் உயிர், மெய் சேர்த்து 51 எழுத்துக்கள் இருந்தன. ஆகவே திருமூலர் வட்டெழுத்துக் காலத்தில் வாழ்ந்தவர் என்று கருதினால் அவர் தொல்காப்பியத்துக்குப் பிந்தியவர். ///

தொல்காப்பியரும், திருமூலரும் எக்காலத்தைச் சேர்ந்தவர்கள் என்பது தொடர்ந்து விவாதிக்கப்படும் விடயம். தமிழர்கள் கூறும் காலத்தை, தமிழெதிரிப் பார்ப்பனர்களும் அவர்களின் அடிவருடிச் சூத்திரத்தமிழர்களும் குறைத்தும், திரித்தும் கூறுவது பல்லாண்டு காலமாக நடந்து வருகிறது.

//. உங்கள் கூற்றுப்படி திருமூலர் தொல்காப்பியர்க்கு பிறகு தோன்றியவர். அவர் காலத்தில் தமிழில் 51 எழுத்துக்கள்.///

நான் ஆதாரமாகக் குறிப்பிட்ட கட்டுரையின் அடிப்படையில் பார்த்தால் திருமூலர் தொல்காப்பியத்துக்குப் பிந்தியவர். அதைத் தான் நான் குறிப்பிட்டேன். ஆனால் திருமூலரின் காலத்தை யாரும் திட்டவட்டமாக வரையறுக்க முடியாது. அது பலராலும் இன்றும் விவாதிக்கப்படுகிறது. திருமந்திரத்தை இயற்றுவதற்கு ஏழு யுகங்களுக்கு முன்பாகவே திருமூலர் வாழ்ந்தவர் என்ற கருத்துமுண்டு. பாவாணர் காலத்தில் பார்ப்பனர்களுக்கு ஆமாம் சாமி போட்ட வையாபுரி போன்றவர்கள் திருமூலரின் காலத்தை எட்டாம் நூற்றாண்டு என்று கூடக் கூறினர்.

// அப்படியானால் புதிய எழுத்துக்கள் எப்போது சேர்க்கப்பட்டன. எங்கே சொல்லப்பட்டு உள்ளது. இலக்கண விதி முறைகள் பற்றி ஏதேனும் நூல் உள்ளதா?
 ///

நீங்கள் இதை தமிழ் இணையக் கல்விக்கழகத்தின் கட்டுரையை எழுதிய தமிழறிஞர்களைத்  தான் கேட்க வேண்டும். அந்தக் கட்டுரையிலுள்ள கருத்தை மறுக்கும் வகையில் உங்களிடம், அதைவிட நடுநிலையான, வலுவான ஆதாரமிருந்தால் காட்டுங்கள் பார்ப்போம். அல்லது தருமி வேடத்தில் வந்த நகைச்சுவை நடிகர் நாகேஸ் கூறியது போல உங்களுக்குக் கேள்வி கேட்க மட்டும் தான் தெரியுமோ?

//அப்படியானால் தொல்காப்பியருக்கு பிறகுதான் தமிழ் நான்மறை தோன்றியதா? //தொல்காப்பியர் நான்மறை பயின்றவர் என்று பாயிரத்தில் சொல்லப்பட்டு உள்ளது. அந்த நான்மறை கண்டிப்பாக 51 தமிழ் எழுத்துக்களாக இருக்க வாய்ப்பில்லை. அது என்ன நான்மறை?.

அறம் பொருள் இன்பம் வீடு என்ற நான்கையும் குறிக்கும் மூல மறையாகிய தமிழர்களின் நான்மறை தொல்காப்பியருக்கு முந்தியது. அது தான் தொல்காப்பியர் பயின்ற நான்மறையே தவிர எழுத்து வடிவமற்ற ஆரியர்களின் நான்கு நாடோடிப் பாடல்களும் அல்ல. ஆரிய வேதங்களுக்கு எழுத்து வடிவம் கிடையாது. அவை எழுதாமல் ஓதப்பட்டவை. சமக்கிருதத்துக்கு கூட எழுத்து வடிவம் இல்லை. சமக்கிருதத்தை எழுதுவதற்காக கிரந்தத்தை உருவாக்கியவர்கள் தமிழர்களே தவிர ஆரியர்கள் அல்ல.  இக்காலத்தில் சமக்கிருதம் எழுதப்படுவது தேவநாகரி எழுத்துக்களிலேயே.  தமிழைப் போன்று சமக்கிருதத்துக்கு தொன்று தொட்டு எழுத்து வடிவம் கிடையாது.  எழுத்து வடிவமே இல்லாத ஒரு மொழி, தொன்று தொட்டு எழுத்து வடிவத்தைக் கொண்ட தமிழுக்கு மேலானது, அதன் தாய் அல்லது சிறந்தது என்பதெல்லாம் பார்ப்பனப்புளுகின் உச்சக்கட்டமாகும்.

