Wednesday, February 3, 2016

தமிழில் இலங்கையின் தேசிய கீதம் – “இயலுறு பிளவுகள் தமை அறவே இழிவென நீக்கிடுவோம்”



நாளை மறுதினம் பெப்ரவரி நான்காம் நாள் நடைபெறவுள்ள 
இலங்கையின் சுதந்திர தினத்தில் தமிழிலும் தேசிய கீதத்தைப் பாடுவதற்கு இலங்கை அரசு முடிவு செய்திருந்தாலும், அதற்கு சிங்கள இனவாதிகள் எதிர்ப்புத் தெரிவிக்க தொடங்கியுள்ளனர். முன்னாள் ஜனாதிபதி மகிந்த ராஜபக்சவும் தமிழில் தேசிய கீதம் பாடப்படுவதை எதிர்த்துக் கருத்து தெரிவித்திருக்கிறார். ஆகவே இலங்கையின் தேசிய தினத்தன்று தமிழிலும் தேசிய கீதம் பாடப்படுமா என்பதை பொறுத்திருந்து தான் பார்க்கவேண்டும்.
The government invitation card to mark the first anniversary of 
Sri Lanka’s independence in1949
இலங்கை சுதந்திரமடைந்த முதலாவது சுதந்திர தின விழாவில் கூட தமிழிலும் தேசிய கீதம் பாடப்பட்டது. அதற்குப் பின்னர் தான் இனவாத சிங்கள அரசுகள் அந்த நடைமுறையை மாற்றினர். ஆனால் இலங்கை சுதந்திரமடைந்த காலம் தொட்டு, வடக்கு, கிழக்கில் நடைபெறும் அரச விழாக்களிலும், பாடசாலைகளிலும் இலங்கைத் தமிழர்கள் எப்பொழுதுமே தமிழில் மட்டுமே தேசிய கீதத்தைப் பாடி வந்துள்ளனர் என்பது குறிப்பிடத் தக்கது.  இலங்கைத் தமிழர்களின் பிரச்சனை எல்லாம் பெரும்பான்மைச் சிங்களவர்களுடனும் அவர்களின் இனவாத அரசியலுடனும் தானே தவிர தமது அழகிய தாய்நாடாகிய இலங்கைத் தீவுடன் அல்ல. தமிழர்கள் உலகின் பல்வேறு நாடுகளில் வாழ்ந்தாலும் கூட இலங்கைத் தமிழர்கள் மட்டும் தான் தமது நாட்டின் தேசிய கீதத்தை, தமது தாய்மொழி தமிழில் பாடும் வழக்கத்தைக் கொண்டுள்ளனர். . 

 மகிந்த ராஜபக்சவின் முன்னையஅரசும்வடக்கு கிழக்கை ஆக்கிரமித்திருக்கும் சிங்கள இராணுவமும் தமிழில் தேசிய கீதம் பாடுவதை நிறுத்த முயற்சித்தாலும் கூடஇன்றும் ஈழத் தமிழர்களின் பாடசாலைகளில் தமிழில் தான் இலங்கையின் தேசிய கீதம் பாடப்படுகிறது. இலங்கைத் தமிழர்கள் தமிழில் தேசிய கீதம் பாடுவதைத் தடுத்தால்தேசிய கீதத்தைப் பாடாமல் தமிழர்கள் தவிர்ப்பார்களே தவிரசிங்களத்தில்அதாவது புரியாத மொழியில் பாடமாட்டார்கள் எனத் தமிழ் தேசிய முன்னணியினர்  (திரு. சுமந்திரன்) இலங்கைப் பாராளுமன்றத்தில் தெரிவித்தது குறிப்பிடத்தக்கது. அத்துடன் இலங்கை அரசு நிறுவிய LLRC ஆணைக்குழுவும் தமிழில் தேசிய கீதம் பாடுவதைத் தடுக்கும் முயற்சியைக் கண்டித்ததுடன்இரு மொழிகளிலும் தேசிய கீதம் பாட வேண்டுமெனக் கூறியுள்ளது.  

இலங்கைக்கு வெளியே வாழும் பல தமிழர்கள் இலங்கையின் தேசிய கீதத்தை தமிழில்  கேட்டிருக்க மாட்டார்கள். சிங்கள மொழியிலுள்ள இலங்கையின் இலங்கையின் தேசிய கீதத்தின் தமிழ் மொழிபெயர்ப்பாக இருந்தாலும் சில வரிகள் உதாரணமாக "ஈழ சிரோன்மணி வாழ்வுறு பூமணி" என்ற அடிகள் சிங்களத்தில் கிடையாது. இசையும் தமிழிலும் சிங்களத்திலும் ஒரே மாதிரியானவை. 


ஸ்ரீ லங்கா தாயே - நம் ஸ்ரீ லங்கா
நமோ நமோ நமோ நமோ தாயே

நல்லெழில் பொலி சீரணி
நலங்கள் யாவும் நிறை வான்மணி லங்கா
ஞாலம் புகழ வள வயல் நதி மலை மலர்
நறுஞ்சோலை கொள் லங்கா
நமதுறு புகலிடம் என ஒளிர்வாய்
நமதுதி ஏல் தாயே
நமதலை நினதடி மேல் வைத்தோமே
நமதுயிரே தாயே - நம் ஸ்ரீ லங்கா
நமோ நமோ நமோ நமோ தாயே

நமதாரருள் ஆனாய்
நவை தவிர் உணர்வானாய்
நமதேர் வழியானாய்
நவில் சுதந்திரம் ஆனாய்
நமதிளமையை நாட்டே
நகு மடி தனையோட்டே
அமைவுறும் அறிவுடனே
அடல்செறி துணிவருளே - நம் ஸ்ரீ லங்கா
நமோ நமோ நமோ நமோ தாயே

நமதார் ஒளி வளமே
நறிய மலர் என நிலவும் தாயே
யாமெல்லாம் ஒரு கருணை அனைபயந்த
எழில்கொள் சேய்கள் எனவே
இயலுறு பிளவுகள் தமை அறவே
இழிவென நீக்கிடுவோம்
ஈழ சிரோமணி வாழ்வுறு பூமணி
நமோ நமோ தாயே - நம் ஸ்ரீ லங்கா
நமோ நமோ நமோ நமோ தாயே




No comments: