Sunday, September 28, 2014

ஈழத்தமிழர்களுக்கு இது ஒரு துக்கநாள்!





இனவாதச் சிங்களவர்கள் குதூகலத்துடன் வரவேற்கும், மகிழ்ச்சியுடன் கொண்டாடும் எந்த விடயமும் அல்லது செய்தியும் நிச்சயமாக  ஈழத்தமிழர்களின் நலன்களுக்கு உகந்ததாக இருக்க முடியாது அப்படி ஒரு போதுமிருந்ததுமில்லை.

செல்வி. ஜெயலலிதா  நீதிமன்றத்தால்  தண்டிக்கப்பட்டதையும் இனிமேல்அவர் தமிழ்நாட்டின் முதலமைச்சராக இருந்து அவர்களுக்கு ஒரு தலையிடியாக இருக்க மாட்டார் என்பதையும் சிங்களவர்கள் எவ்வாறு மகிழ்ச்சியுடனும், ஏளனத்துடனும் வரவேற்கிறார்கள் என்பதைப் பார்க்கும் போது, சிலர் கூறுவது போல், சுயநல அரசியல் நோக்கங்களுக்காக செல்வி. ஜெயலலிதா ஈழத்தமிழர்களுக்காக குரல் கொடுத்திருந்தாலும் கூட, அவர் உண்மையில் இனவாதச் சிங்களவர்களுக்கு ஒரு சிம்ம சொப்பனமாக, அவர்களால், எவ்வளவுக்கு மிகவும் வெறுக்கப்பட்ட ஒருவராக இருந்தார் என்பதை உணர முடிகிறது.  சிங்களவர்கள் ஜெயலலிதாவுக்குப் பயந்த
அளவுக்கு ஏனைய தமிழ்நாட்டுத் தலைவர்களை ஒரு பொருட்டாக 
மதித்ததில்லை என்பது தான் உண்மை. 

செல்வி. ஜெயலலிதாவின் அரசியல் வாழ்க்கைக்கு ஒரு முடிவு ஏற்பட்டு விட்டதாகவும், இனிமேல் ஈழத்தமிழர்களின் விடயத்தில் தமிழ்நாட்டை ஒரு பொருட்டாகவே கருதத் தேவையில்லை போன்ற ஒரு வித அகங்காரத்தையும் சாதாரண சிங்களவர்கள் இணையத்தளங்களில் வெளிப்படுத்துவது மட்டுமன்றி, இலங்கை அரசின் *அமைச்சர்களால் கூட, மரியாதை நிமித்தமாவது  அவர்களின் மகிழ்ச்சியைக் வெளிக்காட்டாமல் மறைக்க முடியவில்லை என்பதைப் பார்க்கும் போது தான் அண்மைக்காலங்களில்  செல்வி. ஜெயலலிதாவின் ஈழத்தமிழர் சம்பந்தமான  முடிவுகள் எந்தளவுக்கு உறுதி வாய்ந்தவையாக மட்டுமல்ல, இலங்கை அரசுக்கும், இனவாதச் சிங்களவர்களுக்கும் தலையிடியாக இருந்திருக்கிறது என்பதையும் உணர முடிகிறது.   *Government hails ruling against Jaya

குற்றம் புரிந்தவர்கள் தண்டனையை அனுபவிக்கத் தான் வேண்டுமென்பதில் எனக்கோ அல்லது  ஈழத்தமிழர்களுக்கும் கருத்து வேறுபாடு கிடையாது அத்துடன் தீர்ப்பை விமர்சிப்பதும் நோக்கமல்ல. அதேவேளையில் இந்த தீர்ப்பைக் கேள்விப்பட்டதும் நானறிய, எவ்வளவோ புலம்பெயர்ந்த ஈழத்தமிழர்கள் கவலையையும், தமிழ்நாட்டில் ஈழத்தமிழர்களுக்காக ஒலித்த குரல் அடக்கப்பட்டு விட்டது என்ற உணர்வையும் வெளிப்படுத்துகின்றனர்

Tamilnet இணையத்தளம் Timing of Jayalalithaa case targets Dravidian polity    என்ற தலைப்பில்வெளியிட்டுள்ள கட்டுரையும் தமிழர்களின் சிந்தனைக்குரியது.

 


சிங்களப் பத்திரிகை லக்பிம,  செல்வி.ஜெயலலிதாவை அவமதித்து  வெளியிட்ட கேவலமானஇந்தக்  கார்ட்டூன். ஈழத்தமிழர்களால் மிகவும் கண்டிக்கப்பட்டது. 