 //இவர் படித்த நான்மறைக்கும், திருமூலர் சொன்ன 51 எழுதுக்காளால் ஆன வேதத்துக்கும் என்ன வேறுபாடு?///

நல்ல கேள்வி, இங்கு தான் பார்ப்பனச் சதி வெளிப்படுகிறது. வேதம் என்பது தமிழ் வேர்ச்சொல். வேதம், மறை எல்லாமே தமிழ்ச் சொற்கள்.  வேதம் என்பது சமக்கிருதம் தமிழிலிருந்து இரவல் வாங்கிய சொல். திருமூலர் காலத்தில் தமிழ் எழுத்துக்களின் எண்ணிக்கை 51 என்கிறார் நான் மேற்கோள் காட்டிய கட்டுரையாசிரியர். ஆகவே திருமூலர் காலத்திலிருந்த தமிழ்ச் சொற்களின் எண்ணிக்கையையே, தமிழ் வேதம் அதாவது தமிழ்நான்மறையின்  அடிப்படை என்ற கருத்தில் திருமூலர் கூறியிருக்கலாம். 

"வேதங்கள் என்ற வரி எந்த பழந்தமிழ்ப் பாடலிலோ அல்லது தேவாரங்களிலோ வந்தால் அதன் கருத்து இக்காலத்தில் வடமொழியிலுள்ள நான்கு ஆரிய வேதங்கள் என்று நினைத்துக் கொள்ளுமளவுக்கு இக்காலத்தில் நாம் தமிழர்கள் பலர் மூளைச்சலவை செய்யப்பட்டிருக்கின்றோம். ஆனால் வேதம் (மறை) என்பதே தமிழ்ச் சொல் தான். தமிழிலிருந்து சமக்கிருதத்தால் இரவல் வாங்கப்பட சொற்கள். தொல்காப்பியர் காலத்திலேயே தமிழில் அறம், பொருள், இன்பம், வீடு என்பவற்றைக் கூறும் மூலத்தமிழ்நான்மறைகள் இருந்தன. ஆகமங்களும் வேதங்களும் சமக்கிருதத்தில் தான் சொல்லப்பட்டவை என்பது சமக்கிருதவாதிகளின் வாதமாகும், ஆனால்:
 திருமூலர் ஒன்பது ஆகமங்களின் சாரங்களை ஒன்பது தந்திரங்களாகத் தமிழ் மூவாயிரத்தில் பாடினார். இதனை,
"நந்தி இணையடி நான்தலை மேற்கொண்டு
புந்தியி னுள்ளே புகப்பெய்து போற்றிசெய்து
அந்தி மதிபுனை அரன்அடி நாடொறும்

சிந்தைசெய்து ஆகமஞ் செப்பலுற் றேனே."
 என்ற தற்குறிப்புப் பாயிரச் செய்யுளாலும்,
"வந்த மடமஏழு மன்னும்சன் மார்க்கத்தின்
முந்தி உதிக்கின்ற மூலன் மடவரை
தந்திரம் ஒன்பது சார்வு மூவாயிரம்

சுந்தரன் ஆகமச் சொன்மொழிந் தானே."
 என்ற சிறப்புப் பாயிரச் செய்யுளாலும் அறியலாம்.
தமிழ்மொழியில் வேதம் சூத்திரமும், ஆகமம் அதன் பாடியமும் போன்றவை. வேதம் பொது. ஆகமம் சிறப்பு. இதனை,

"வேதமோ டாகமம் மெய்யாம் இறைவனூல்ஓதும் சிறப்பும் பொதுவும்என் றுன்னுகநாதன் உரையவை நாடில் இரண்டந்தம்பேதம தென்பர் பெரியோர்க் கபேதமே."

என்ற தமிழ் மூவாயிரச் செய்யுளால் அறியலாம். ஆரிய வேதம் ஆகமத்தை ஒப்புக்கொள்ளவில்லை. தற்காலம் கிரந்த எழுத்துக்களிலும் நாகரத்திலும் உள்ள ஆகமங்கள் எல்லாம் தமிழ் ஆகமங்களினின்றுமே மொழி பெயர்த்தவையும், வடமொழி கற்ற தமிழர், தமிழ் ஆகமங்களின் சாரங்களை வடமொழியாளர்க்கும் அறிவுறுத்துவான் கருதி எழுதப்பட்டவையுமே தவிர வேறு இல்லை. இவ்வுண்மையைக் காமிகம் முதலிய ஆகமங்கள் பவுஷ்கரம் முதலிய உப ஆகமங்களினுடைய முகவுரையிலிருந்து அறியலாகும்.  

