Saturday, August 9, 2014

வஹாபியத்துக்கு முன்பு தமிழ்நாடு முஸ்லீம்களும் தமிழை ‘நீசபாசை’ என்று கருதினார்களா??




(Quranic Inscriptions in Arabic and Tamil, Cheppatta Palli, Kochi)

ஜனாப். சுவனப்பிரியன் அவர்கள் வலையுலகில், குறிப்பாக இஸ்லாமியர்கள் மத்தியில்  மிகவும் பிரபலமானவர் போல் தெரிகிறது.  இலங்கையில் காணப்படும் தமிழ்-முஸ்லீம் பிரிவினை பற்றியும், இலங்கையில் வாழும் தமிழ்பேசும் முஸ்லீம்கள் தம்மைத் தமிழர்களாக அடையாளப்படுத்துவதில்லை என்பதையும் வெளிப்படையாகக் கூற நான் ஒரு போதும் தயங்கியதில்லை. ஒரு சில நாட்களுக்கு முன்பு 'தமிழ் ஹிந்து' இணையத்தளத்தில் நடந்த கருத்துப் பரிமாறலில் நான் இவ்வாறு கருத்துத் தெரிவித்திருந்தேன்.

உதாரணமாக, தமிழ்நாட்டில் தமிழ் முஸ்லீம்கள் இன்னும் தம்மைத் தமிழர்கள் என்று வாதாடினாலும் கூட, இலங்கை முஸ்லீம்கள் தமிழைத் தாய் மொழியாகப் பேசினாலும், அவர்களில் பெரும்பான்மையானோரின் முன்னோர்கள் தமிழ்/மலையாள(மலபார்) முஸ்லீம்களாக இருந்தாலும் கூட அவர்கள் தம்மைத் தமிழர்களாக அடையாளப்படுத்துவதில்லை. மத அடிப்படையில் முஸ்லீம்கள் என தம்மைத் தனிப்பட்ட இனமாகத் தான் அடையாளப்படுத்துகிறார்கள். தமிழ்நாட்டில் தீவிரமாக நடைபெற்று வரும் அரபுமயமாக்கலும், வஹாபி இஸ்லாமும் அப்படி ஒரு நிலையை தமிழ்நாட்டிலும் ஏற்படுத்தலாம்.
http://www.tamilhindu.com/2014/07/sanskritcartoon/#comment-132554

அதற்கு மறுப்புத் தெரிவித்து நீண்ட மறுமொழியை எழுதிய திரு சுவனப்பிரியன் அவர்கள் தனது பதிலில் கீழ்க்கண்டவாறும் குறிப்பிட்டிருந்தார்.



"முன்பு இஸ்லாமிய வீடுகளில் அரபு குர்ஆன் மாத்திரமே இருக்கும். அதனை அர்த்தம் புரியாமல் பய பக்கதியோடு முஸ்லிம்கள் ஓதுவார்கள். அந்த குர்ஆனுக்கு மரியாதை செய்யவும் தவற மாட்டார்கள். இந்துக்கள் மொழியில் குர்ஆனை மொழி பெயர்த்தல் "பாவம்" என்று மார்க்க கட்டளைகளை வேறு அன்று போட்டு வைத்தார்கள். ஆனால் வஹாபிய சிந்தனை வந்தவுடன் குர்ஆனை தமிழில் மொழி பெயர்க்க ஆரம்பித்தனர். குர்ஆன் மனிதர்களோடு என்ன பேசுகிறது என்பதை ஒவ்வொரு முஸ்லிமும் அறிய முற்பட்டான். ரஜினிக்கும் கமலுக்கும் ரசிகர் மன்றங்களை வைத்த இஸ்லாமிய இளைஞர்கள் மன்றங்களைக் களைத்து விட்டு குர்ஆனை ஆராய புகுந்தது இந்த வஹாபிய சிந்தனை வந்த பிறகுதான். இன்று ஒவ்வொரு இஸ்லாமியர் வீட்டிலும் தமிழ் குர்ஆனை பார்க்க முடிகிறது. தமிழகத்தில் வஹாபியம் வந்ததனால் தமிழுக்கு கிடைத்த பெருமை இது."