A shockingly vulgar cartoon published by a Sri Lankan newspaper featuring Tamil Nadu chief minister J Jayalalithaa and the prime minister Manmohan Singh in extremely bad taste is yet another instance of the proxy-speak of the island nation that should ideally provoke a tough reply from India.On Sunday, Lakbima, a well-circulated Sinhala language daily in Sri Lanka, published a cartoon lampooning both Jayalalithaa and Manmohan Singh, ostensibly peeved at the recent tensions between Tamil Nadu and Sri Lanka, where a school football team was sent back, and a number of Sri Lankan pilgrims in the state came under attack.The cartoon, gross and nasty, has created some ripples in Sri Lanka as well, but the government of India is yet to react. 


https://www.colombotelegraph.com/index.php/lakbimanews-cartoon-controversy-women-and-media-urges-editor-to-apologize/


"தமிழகத்தில் மட்டுமல்ல, புலம்பெயர் தமிழர்கள் மற்றும் இலங்கையிலும் பதட்டம் நிலவுகின்றது. 
ஜெயலலிதா முதல் முறையாக முதல்வர் பதவியில் அமர்ந்தபோது, நாட்டினரின் கவனத்தை ஒட்டுமொத்தமாக தன் பக்கம் ஈர்த்தவர். எம்.ஜி.ஆரை. மட்டுமே முதல்வராகப் பார்த்து பூரித்திருந்த அதிமுகவினருக்கு ஜெயலலிதா. அடுத்த எம்.ஜி.ஆர். போல தோன்றினார். 
Do not support Sri Lanka, 
Jayalalitha tells Indian PM. 
முதல் பெண் முதல்வர் தமிழகத்தின் முதல் மக்களால் தேர்ந்தெடுக்கப்பட்ட பெண் முதல்வர், இளம் வயது முதல்வர் என்ற பெருமைகளும் ஜெயலலிதாவையே சாரும். 1991ம் ஆண்டு ஜூலை 24ம் திகதி முதல்வர் பதவியில் அமர்ந்த ஜெயலலிதா 1996ம் ஆண்டு மே 12ம் திகதி வரை அதில் நீடித்தார்.இந்த ஆட்சியின் ஆரம்ப காலங்கள் உண்மையிலேயே அருமையானதாக இருந்தது என்பது அவரது எதிரிகளே கூட ஒப்புக் கொள்வார்கள். 
ஈழத்தமிழர்களின் நலனிகளிலும் அக்கறை செலுத்தியுள்ளார். ஈழத்தமிழர்களின் சுயநிர்ணய உரிமைப் போராட்டத்தை முழுமையாக ஆதரிப்பதாக தெரிவித்தவர் ஜெயலலிதா. இலங்கையில் இடம்பெற்ற மனித உரிமை மீறல்கள் குறித்து சர்வதேச குழுவினர் இந்தியாவில் விசாரணை நடத்த விசா வழங்க வேண்டும் என்று இந்தியப் பிரதமராக நரேந்திர மோடி பதவியேற்ற பின்னர் ஜெயலலிதா வேண்டுகோள் விடுத்திருந்தார். 
மேலும் ஈழத்தமிழர்களை ஆதரித்த அவர், விடுதலைப் புலிகளுக்கு எதிராக கடுமையான குற்றச்சாட்டுக்களையும் முன்வைத்திருந்தார். அதுமட்டுமின்றி, இலங்கையின் மனித உரிமைகள் மீறல்களையும் கண்டித்து தமிழக சட்டப் பேரவையில் 4 தீர்மானங்களையும் நிறைவேற்றியிருந்தார். 
மத்திய அரசாங்கத்தில் அறுதிப் பெரும்பான்மையின்றி ஆட்சியில் இருந்த காங்கிரஸ் அரசாங்கத்திற்கு, இலங்கை தொடர்பாக ஜெயலலிதாவின் கண்டிப்புக்களும், அழுத்தங்களும் நெருக்கடியை ஏற்படுத்தியிருந்து. இது இலங்கை அரசாங்கத்திற்கு பெரும் அச்சத்தை ஏற்படுத்தியிருந்து.அது மட்டுமன்றி இலங்கை இராணு வீரர்களுக்கு பயிற்சி வழங்கும் இந்திய அரசாங்கத்திற்கு ஜெயலலிதா நெருக்கடிகளை ஏற்படுத்தியிருந்தார். இது பிராந்திய பாதுகாப்பு முறைகளை கற்றுக்கொள்ளும் இலங்கை இராணுவத்தினருக்கு பெரும் சங்கடத்தை ஏற்படுத்தியிருந்தது.இந்த கடுப்பில் தான் இலங்கை பாதுகாப்பு அமைச்சின் இணையத்தளத்தில் ஜெயலலிதாவைப் பற்றி அவதூறான புகைப்படங்கள் வெளியாகின.  
ஜெயலலிதாவிற்கு ஏற்பட்ட இந்த நிலைமை இலங்கை அரசாங்கத்திற்கு குறிப்பாக ராஜபக்ச குடும்பத்தினருக்கு மிகுந்த சந்தோசத்தினையே அளிக்கும் என்பதில் எவ்வித ஐயமும் இல்லை. "