அது மட்டுமன்றி, பிற்காலத் தேவாரங்கள் பற்றியும், நாயன்மார் பற்றியும், தமிழர்களின் நான்மறையா அல்லது ஆரிய வேதங்களா என்று ஐயப்பாடு எழும் வகையிலும் திருமந்திரத்திலுள்ள பல பாடல்கள் இடைக்காலத்தில் பார்ப்பனர்கள் இட்டுக் கட்டிய இடைச்செருகல்களாகக் கூட இருக்கலாம். தொல்காப்பியத்தில் மட்டுமன்றி, திருக்குறளில் கூட பார்ப்பன இடைச் செருகல்கள் உள்ளன என்கின்றனர் தமிழறிஞர்கள். மதச்சார்பற்ற தொல்காப்பியத்திலும், திருக்குறளிலும் கூட தமது கைவரிசையைக் காட்டிய பார்ப்பான்கள் திருமந்திரத்தை விட்டு வைத்திருப்பார்களா? 

14 comments:

Ant said...

சமஸ்கிருதம் என்றால் ”நன்றாக சமைக்கப்பட்டது” எனப்பொருள் என்று அறிகிறேன். அவ்வாறாயின் அதற்கு முன் அம்மொழி இல்லை என்றே பொருள்படுகிறது. அவ்வாறு ஒரு மொழி இருந்தது என்று வாதத்திற்காக ஒத்துக் கொண்டாலும் கூட அதன் பொருள்படி பார்த்தால் வேறுமொழி இருந்திருக்க வேண்டும் என்பதை அறிந்து கொள்ளலாம். எனவே, சமஸ்கிருதத்திற்கு முன்னரே தமிழ் உள்ளது என்பது தெளிவு. அகத்திய முனிவரால் தமிழ் பெருமைபெற்றது எனவும் கூறப்படுகிறது. இவ் அகத்தி முனிவர் பற்றி பழமையானதென கருத்படும் ”ரிக்” வேதத்திலேயே கூறப்பட்டுள்ளதால் தமிழ் காலத்தால் முற்பட்டது தனித்தன்மை வாய்ந்தது என்பதை அறிந்து கொள்ள முடியும். ஆரியர்கள் இந்தியாவின் பூர்வகுடிகள் இல்லை என்பதலேயே போர்புரிந்தும் அடிபணிந்தும் குடியேறிகளாயினர். அணைகள் கட்டி விவசாயம் செய்து வசதிமிக்க வாழ்க்கை வாழ்த தமிழர்கள் நிலையை அறிந்து அவற்றை அடைந்து அணுபவிக்க இங்கேயே தங்கிவிட்டனர். இதுவே இந்தியவின் மீது படையெடுத்த முகலாய படையெடுப்பின் போதும் நிகழ்ந்தது. வேதங்களில் தஸ்யூகள் என தமிழர்கள், நிற வேறுபாடுடன், தெளிவுபடுத்தப்பட்டுள்ளனர். ”சப்தசிந்து” சரஸ்வதி போன்ற நதிகள் இந்தியாவில் இல்லை. அவர்கள் குறிப்பிடும் சொற்களெல்லாம் சமஸ்கிருதம் என்றால் இப்போதுள்ள நதிகள் பற்றிய குறிப்புகள் ஏன் வேதங்களில் இல்லை? இந்த நதிகள் அப்போது இந்தியவில் இல்லாமலா இருந்தது? வேதங்கள் ஒதுவதற்காக உருவக்கப்பட்டது. அதனால்தான் அதற்கு எழுத்து வடிவம் இல்லாதிருந்துது. (இஸ்லாமியர்களுக்கு அல்லா குரானை ஒலி வடிவில் அருளியதாகத்தான் குறிப்பிட்டு வருகின்றனர். இது பிற்காலத்தை சேர்ந்ததால் அரபு மொழியில் எழுத்து வடிவில் படியெடுக்கப்பட்டு பயன்படுத்தப்படுகிறது. ஆனால், சமஸ்கிருதம் அத்தகை தன்மையை பெற்றிருக்க வில்லை காரணம் அது இந்தியாவில் உருவாகவில்லை. இந்தியவில் தோன்றியிருந்தால் பழங்கால சிதைவுகளில் கண்டிருக்க முடியும்). வேதங்களில் தமிழ் இன வெறுப்புணர்வே மேலோங்கிருக்கும் அதே நிலை இன்று வரை காண இயலுவதற்கான அடிபடை காரணம் வரலாற்றோடு தொடர்புடைய இன வேற்றுமை மனப்பான்மையே. பேசப்படாத ஒரு மொழியில் இருந்து பிறமொழிகள் தோன்றின என்பதே நகைப்புக்குறியது. தமிழின் எச்சங்கள் உலம் முழுவதும் கடல்வழி பயணங்களால் பரவியதன் விளைவுகள் அணைத்துடனும் சமஸ்கிருதத்தை தொடர்புபடுத்தி அம்மொழியே அணைத்திற்கும் அடிப்படை என்ற என்னத்தை ஏற்படுத்தி வருகின்றனர், இயலாத நிலையில் அந்த இடங்களில் இந்த மதத்தை புகுத்திவிடுவர்.