அதாவது, அவரது கருத்துப்படி, வஹாபியம் தமிழ்நாட்டுக்கு அறிமுகமாக முன்பு இந்துக்களின் மொழியாகிய தமிழில் “குர்ஆனை மொழி பெயர்த்தல் 'பாவம்' (ஹராம்) என்று மார்க்க கட்டளைகளை வேறு அன்று போட்டு வைத்திருந்தார்கள் தமிழ்முஸ்லீம்கள், ஆனால் வஹாபியம் தமிழ்நாட்டில் பரவிய பின்பு தான் குரானை தமிழில் மொழி பெயர்க்க ஆரம்பித்தனர், அதனால் தான் அவருக்கு தமிழில் மேலும் பற்று ஏற்பட்டதாகவும் கூறுகிறார்.

வஹாபியத்தால் தான் குர்ஆன் தமிழில் மொழிபெயர்க்கப்பட்டது. அதுவரை தமிழ்நாட்டின் தமிழ்முஸ்லீம்கள் தமிழில் குரானை  மொழி பெயர்த்தல் பாவம் என்று நினைத்தது மட்டுமல்ல, அதை மார்க்கக் கட்டளையாகவும் வைத்திருந்தனர் என்பதை என்னால் நம்ப முடியவில்லை. அவரது பதிலைப் பார்த்ததும் பார்ப்பனர்கள், குறிப்பாக சங்கராச்சாரியார் தமிழை நீசமொழி எனவும் தமிழைப் பேசினால் தீட்டுப்பட்டு விடும் என்று கூறியதும் தான் நினைவுக்கு வந்தது, திரு. சுவனப்பிரியன் தமிழை 'நீசபாசை' என்ற சொல்லில் குறிப்பிடாது விட்டாலும், உண்மையில் தமிழ்நாட்டில் தமிழ் முஸ்லீம்கள் தமிழில் குரானை மொழி பெயர்ப்பது "பாவம்" என்று நினைத்திருந்தால், அதற்குத் மார்க்கத்தடையும்  விதித்திருந்தால், சங்கராச்சாரியார் தமிழை "நீசபாசை" என்றதற்கும் தமிழ்முஸ்லீம்கள் குரானை தமிழில் மொழி பெயர்த்தல் "பாவம்" என்றதற்கும் பெரிய வேறுபாடு கிடையாது. 

திருக்குரான் லத்தீன் மொழியில் 1143 ஆம் ஆண்டிலும், இத்தாலிய மொழியில் 1543 இலும், டச்சு மொழியில் 1641 இலும் பிரெஞ்சு மொழியில் 1647 இலும், ஆங்கிலத்தில் 1649 இலும் மொழிபெயர்க்கப் பட்டு விட்டது என்பது குறிப்பிடத் தக்கது, ஆனால்  தமிழ்நாட்டில் “வஹாபிய சிந்தனை வந்தவுடன் குர்ஆனை தமிழில் மொழி பெயர்க்க ஆரம்பித்தனர்” என்கிறார். ஜனாப். சுவனப்பிரியன்  அவர்கள். 

உண்மையில் வஹாபிஸ்டுகள் தான் குரானை முதலில் தமிழில் மொழிபெயர்த்தார்கள் என்பதையும்  அதிலும் இந்துக்களின் மொழியில் குரானை மொழிபெயர்த்தல் பாவம் என்று தமிழ்நாட்டுத் தமிழ் முஸ்லீம்கள் நினைத்துக் கொண்டதால் தான் மொழிபெயர்க்கவில்லை என்பதையும் என்னால் நம்ப முடியவில்லை, , தமிழர்களின் பிள்ளைத் தமிழ் பாடும் மரபில், முகம்மது நபிகளுக்கே அழகு தமிழில் பிள்ளைத்தமிழும், சீறாப்புராணமும் பாடிய தமிழ்நாட்டின்  தமிழ் முஸ்லீம்கள், அண்மைக்காலம் வரை  தமிழில் குரானை மொழி பெயர்த்தல் பாவம் அல்லது ஹராம் என்று நினைத்திருந்தவர்கள் என்பது தமிழ்முஸ்லீம் சமூகத்தின் தமிழ்ப்பற்றை இழிவு படுத்துவதாகும் என்று நான் கருதுகிறேன்,., இலங்கையில் பல முஸ்லீம் கிராமங்களில் எண்பதுகளின் முற்பகுதிகளில் கூட, முஸ்லீம்கள் தமிழ்ப்பற்றுள்ளவர்களாகத் திகழ்ந்தார்கள். ஊருக்கு நடுவில் பந்தல் போட்டு, விடிய விடிய சீறாப்புராணம் பாடிக் கதை கேட்குமளவுக்கு தமிழ்ப்பற்றுள்ளவர்களாக இருந்தனர் என்பது இங்கே குறிப்பிடத்தக்கது,.

"கோதறப் பழுத்து மதுரமே கனிந்த கொவ்வைவா
யரம்பையர் வாழ்த்தத் 
தீதற நெருங்கி யேவல்செய் திருப்பச்
                செழுங்கமலாசனத் திருந்த
மாதருக் கரசி யாமினா வுதர மனையிடத்
                   திருந்துமா நிலத்தில்
ஆதரம் பெருக நல்வழிப் பொருளாய் அகுமது 
                    தோன்றினா ரன்றே "

      
  (சீறாப் புராணம்நபியவதாரப் படலம் - 86)

Picture courtesy: yaadhum.com     






18 comments:

நந்தவனத்தான் said...

1950 களிலேயே தமிழில் குரான் வந்துடுத்து. குரான் வடஇந்தியாவைப் போல இங்கு மொழிபெயர்ப்பு செய்யபடாததின் காரணம், குரான் ஒதும் உல்மாக்களுக்கு போதுமான அரபு மொழி + குரானைப் பற்றிய அறிவும் தமிழறிவும் இல்லாதேயாகும் என படித்த ஞாபகம். படித்த பிற முசுலிம்களின் எண்ணிக்கை அதிகமானதும் மொழிபெயர்ப்புகளும் அதிகமாகிவிட்டன. மதராசாவில் மட்டும் படி என பத்வா போட்டு இசுலாமியரை பிற கல்வி படிக்கவிடாமல் முட்டாளாக்கியது இந்த உல்மாக்களே.

தமிழ்நாட்டில் முசுலிம்களுக்கு உருதுதான் உயர்ந்த மொழி. பார்ப்பனர் மட்டுமல்லாது பிறஇந்துகளுக்கும் சம்ஸ்கிருதம்தான் உயர்ந்த மொழி (தமிழில் அர்ச்சனை எல்லா கோயிலிலும் போர்டு வைக்க சொன்னார் கருணாநிதி.கொள்ளவாரில்லாத காரணத்தால் அந்த போர்டையே எடுத்துவிட்டார்கள்,தமிழர்ச்சனைக்கு இவ்வளவுதான் வரவேற்பு). கிருத்தவர்களுக்கும் பிற படித்த ஆட்களுக்கு இங்கிலீஸ்தான் உயர்ந்த மொழி.

தமிழை மட்டும் உயர்ந்தோத்தி பாடுவது உம்மை மாதிரி இணையபுலவர்களும் அரசியல்வாதிகளும்தான்! ஆனால் அவர்களின் தமிழ் சீன் வெளியே மட்டுமே. இவர்களில் ஏறக்குறைய அனைவரும் தமது குழந்தைகளை இங்கிலீஸ் மீடியத்தில் படிக்கவைத்து, இரண்டாவது மொழியாக பிரஞ்சு இல்லை இந்தி என தேடுகிறார்கள். (உதாரணம் கருணாநிதி ராமதாஸ் வீட்டு குழந்தைகள்)என்னே தமிழுக்கு வந்த சோதனை.

viyasan said...

@நந்தவனத்தான்,

//1950 களிலேயே தமிழில் குரான் வந்துடுத்து. ///

நன்றி. திரு. சுவனப்ரியன் வஹாபியத்தால் தான் குரான் தமிழில் மொழிபெயர்க்கப்பட்டது, அதுவரை தமிழ்முஸ்லீம்கள் குரானைத் தமிழில் மொழிபெய்ரப்பது ஹராம் என்று நினைத்திருந்தார்குள் என்ற அவரது கருத்தை என்னால் நம்பவே முடியவில்லை, அதை அறிவதற்காகத் தான் இந்தப் பதிவை இங்கே பதிவு செய்தேன்.