Saturday, September 20, 2014

தமிழ்நாட்டு தமிழ் அர்ச்சகமாணவர்களை புலம்பெயர்ந்த ஈழத்தமிழர்கள் ஆதரிக்க வேண்டும்!






சுவிற்சர்லாந்தின் தலைநகர் பேர்ணிலுள்ள ஞானலிங்கேச்சுரர் ஆலயத்தில் தெய்வத்தமிழில் பூசைகள் அர்ச்சனைகள் மட்டுமன்றிதிருமுழுக்குதமிழ் வேள்வி வழிபாட்டுடன் தேர்த்திருவிழா அண்மையில் நடைபெற்றது. தமிழர்களின்  சைவத்தை தமிழாக்கும் பணியில் முன்னோடியாகத் திகழ்ந்து , பேச்சில் மட்டுமல்லாதுஅதை நடைமுறைப் படுத்தியுங் காட்டிய சுவிஸ் ஞானலிங்கேச்சுரர் கோயிலின் நிர்வாகிகள் அனைவரும் உலகத் தமிழர்கள் அனைவராலும் பாராட்டப்பட வேண்டியவர்கள்.

தமிழ்நாட்டில் மட்டுமன்றி உலகம் முழுவதுமுள்ள தமிழர்களின் கோயில்களின் கருவறைக்குள் தமிழர்கள் நுழைவதற்கு சாதி ஒரு தடையாக இருக்காத நிலையேற்பட வேண்டும். ஆகவே தமிழ்நாட்டில் அனைவரும் சாதிவேறுபாடின்றி கருவறைக்குள் நுழையும் நியாயமான போராட்டங்கள் நடத்தப்பட வேண்டும் அதேவேளையில்  இந்தியப் *பார்ப்பனர்களின் வேலை வாய்ப்பு நிலையங்களாகசாதியையும் பார்ப்பனீயத்தையும் வளர்த்து விடும் இடங்களாக மாறி வரும் புலம்பெயர்ந்த தமிழர்களின் ஆலயங்களில் பார்ப்பனர்களுக்குப் பதிலாக அல்லது   அனைத்து சாதியினரும் அர்ச்சகராகும் திட்டத்தின் கீழ் முறையாகப் பயிற்சி பெற்ற தமிழ்நாட்டுத் தமிழர்களையும்அர்ச்சகர்களாக  நியமிக்க வேண்டும். நிச்சயமாக புலம்பெயர்ந்த ஈழத்தமிழர்களின் கோயில்களின் நிர்வாகிகள் எல்லோருமே தமிழுணர்வற்ற சாதி வெறியர்களாக இருக்க முடியாது.
கருவறை நுழைவு மறுக்கப்பட்ட தமிழ் அர்ச்சகர்கள் 
ஆகவே, எல்லோருக்கும் முன்மாதிரியாக  தமிழில் வழிபாட்டை நடத்தும் சுவிஸ் ஞானலிங்கேச்சுரர் கோயில் நிர்வாகத்தினர் முறையாக பயிற்றுவிக்கப்பட்ட இந்த தமிழ் அர்ச்சகர்களில் ஒருவரையாவது அர்ச்சகராக நியமித்தால் என்ன



இந்த அர்ச்சக மாணவர்களை ஊக்குவிக்க வேண்டியது உலகத்தமிழர்கள் அனைவரதும் கடமையாகும் இதே நடைமுறையை சிங்கப்பூர்மலேசியாபிஜீ போன்ற நாடுகளில் வாழும் தமிழர்களும் பின் பற்றினால் , தமிழர்களின்  சிவனியமும்மாலியமும்மீண்டும் தமிழாக்கப்படும் தகுதியற்றவர்களையும் பிறப்பின் அடிப்படையில் குருமார்களாக்கும் முட்டாள்தனம் நீங்கும்.