செங்கதிரோன் said...

மிக அருமையான விளக்கம். நீண்ட நேரம் செலவு செய்து எழுதி இருக்கின்றீர்கள் என எண்ணுகிறேன். வாழ்த்துகள்

Srinivasan Ramakrishnan said...

@ant
ஆரியர்கள் யார்?
எப்போது வந்தார்கள்?
எங்கே சொல்லப்பட்டு உள்ளது?
வேதத்தில் என்ன சொல்லப்பட்டு உள்ளது?
தஸ்யுக்கள் என்றால் தமிழர்கள் என்று எங்கே சொல்லப்பட்டு உள்ளது?
சரஸ்வதி நதி இல்லை என்று யார் சொன்னார்கள்? இதை எல்லாம் ஆதாரத்துடன் நிரூபியுங்கள்.

viyasan said...

@Srinivasan Ramakrishnan

கீழேயுள்ள இணைப்பில் "சமஸ்கிருதம் இந்திய மொழியுமல்ல, இந்துக்களின் மொழியுமல்ல??" என்ற பதிவிலுள்ள காணொளியைப் பார்த்தீர்களேயானால், ஆரியர்கள் எங்கிருந்து வந்தனர். சமஸ்கிருதம் இந்திய மொழியா? என்பது போன்ற உங்களின் கேள்விகளுக்கு விடை கிடைக்கும். அதை விட திராவிட மொழிகள் (தமிழ் மூத்த திராவிட மொழி என்பதை மறுக்க மாட்டீர்கள் என நம்புகிறேன்) சமக்கிருதத்துக்கு மட்டுமன்றி ரிக் வேதத்துக்கும் மூத்தது. ஏனென்றால், தமிழ்ச் சொற்கள் ரிக் வேதத்திலும் இரவல் வாங்கப்பட்டுள்ளது என்ற உண்மையை, புகழ்பெற்ற ஒரு வரலாற்று ஆராய்ச்சியாளர் கூறுவதையும் காணலாம்.

http://viyaasan.blogspot.ca/2016/06/blog-post_19.html?m=0

Srinivasan Ramakrishnan said...

ஹா ஹா ஆரியர்கள் யார் என்பதை நீங்கள் சொன்ன பக்கத்தில் படித்து தெரிந்து கொள்ள வேண்டுமா? சங்க இலக்கிய ஆதாரங்கள் சொல்லுங்கள். நான் கூட ஆரியர்கள் என்று ஒரு இனமே இல்லை, பிராமணர்களும் தமிழர்களே என்று சொல்லும் இணைய தளம், வீடியோ எல்லாம் காட்டுவேன். நீங்கள் அங்கே சென்று படியுங்கள் அவர்கள் பிராமணர்கள் தமிழர்களே என்று சொல்வார்கள். யாரோ ஒருவர் சொல்லிவிட்டாராம், இவர் உடனே வந்து இங்கே கட்டுரை எழுதுகிறார்.
------------------------------------------------
நான் தமிழை இழிவு படுத்தவே இல்லை. நான் தமிழும், சம்ஸ்க்ருதமும் இந்த மண்ணின் மொழிகள் என்று தான் சொல்லி உள்ளேன். தமிழ் பேச்சு வழக்கு மொழி, சமஸ்க்ருதம் நூல்கள், சூத்திரங்கள் படைக்க.

நீங்கள்தான் நான் தமிழை இழிவு படுத்துகிறேன், தமிழை தாழ்த்துகிறேன், சமஸ்க்ருத வெறியர் என்றெல்லாம் சொல்லி படிப்பவர்களிடையே ஒருவித வெறுப்புணர்வை ஏற்படுத்துகிறீர்கள்.
--------------------------------------
இப்போது தமிழில் 51 எழுத்துக்கள் இருந்தது என்று நீங்கள் ஒரு உதாரணத்தை tamil virtual library பக்கத்தில் இருந்து காட்டினீர்கள். அதே போல நானும் தமிழ் இலக்கணம் எழுதும் போது அங்கே வடமொழியும் இருந்தது என்ற தொல்காப்பிய செய்யுளையும், ஆரியமும் தமிழும் என சொல்லும் திருமந்திர பாடலையும் சொன்னேன்.

நீங்கள் எந்த இணைய தள பக்கத்தில் இருந்து எடுத்தீர்களோ அதே பக்கத்தில் இருந்து தான் எடுத்து சொன்னேன். உடனே அது இடைசெருகல் என்று சொல்லி தப்பித்து கொண்டீர்கள்.