//குரான் வடஇந்தியாவைப் போல இங்கு மொழிபெயர்ப்பு செய்யபடாததின் காரணம், ///

அப்படியானால் வட இந்தியாவில் பரவலாக எப்பொழுதோ குரான் இந்தியிலும், ஏனைய வடா இந்திய மொழிகளிலும் மொழிபெயர்க்கப்பட்டு விட்டதா?. தமிழில் மொழி பெயர்க்க மட்டும் தான் இந்துக்களின் மொழி, அதில் மொழிபெயர்ப்பது பாவம் எனத் தயங்கினார்களா?

viyasan said...

.@நந்தவனத்தான்,


உருது முஸ்லீம்களின் எண்ணிக்கை தமிழ்நாட்டில் குறைவு தானே. அப்படியானால் தமிழ் முஸ்லீம்கள் எதற்காக உருது மொழியை உயர்ந்ததாக நினைக்க வேண்டும். அரபு மொழியையாவது மத அடிப்படையில் உயர்ந்ததாக நினைக்கிறார்கள் என்று கருதலாம். இந்துக்கள் எல்லோருக்கும் சமக்கிருதம் உயர்ந்த மொழியல்ல. தமிழ்நாட்டுத் தமிழர்களிடம் விழிப்புணர்வுமில்லை, எனக்கென்னன போச்சு என்ற எண்ணமும் அவர்களிடம் உண்டு. மற்றது அவர்களுக்குப் பார்ப்பனர்களை எதிர்க்கப் பயம். உண்மையில் பார்ப்பன ஆதிக்கத்தைக் கண்டு தமிழ்நாட்டுத் தமிழர்கள் பயப்படுகிறார்கள் என்பதை நான் நேரில் பார்த்திருக்கிறேன். தமிழ்நாட்டில் தமிழில் அர்ச்சனை செய்யாமலிருப்பதற்குக் காரணம், பார்ப்பன அர்ச்சகர்கள் ஒத்துழைப்பதில்லை. அவர்கள் அதை அவமானமாகக் கருதுகிறார்கள். தமிழில் அர்ச்சனை செய்யுமாறு கேட்டால் எடுத்த எடுப்பிலேயே எதிரியைப் பார்ப்பது போல் பார்ப்பார்கள். அல்லது எங்கிருந்து வருகிறாய் என்று கேட்பார்கள். அல்லது அப்படியே காக்க வைப்பார்கள். எல்லோரும் திட்டமிட்டு நேரத்தை வீணடிப்பார்கள். தமிழில் அர்ச்சனை செய்யுமாறு நான் கேட்கும் போதெல்லாம், எனது தமிழ்நாட்டு நண்பர்கள், அவர்களுடன் பிரச்சனை வேண்டாம் என்ற மாதிரித் தான் அறிவுரை கூறுவார்கள்.


//தமிழை மட்டும் உயர்ந்தோத்தி பாடுவது உம்மை மாதிரி இணையபுலவர்களும் அரசியல்வாதிகளும்தான்!///

உங்களைப் போல் புலமை இருக்கிறதோ இல்லையோ தமிழ்ப்பற்று எனக்குண்டு.

சுவனப் பிரியன் said...

திரு வியாசன்!

//உங்களின் முன்னோர்கள், இஸ்லாமியத் தாய்மார்கள், தமிழ்ப் பெண்களைப் போலவே சேலையணிந்து முக்காடிட்டுக் கொண்டனர். அப்பொழுது அவர்கள் உண்மையான, ஒழுக்கமான முஸ்லீம்கள் இல்லையா? இதில் வேடிக்கை என்னவென்றால், முஸ்லீம்கள் அனைவரும் அரபுக் கலாச்சாரத்தைத் தான் கடைப்பிடிக்க வேண்டுமென்றோ அல்லது ஒரே சீருடையைத் தான் அணியவேண்டுமென்றோ முகம்மது நபி அவரகள் எந்த இடத்திலும் முஸ்லீம்களுக்குக் கூறவில்லையாம்.//