அனைத்து சாதியினரும் அர்ச்சகர்களாக்கும் திட்டத்தின் கீழ் பயிற்சி பெற்றவர்கள் சாதாரண பார்ப்பனர்களை விட முறையாகத் தமிழிலும் சமக்கிருதத்திலும் பயிற்சி அளிக்கப்பட்டிருக்கிறார்கள் என்பது மட்டுமல்ல அதில் பலர் தனிப்பட்ட முறையில் அர்ச்சகர் பணியைச் செய்து கொண்டிருக்கிறார்கள்,தமிழ்நாட்டு இந்துக்கள் அவர்களை அர்ச்சகர்களாக ஏற்றுக் கொண்டுஅவர்களின் தலைமையில்  சடங்கு சம்பிரதாயங்களை செய்வித்துக்  கொண்டுமிருக்கிறார்கள் என்பதும் குறிப்பிடத் தக்கது. இவர்களை ஊக்குவிப்பதால்  தமிழர்களின் ஆலயங்கள் மீண்டும் தமிழாக்கப்படுவதுமட்டுமல்லாமல் சைவமும் தமிழும் வளரும். இதை நடைமுறைப்படுத்துவதில்  முற்போக்குச் சிந்தனையுள்ளஅதே வேளையில் ஈழத்தமிழர்களின் சைவத்தமிழ்ப் பாரம்பரியத்தைக் கைவிடாத  புலம்பெயர்ந்த ஈழத் தமிழர்களின் இளைய சமுதாயத்தின் பங்க்களிப்பு முக்கியமானதாகும்.

சுவிசில் தமிழ்ச் சூத்திரர்கள்  தமிழில் பூசை

ஐரோப்பாவிலும்அமெரிக்காவிலும்கனடாவிலும் போன்ற தம்மைத் தமிழறிஞர்களாகஎழுத்தாளர்களாகபுலவர்களாகதமிழ் ஆர்வலர்களாக காட்டிக் கொள்ளும் எத்தனையோ  ஈழத்தமிழர்கள் உள்ளனர். ஆனால் அவர்கள் எவருமேதமிழ்நாட்டில் முடியாது விட்டாலும்ஈழத்தமிழர்களின் கோயில்களிலாவது தமிழுக்கு முன்னுரிமை அளிக்கப்பட வேண்டும்அத்துடன் பிராமணர்களை மட்டுமன்றிஎல்லோரையும் அர்ச்சகர்களாக நியமிக்க வேண்டுமென்பதைப் பற்றியோ பேசுவதில்லை.அவர்கள் கோயிலுக்குப் போகும் போது அங்குள்ள ஐயர் எல்லோரையும் விட அவர்களுக்குச் சில சலுகைகளைக் காட்டினால்அதைப் பெரிய கெளரவமாக நினைத்துக் கொள்வதாலோ என்னவோஎதற்காகப் பிராமணர்கள் மட்டும் அர்ச்சகர்களாக நியமிக்கப்பட வேண்டும்ஏனைய தமிழர்களும் அர்ச்சர்களாகினால் என்னஅதை ஏன் நாங்கள் ஈழத்தமிழர்களின் கோயில்களில் நடைமுறைப்படுத்தக் கூடாது  என்பதைச் சிந்தித்துப் பார்ப்பதில்லை. 

பார்ப்பனர்கள் தான் பூசை செய்யலாமென ஆகமங்கள் (அது பார்ப்பனர்களால் மேற்கொள்ளப்பட்ட இடைச்செருகல் என்ற கருத்துமுண்டு) கூறுகின்றன என்பதை ஏற்றுக் கொள்ள முடியாது. ஏனென்றால் ஈழத்தில் மிகவும் புகழ்பெற்றமிகவும் புனிதமானஅற்புதங்கள் நிறைந்த கதிர்காமம்செல்வச்சன்னதி போன்ற பல கோயில்களில் பார்ப்பனர்களுமில்லைசாதி வேறுபாடுமில்லைசமக்கிருதமும் கிடையாது.

குறிப்பு:
(*தமிழில் பிராமணர்கள் என்றல்லாமல் பார்ப்பனர்கள் என்றழைப்பது தான் முறை 
"நாற்றிசைத் தீர்த்தங்கொ ணர்ந்துந னிநல்கி
பார்ப்பனச் சிட்டர்கள் பல்லாரெ டுத்தேத்தி
பூப்புனை கண்ணிப்பு னிதனோ டென்றன்னை
காப்புநாண் கட்டக்க னாக்கண்டேன் தோழீநான்")