அதாவது நீங்கள் சொன்னால் அது உண்மை, நான் சொன்னால் அது இடைசெருகல். என்னே ஒரு வெறி.

முதலில் நீங்கள் தமிழில் 51 எழுத்துக்கள் இருந்ததை ஆதாரத்துடன் நிரூபியுங்கள். நீங்கள் சொன்ன அறிஞர்கள் எல்லாம் சமஸ்க்ருதத்தை வெறுத்து தங்களை தமிழ் ஆர்வலர்களாக காட்டி கொள்பவர்கள்.

http://shaivam.org/articles/art-kumaraguru-thelivukkaka.htm
நீங்கள் சைவ சமயத்தவரே என்று சொல்கிறீர்கள் அல்லவா. அப்படியானால் நீங்கள் இந்த பக்கத்திற்கு சென்று படியுங்கள். என்ன சொல்லியுள்ளார்கள் என்று.

Srinivasan Ramakrishnan said...

//சமஸ்க்ருதத்திற்கு எழுத்து வடிவம் கிடையாது?//
தொல்காப்பியம் வடசொல் கொண்டு செய்யுள் செய்யலாம் என்று கூறுகிறது. நீங்கள் சொன்ன அதே tamil virtual library இணையதள பக்கத்தில் தான் உள்ளது.

சிலப்பதிகாரத்தில் வடமொழி வாசகம் செய்த நல்ஏடு என்று ஒரு வரி வருகிறது. இதுவும் கூட நீங்கள் சொன்ன அதே இணையதள பக்கத்தில் தான் உள்ளது.
-----------------------------------------------------
கீழே காணும் இரண்டு பாடலும் நீங்கள் சொன்ன இணையதள பக்கத்தில் இல்லை.

மாரியும் கோடையும் வார்பனி தூங்கநின்று
ஏரியும் நின்று அங்கு இளைக்கின்ற காலத்து
ஆரியமும் தமிழும் உடனே சொல்லிக்
காரிகையார்க்குக் கருணை செய்தானே.

அவிழ்க்கின்ற வாறும் அதுகட்டு மாறும்
சிமிட்டலைப் பட்டு உயிர் போகின்றவாறும்
தமிழ்ச்சொல் வடசொல் எனும் இவ் இரண்டும்
உணர்த்தும் அவனை உணரலும் ஆமே.

Ant said...

@Srinivasan Ramakrishnan
ஆரியர்கள் யார்?
- ஒரு இனத்தினர்.
எப்போது வந்தார்கள்?
- காலத்ததை தாங்களே கணித்துக் கொள்ளுங்கள்.
எங்கே சொல்லப்பட்டு உள்ளது?
-வேதத்தில் சொல்லப்பட்டள்ளது.
வேதத்தில் என்ன சொல்லப்பட்டு உள்ளது?
-சப்த சிந்துவை கடந்து வந்ததாக
தஸ்யுக்கள் என்றால் தமிழர்கள் என்று எங்கே சொல்லப்பட்டு உள்ளது?
-வேதங்களில், நிற வேறுபாடுடன், தெளிவுபடுத்தப்பட்டுள்ளனர்.
சரஸ்வதி நதி இல்லை என்று யார் சொன்னார்கள்?
-சரஸ்வதி நதி இந்தியாவில் எங்கு பார்த்தீர்கள்?
-கங்கை சிந்துக்கு என்ன ஆயிற்று.
-சப்த சிந்து எங்கு உள்ளது?
-இந்துக்களுக்கு புனித நதி கங்கை அது பற்றி எத்தனை முறை வேதங்களில் குறிப்பிடப்பட்டுள்ளது.
-சரஸ்வதி நதி பற்றி வேதங்களில் எத்தனை முறை குறிப்பிடப்பட்டுள்ளது.
இதை எல்லாம் ஆதாரத்துடன் நிரூபியுங்கள்.
-நீங்கள் ஆரியர் இல்லை என்பதை நிறுபியுங்கள்.

viyasan said...

//ஹா ஹா ஆரியர்கள் யார் என்பதை நீங்கள் சொன்ன பக்கத்தில் படித்து தெரிந்து கொள்ள வேண்டுமா? சங்க இலக்கிய ஆதாரங்கள் சொல்லுங்கள். //

அது பற்றித் தனியாக விவாதிப்போம். எல்லாவற்றையும் ஒன்றாகப் போட்டுக் குழப்பியடிக்க வேண்டாம். ஈரானிலுள்ளவர்களும் தம்மை ஆரியர்கள் என்கிறார்கள். அது மட்டுமன்றி அவர்கள் அதற்கு உறுதியான ஆதாரங்களையும் காட்டுகிறார்கள். ஆரியப் படையெடுப்பு நடந்ததோ இல்லையோ, ஆனால் ஆரிய இடப்பெயர்வு நடந்தது என்பதற்கு வலுவான சான்றுகள் உள்ளன.