உங்கள் கருத்தை முழுவதுமாக ஒத்துக் கொள்கிறேன். அரபு கலாசாரத்தைப் பின்பற்றுங்கள் என்று குர்ஆனோ, நபிகளோ எங்குமோ சொல்லவில்லை. குர்ஆன் இடும் கட்டளை முகம், கை மணிக்கட்டு இந்த இரண்டை தவிர மற்ற இடங்களை அந்நிய ஆடவர்கள் முன்னால் வரும் போதும் வெளியில் செல்லும் போதும் மறைத்துக் கொள்ளச் சொல்கிறது. கவர்ச்சியான பகுதிகளை துணிகள் போட்டு மறைத்துக் கொள்ளச் சொல்கிறது. இதனால் ஆண்கள் சபலப்படுவதிலிருந்து தவிர்ந்து கொள்ளலாம். பெண்ணுக்கும் பாதுகாப்பு. வன்புணர்வு நிகழ்ச்சிகள் தினமும் நடப்பது நமது நாட்டில் வழக்கமாகி விட்டது. இதற்கு முக்கிய காரணமே பெண்கள் அணியும் ஆபாச உடைகள் தான். ஒரு இஸ்லாமிய பெண் முக்காடிட்டு பஸ்ஸில் ஏறினாலே ஒரு மரியாதை தாமாக வந்து விடும். இதை நான் பல இடங்களில் கவனித்துள்ளேன்.

அடுத்து எனது குடும்பத்து பெண்கள் அனைவரும் கருப்பு அங்கியே அணிகிறார்கள். 20 வருடங்களுக்கு முன்பு துப்பட்டி என்ற ஒரு வெள்ளை உடையை சேலையை போன்று சுற்றிக் கொள்வார்கள். அது அடிக்கடி நழுவும் அபாயமும் உண்டு. ஒரு கையால் பிடித்துக் கொண்டால்தான் நழுவி விடாமல் இருக்கும். ஆனால் தற்போது அணியும் கருப்பு அங்கியில் பட்டன் சிஸ்டம் உள்ளதால் நழுவ வாய்ப்பில்லை. இந்த கருப்பு அங்கி, உடுத்தும் அந்த பெண்களுக்கு வசதியாக இருக்கிறது. இதைத்தான் உடுத்த வேண்டும் என்று எனது வீட்டு பெண்களுக்கு நான் என்றுமே சொன்னதில்லை. துப்பட்டாவை விட புர்ஹா வசதி என்பதால் அவர்களே தேர்ந்தெடுத்துக் கொண்டது. யாரும் அந்த பெண்களை கட்டாயப் படுத்தவில்லை.

//என்னைப் பொறுத்த வரையில் அவர்கள் தமிழை வெளியில் பேசினாலும், எத்தனை தலைமுறைகள் தமிழ்நாட்டில் வாழ்ந்தாலும் தமிழர்கள் அல்ல.//

இதை நானும் ஒத்துக் கொள்கிறேன். ஆனால் பல உர்து முஸ்லிம்கள் தமிழ் முஸ்லிம்களோடு திருமண உறவு வைத்து தமிழ் ரத்தத்தோடு கலந்து விட்டவர்கள் எனது பார்வையில் தமிழர்களே! அப்படி சம்பந்தம் பண்ணாதவர்களை வேண்டுமானால் தமிழர்கள் இல்லை என்று சொல்லலாம். இதே அளவு கோளை கன்னடம் பேசும், தெலுங்கு பேசும், மலையாளம் பேசும், சௌராஷ்ட்ரா பாஷை வீட்டுக்குள் பேசும் குடும்ப அங்கத்தினர்களையும் பார்க்க வேண்டுமல்லவா!

சுவனப் பிரியன் said...

//நீங்கள் கூறுவதைப் பார்த்தால், இன்று கூடத் தமிழை நீங்கள் உங்களின் தாய்மொழியாக, உங்களின் முன்னோர்களின் மொழியாக எண்ணி நேசிக்கவில்லை, மாறாக வஹாபிய சிந்தனை வழியில் எல்லா உலகமொழிகளும் சமம் என்ற வகையில் நேசிக்கிறீர்கள். அந்த வழியில் பார்த்தால் நீங்கள் உண்மையில் தமிழனே அல்ல என்பது தான் எனது கருத்து,//

தாய் மொழிப் பற்று என்பது தானாக ஒருவரது உடலில் ஊறக் கூடிய ஒன்று. நான் தமிழன் என்பதால் அந்த தமிழ்ப் பற்று எனக்குள் முன்பே இருந்தது. இடையில் ஒரு சிலர் தமிழை இந்துக்கள் மொழி என்று விபரம் தெரியாமல் குழப்பி வந்தனர். வஹாபிய சிந்தனை வந்தவுடன் தமிழ் இந்துக்களுக்கான மொழி மட்டும் அல்ல. அது தமிழரின் மொழி என்ற உண்மை தெரிந்து அந்த இறுக்கம் இன்னும் அதிகமானது என்றுதான் சொல்கிறேன். மற்றபடி உங்களின் தனிப்பட்ட எண்ண அளவுகோள்களில் நான் தலையிட முடியாது.