//நான் கூட ஆரியர்கள் என்று ஒரு இனமே இல்லை, பிராமணர்களும் தமிழர்களே என்று சொல்லும் இணைய தளம், வீடியோ எல்லாம் காட்டுவேன். நீங்கள் அங்கே சென்று படியுங்கள் அவர்கள் பிராமணர்கள் தமிழர்களே என்று சொல்வார்கள்.//

இணைப்பைக் காட்டுங்கள். வேறுபட்ட கருத்துக்களைப் படித்துப் பார்ப்பதில் எனக்கு எப்பவுமே ஆர்வம் அதிகம்.

//யாரோ ஒருவர் சொல்லிவிட்டாராம், இவர் உடனே வந்து இங்கே கட்டுரை எழுதுகிறார்.//

அவர் வெறும் யாரோ ஒருவர் அல்ல.. பலருமறிந்த, வரலாற்றைக் கற்று அதில் அறிவும், அனுபவமுமுள்ளவர். கோமாளி நடிகர் சோ ராமசாமியை எல்லாம் ஆதாரம் காட்டும் நீங்கள், அவரது கருத்தை ஒப்புக் கொள்ள மறுப்பது வேடிக்கையானது. :-)

------------------------------------------------
//நான் தமிழை இழிவு படுத்தவே இல்லை. நான் தமிழும், சம்ஸ்க்ருதமும் இந்த மண்ணின் மொழிகள் என்று தான் சொல்லி உள்ளேன்.///

இரண்டும் இந்த மண்ணின் மொழிகள், ஆனால் சம்ஸ்கிருதம் கொஞ்சம் உயர்ந்தது. தமிழ்தான் சமஸ்கிருதத்திலிருந்து இரவல் வாங்கியது, ஆனால் சமஸ்கிருதம் இரவல் வாங்கவில்லை, அப்படித்தானே :-)

// தமிழ் பேச்சு வழக்கு மொழி, சமஸ்க்ருதம் நூல்கள், சூத்திரங்கள் படைக்க.//
அப்படியானால் நூல்கள், சூத்திரங்கள் படைக்க, தமிழிலிருந்து சமைக்கப்பட்ட, (உருவாக்கப்பட்ட_ மொழி தான் சமக்கிருதம் என்பதை நீங்கள் ஏற்றுக் கொள்கிறீர்களா?

//நீங்கள்தான் நான் தமிழை இழிவு படுத்துகிறேன், தமிழை தாழ்த்துகிறேன், சமஸ்க்ருத வெறியர் என்றெல்லாம் சொல்லி படிப்பவர்களிடையே ஒருவித வெறுப்புணர்வை ஏற்படுத்துகிறீர்கள். ///

நான் கூறுவதை அவர்கள் யாரும் நம்பத் தேவையில்லை. உங்களின் வலைப்பதிவுக்குச் சென்று உங்களின் கருத்துக்களைப் படித்துப் பார்த்தால், அவர்களுக்கே தெரியும்.
--------------------------------------

//இப்போது தமிழில் 51 எழுத்துக்கள் இருந்தது என்று நீங்கள் ஒரு உதாரணத்தை tamil virtual library பக்கத்தில் இருந்து காட்டினீர்கள். அதே போல நானும் தமிழ் இலக்கணம் எழுதும் போது அங்கே வடமொழியும் இருந்தது என்ற தொல்காப்பிய செய்யுளையும், ஆரியமும் தமிழும் என சொல்லும் திருமந்திர பாடலையும் சொன்னேன்.//

இதற்கு விரிவான பதிலைப் பின்பு பார்ப்போம்.

//நீங்கள் எந்த இணைய தள பக்கத்தில் இருந்து எடுத்தீர்களோ அதே பக்கத்தில் இருந்து தான் எடுத்து சொன்னேன். உடனே அது இடைசெருகல் என்று சொல்லி தப்பித்து கொண்டீர்கள். ///

அவை இடைச்செருகல் எனத் தனது வாழ்நாள் முழுவதையும் மொழியாராய்ச்சியில் செலவிட்ட பாவாணரே எண்ணுகிறார்/


//http://shaivam.org/articles/art-kumaraguru-thelivukkaka.htm
நீங்கள் சைவ சமயத்தவரே என்று சொல்கிறீர்கள் அல்லவா. அப்படியானால் நீங்கள் இந்த பக்கத்திற்கு சென்று படியுங்கள். என்ன சொல்லியுள்ளார்கள் என்று.//

முன்பே சென்று படித்திருக்கிறேன். அதை நடத்துபவர்கள் பார்ப்பனர்கள் அல்லது பார்ப்பன மேலாதிக்கத்தை ஏற்றுக் கொண்ட தமிழ்ச் சூத்திரர்கள் என்ற எண்ணம் தான் எனக்கு ஏற்பட்டது.

viyasan said...

//மாரியும் கோடையும் வார்பனி தூங்கநின்று
ஏரியும் நின்று அங்கு இளைக்கின்ற காலத்து
ஆரியமும் தமிழும் உடனே சொல்லிக்
காரிகையார்க்குக் கருணை செய்தானே.

அவிழ்க்கின்ற வாறும் அதுகட்டு மாறும்
சிமிட்டலைப் பட்டு உயிர் போகின்றவாறும்
தமிழ்ச்சொல் வடசொல் எனும் இவ் இரண்டும்
உணர்த்தும் அவனை உணரலும் ஆமே.//

இரண்டு பாடல்களுமே பார்ப்பன இடைச்ச்செருகல்கள் (பின்பு பார்ப்போம்) :-)

Srinivasan Ramakrishnan said...

எப்படி நான் உதாரணம் சொன்ன கட்டுரையை எழுதியவர் பார்ப்பனர்கள் அல்லது பார்ப்பன மேலாதிக்கத்தை ஏற்றுக் கொண்ட தமிழ்ச் சூத்திரர்கள் என்று நீங்கள் எடுத்துக் கொண்டீர்களோ அதே போல நானும் நீங்கள் சொன்ன தமிழ் அறிஞர்களையும் பிராமண, சமஸ்க்ருத வெறுப்பாளர்கள் என்று எடுத்துக் கொள்ளலாமா?. அதுதான் உண்மையும் கூட.

viyasan said...

//நானும் நீங்கள் சொன்ன தமிழ் அறிஞர்களையும் பிராமண, சமஸ்க்ருத வெறுப்பாளர்கள் என்று எடுத்துக் கொள்ளலாமா?///

நீங்கள் எப்படியும் எடுத்துக் கொள்ளலாம். இவ்வளவு நாளும்உங்களின் கற்பனைகளை எல்லாம் என்னிடம் கேட்டுக் கொண்டா செய்தீர்கள். தொல்காப்பியர் பிராமணர், தொல்காப்பியத்தில் நான்மறை என்பது ஆரியவேதங்களை, தொல்காப்பியம் வடசொல் என்பது எழுத்துவடிவமற்ற இக்கால சமக்கிருதத்தை என்பவற்றை எல்லாம் எல்லாம் நீங்கள் யாராவது தமிழர்களின் ஒப்புதல் கேட்ட பின்னரா கற்பனை செய்தீர்கள், இல்லையே.

நான் கூறிய தமிழறிஞர்கள் அனைவரும், பார்ப்பனச் சதிக்கும், இடைச்செருகல்களுக்கும் ஆதாரம் காட்டுகின்றனர். ஆனால் அவர்களின் ஆதாரங்களை ஏற்றுக் கொள்ள உங்களின் தமிழெதிரிச் சமக்கிருதவெறி மறுக்கிறது. அதற்கு நாங்கள் தமிழர்கள் ஒன்றும் செய்ய முடியாது. தமிழ்நாட்டுத் தமிழர்கள் இன்னும் தூங்கிக் கொண்டிருந்தாலும், ஏனைய நாடுகளில்வாழும் தமிழர்கள் விழித்துக் கொண்டனர். மலேசியாவிலிருந்து தமிழ்த் தேசியம் கிளர்ந்தெழுந்து, பார்ப்பனர்களின் தொல்காப்பியப் பொய்களுக்கு விடை கூறும், என்று தமிழர்கள் எவரும் கனவு கூடக் கண்டதில்லை. ஆனால் அது இப்பொழுது நடக்கின்றது, நான் பதிவு செய்த காணொளிகளைப் பாருங்கள்.

Srinivasan Ramakrishnan said...

அதே போல நீங்கள் ஒப்புக்கொள்ளாததால், ஏற்று கொள்ளும் மனப்பக்குவம் இல்லாததால் உண்மை இல்லை என்று ஆகிவிடாது. உங்கள் கற்பனை எல்லாம் உண்மை ஆகிவிடாது.

viyasan said...