//வஹாபிய சிந்தனை உண்மையில் அரபு விசுவாசத்தை அதிகரிக்கிறது, ஊக்குவிக்கிறது என்பது தான் பலரின் கருத்தாகும். உண்மையில் அது தான் அந்த மதப்பிரிவைத் தோற்றுவித்தவரின் நோக்கமும் என்று தான் நான் கேள்விப்பட்டிருக்கிறேன். ஆனால் உங்களுக்கு மட்டும் வஹாபியம் இந்தியாவிலும், தமிழிலும் பற்றை ஏற்படுத்தியது என்கிறீர்கள். ஒரே குழப்பமாக இருக்கிறது.//

“மக்களே! உங்களது இறைவன் ஒருவனே அறிந்து கொள்ளுங்கள்: எந்த ஓர் அரபிக்கும் ஓர் அரபி அல்லாதவரை விடவோ, எந்த ஓர் அரபி அல்லாதவருக்கும் ஓர் அரபியை விடவோ எந்த மேன்மையும் சிறப்பும் இல்லை. எந்த ஒரு வெள்ளையருக்கும் ஒரு கருப்பரை விடவோ, எந்த கருப்பருக்கும் ஒரு வெள்ளையரை விடவோ எந்த மேன்மையும் சிறப்பும் இல்லை. இறையச்சம் மட்டுமே ஒருவரின் மேன்மையை நிர்ணயிக்கும். நிச்சயமாக அல்லாஹ்விடத்தில் உங்களில் மிகச் சிறந்தவர் உங்களில் அதிகம் இறையச்சம் உள்ளவர்தான். “
ஆதார நூல்: (அல்பைஹகீ)

முகமது நபி அவர்களின் இறுதி பேருரையில் வரும் இந்த வாசகம் இனப் பெருமையையும் குலப் பெருமையையும் காலில் போட்டு மிதிக்கிறது.

மற்றொரு அறிவிப்பில் 'குலப் பெருமையை எனது காலில் போட்டு மிதிக்கிறேன்' என்று நேரிமையாகவே சாடுகிறார். இப்படிப்பட்ட ஒருவர் அரபு விசுவாசத்தை ஊக்குவிக்கிறார் என்று எப்படி சொல்கிறீர்கள்?

//வஹாபிஸ்டுகள் தான் குரானை முதலில் தமிழில் மொழிபெயர்த்தார்கள் என்பதையும் அதிலும் இந்துக்களின் மொழியில் குரானை மொழிபெயர்த்தல் பாவம் என்று தமிழ்நாட்டு தமிழ் முஸ்லீம்கள் நினைத்துக் கொண்டதால் மொழிபெயர்க்கவில்லை என்பதையும் என்னால் நம்ப முடியவில்லை, நீங்கள் இதற்கு ஆதாரம் காட்டுங்கள்.//

இஸ்லாம் வந்து 1400 வருடங்களுக்கு மேலாகியும் குர்ஆன் தமிழில் மொழி பெயர்க்கப்பட்டது 100 ஆண்டுகளுக்கு முன்பே. ஏகேஏ அப்துல் சமதின் தந்தையார் தான் முதன் முதலில் குர்ஆனை தமிழில் மொழி பெயர்த்தார். அதற்கு மதரஸாக்களில் இருந்து கடும் எதிர்ப்பு கிளம்பியது. அந்த எதிர்ப்பையும் பொருட்படுத்தாது அவர் குர்ஆன் மொழி பெயர்ப்பை வெளியிட்டார். இதற்கு முன்பு மொழி பெயர்க்க பலர் முயற்சித்தாலும் மதரஸா முல்லாக்களால் தடுக்கப்பட்டனர். இந்த வரலாறு தமிழக முஸ்லிம்கள் அனைவருக்கும் தெரியும். தற்போது பத்துக்கு மேற்பட்ட மொழி பெயர்ப்புகள் வந்து விட்டன.