//இப்போது தமிழில் 51 எழுத்துக்கள் இருந்தது என்று நீங்கள் ஒரு உதாரணத்தை tamil virtual library பக்கத்தில் இருந்து காட்டினீர்கள். அதே போல நானும் தமிழ் இலக்கணம் எழுதும் போது அங்கே வடமொழியும் இருந்தது என்ற தொல்காப்பிய செய்யுளையும், ஆரியமும் தமிழும் என சொல்லும் திருமந்திர பாடலையும் சொன்னேன்.//

உங்களைப் போன்ற தமிழெதிர்ப்பு சமஸ்கிருதவெறியர்களால் தமிழின் மேன்மையைத் தாங்க முடியாது. தொல்காப்பியர் பிராமணர், தொல்காப்பியத்தில் நான்மறை என்பது ஆரியவேதங்களைக் குறிக்கிறது, தொல்காப்பியம் வடசொல் என்பது எழுத்துவடிவமற்றிருந்த இக்காலச் சமக்கிருதத்தையே குறிக்கிறது என்று உளறிய நீங்கள், இப்பொழுது என்னடாவென்றால் அவற்றை எல்லாம் அப்படியே போட்டு விட்டு தமிழில் வட்டெழுத்துக் காலத்தில் 51 சொற்கள் இருந்தன என்று தமிழறிஞர்கள் கூறும் உண்மையை ஏற்றுக் கொள்ள மறுக்கிறீர்கள். திருமந்திரம் கூறும் 51 சொற்களும் சமக்கிருதம் தான் என்று திருமந்திரம் கூறுகிறதா? தமிழர்கள் உருவாக்கிய கிரந்தம் திருமூலருக்குப் பிந்தியது. சமக்கிருதம் எழுதப்படும் தேவநாகரியில் 51 சொற்கள் உள்ளதா? . பிற்காலத்துக் கிரந்தத்தில் (சிலர் 48 சொற்கள் உள்ளன என்கிறார்கள் ஆனால் பார்ப்பனத்திரிபுக்கேற்றவாறு சொற்களையும் கூட்டிக் குறைத்துக் கொள்கிறார்கள் தமிழெதிரிகள்) மலையாளத்திலும், கன்னடத்திலும், வங்காளத்திலும் கூடத் தான் 51 சொற்கள் உள்ளன, உங்களின் வாதத்தின் படி பார்த்தால் மலையாளிகள் கூட திருமந்திரத்தில் கூறப்படும் 51 சொற்களும் மலையாளம் என்று கூட உங்களைப் போல், அபத்தமாக வாதாடலாம். தமிழ் மூவாயிரம் பாடிய திருமூலர், அவரது காலத்துக்குப் பிந்திய கிரந்தத்தைக் குறிப்பிட்டார் என்பதே அபத்தம். அதை விட

"அவிழ்க்கின்ற வாறும் அதுகிட்டு மாறும்
சிமிட்டலைப் பட்டுயிர் போகின்ற வாறும்
தமிழ்ச்சொல் வடசொல் லெனுமிவ் விரண்டும்
உணர்த்து மவனை யுணரலு மாமே"

என்கிற பாடலும், வேறு சில பாடல்களும் பார்ப்பன இடைச்செருகல்கள் என்பதை தமிழர் மதம் என்ற தனது கட்டுரையில் பாவாணர் நிரூபித்திருக்கிறார்.

" "மூலன் உரைசெய்த மூவா யிரந்தமிழ்" என்று சிறப்புப் பாயிரம் கூறுவதால், திருமந்திர மண்டிலங்கள் (விருத்தங்கள்) மொத்தம் மூவாயிரமே. வே. விசுவநாதப் பிள்ளை பதிப்பில் 3047 மந்திரங்கள் உள்ளன. சை. சி. நூ. ப. கழகப் பதிப்பில் மூவாயிரமே உள்ளன. அவற்றுள், "அவிழ்க்கின்ற வாறும்," "அந்தண ராவோர்" என்னு மிரண்டும் இடம்பெறவில்லை. அவை இடைச்செருகல் போலும்!"

உங்களைப் போன்றோரின் பார்ப்பனத் திரிபுகளுக்குப் பதிலடி கொடுக்க வேண்டுமென நான் கருதும்போது எனது வலைப்பதிவில் பதிலளிக்கப்படும். அடிக்கடி இங்கே வருகை தாருங்கள். :-)

மலரன்பன் said...

Srinivasan Ramakrishnan writes: //நான் தமிழை இழிவு படுத்தவே இல்லை. நான் தமிழும், சம்ஸ்க்ருதமும் இந்த மண்ணின் மொழிகள் என்று தான் சொல்லி உள்ளேன். தமிழ் பேச்சு வழக்கு மொழி, சமஸ்க்ருதம் நூல்கள், சூத்திரங்கள் படைக்க.//

Response

இந்த மண் என்றால் தமிழ்நாட்டு மண்ணா? அப்படியென்றால் பொய் சொல்கிறீர்கள்.

தமிழ்தான் இம்மண்ணின் மொழி.
சமஸ்கிருதம் வந்தேறிய மொழி.
தமிழருக்குத் தாய்மொழி தமிழ். அந்நிய மொழி சமஸ்கிருதம்.