சுவனப் பிரியன் said...

//தமிழர்களின் பிள்ளைத் தமிழ் பாடும் மரபில், முகம்மது நபிகளுக்கே அழகு தமிழில் பிள்ளைத்தமிழும், சீறாப்புராணமும் பாடிய தமிழ் முஸ்லீம்கள், தமிழில் குரானை மொழி பெயர்த்தல் பாவம் என்று நினைத்தவர்கள் என்பது தமிழ் முஸ்லீம் சமூகத்தின் தமிழ்ப்பற்றை இழிவு படுத்துவதாகும்,//

சீறாப் புராணத்தில் உமருப் புலவர் பல கற்பனைகளை கலந்திருப்பார். முகமது நபியின் மகளின் திருமணத்தில் மெக்கா நகரமெங்கும் வாழை மரங்கள் பந்தக் கால்களில் நடப்பட்டிருந்ததாக ஒரு பாடல் வரும். பாலைவனத்தில் எங்கிருந்து விளையும் வாழை மரம். தமிழக கலசாரத்துக்கு ஏற்றவாறு அந்த திருமணத்தை மாற்றியவர் உமருப் புலவர். ஒரு இடத்தில் அலி அவர்களின் உடல் வனப்பை பார்த்து 'தாங்கள் அவருக்கு மனைவியாகியிருக்கக் கூடாதா' என்று பல பெண்களும் ஏங்கினார்களாம். மிக கண்ணியமாக வாழ்ந்த அந்த உத்தம பெண்களை இதை விட யாரும் கேவலப் படுத்தி விட முடியாது. இவை எல்லாம் அவரது கற்பனை. இந்த கற்பனை காவியத்தை இஸ்லாமியர் யாரும் ஏறெடுத்தும் பார்ப்பதில்லை. ஆனால் இஸ்லாத்தின் சட்டங்களை சொல்லும் குர்ஆன் மொழி பெயர்க்கப்பட்டது 100 ஆண்டுகளுக்கு முன்பு தான். இதனை யாரிடம் வேண்டுமானாலும் கேட்டு தெளிவு பெற்றுக் கொள்ளுங்கள்.

//பி.ஜே வின் சிந்தனை எப்படிப்பட்டது என்பது அவரது ஈழத்தமிழர் எதிர்ப்புக் காணொளிகளிலிளிருந்தும், அவரது தமிழர் எதிர்ப்பை ஐ. நா. மனிதவுரிமை ஆணையத்தின் விசாரணைக்கு ஆதரவளிக்க முடியாது என்று கூறியதிலிருந்தும் அறியலாம்.//

தமிழ் முஸ்லிம்கள் ஆரம்ப காலங்களில் பிரபாகரனோடு கை கோர்த்து கொண்டு இலங்கை அரசுக்கு எதிராகவே இருந்தனர். 'முஸ்லிம் ரெஜிமெண்ட்' என்றே தனியாக ஒரு பிரிவு இருந்ததாக கேள்விப்பட்டுள்ளேன். சிங்கள அரசு ஒரு சில முஸ்லிம் இளைஞர்களை அவர்களுக்கு ஆதரவாக செயல்பட வைத்தது. யார் தமிழருக்கு எதிராக உள்ளனரோ அவர்களை தண்டிப்பதை விட்டு விட்டு தொழுது கொண்டிருந்த அப்பாவி முஸ்லிம்களை மூதூரில் நூற்றுக்கு மேற்பட்டவர்களை ஒரே நாளில் துடிதுடிக்க கொன்றார் பிரபாகரன். 'அது ஒரு துன்ப நிகழ்வு' என்று அதனை சாதராணமாக எடுத்துக் கொண்டார். பல தொழிலதிபர்களை 500 ரூபாயை செலவுக்கு கொடுத்து மண்டபம் முகாமுக்கு அனுப்பி வைத்தார். இப்படிப்பட்ட சுயநலமியோடு முஸ்லிம்கள் எவ்வாறு இணைந்திருப்பர். எனவே பிரிந்தனர். அந்த பிரிவே தமிழர்களை பலவீனமாக்கி பல லட்சக்கணக்கான உயிர்கள் பலியாக காரணமானது.

//உங்களுக்குத் தமிழ் சரியாகத் தெரியாது போலிருக்கிறது,. இந்தப் பாட்டில் பெண்ணின் தாய்மாமன் அதாவது பெண் வீட்டார் இப்படியெல்லாம் சீதனம் கொடுப்பார் என்று தான் கண்ணதாசான் கூறுகிறார். இதற்கும் நீங்கள் கூறும் மஹருக்கும் எந்த தொடர்பும் கிடையாது.//

உங்களுக்குத்தான் தமிழ் சரியாகத் தெரியாது என்று நினைக்கிறேன். அந்த கதையில் தனது அண்ணன் மகனை தனது மகளுக்கு மண முடித்துக் கொடுக்கிறேன் என்று அந்த தங்கை உறுதி கூறுவாள். அதன் பின்னணியில் தான் இந்த பாடலே ஒலிக்கும். மாமன் தனது மருமகளுக்கு சீதனமாகத் தருவதாகத்தான் அந்த பாடல் சொல்லும்.

சுவனப் பிரியன் said...

//உங்களுக்குத் தமிழ் சரியாகத் தெரியாது போலிருக்கிறது,. இந்தப் பாட்டில் பெண்ணின் தாய்மாமன் அதாவது பெண் வீட்டார் இப்படியெல்லாம் சீதனம் கொடுப்பார் என்று தான் கண்ணதாசான் கூறுகிறார். இதற்கும் நீங்கள் கூறும் மஹருக்கும் எந்த தொடர்பும் கிடையாது.//

உங்களுக்குத்தான் தமிழ் சரியாகத் தெரியாது என்று நினைக்கிறேன். அந்த கதையில் தனது அண்ணன் மகனை தனது மகளுக்கு மண முடித்துக் கொடுக்கிறேன் என்று அந்த தங்கை உறுதி கூறுவாள். அதன் பின்னணியில் தான் இந்த பாடலே ஒலிக்கும். மாமன் தனது மருமகளுக்கு சீதனமாகத் தருவதாகத்தான் அந்த பாடல் சொல்லும்.

//திருமணத்தில் பெண்ணுக்கு முக்காடிட்டு அறைக்குள் பூட்டி வைக்காமல், தமிழ்ப்பண்பாட்டின் படி பெண்ணை எல்லோரும் பார்க்கும் வகையில் திருமணம் செய்தீர்களா? மாலை மாற்றுவது தமிழர் கலாச்சாரத்தின் முக்கிய அங்கம், ஆனால் அதை ஏன் நீங்கள் செய்யவில்லை.//

என்னோடு வாழ்க்கையை பகிர்ந்து கொள்ளும் பெண்ணை நான் பார்த்தால் போதாதா? அதை ஏன் சபையில் கூட்டி வந்து எல்லோருக்கும் காண்பிக்க வேண்டும் என்று எதிர்பார்க்கிறீர்கள்? அதே போல் ஒரு மாலைக்கே 2000 லிருந்து 3000 வரை செலவழிக்கப்படுகிறது. சில இடங்களில் இன்னும் அதிகம். இரண்ட மணி நேர நிகழ்வுக்கு ஏன் இந்த பொருளாதார அழிப்பு வேலை. அதனை ஒரு ஏழைக்கு கொடுத்துதவலாமே. மாலையிடுவதுதான் தமிழன் கலாசாரம் என்று எங்கு படித்தீர்கள்?

அடுத்து ஒரு குறிப்பிட்ட சட்ட திட்டங்கள் இல்லை என்றால் சமூகம் எந்த அளவுக்குச் செல்லும் என்பதை மணமகளே திருமணத்தில் குத்தாட்டம் போடுவதை இந்த காணொளியில் பாருங்கள். இதுவும் தமிழர் கலாசாரம் என்று சொல்வீர்களோ?

https://www.youtube.com/watch?v=f0JVeKGZ4Bg

//அந்த சகோதரத்துவத்தை ஈழத்தமிழர்கள் கொத்துக் கொத்த்தாகக் கொல்லப்படும் போது ஏன் காட்டவில்லை,//

அதற்கு காரணம் பிரபாகரனின் நடவடிக்கைகள் என்று முன்பே சொல்லியுள்ளேன். மூதூரில் கொல்லப்பட்ட முஸ்லிம்களுக்கு நீங்கள் ஏன் கண்டனம் தெரிவிக்கவில்லை என்று நானும் கேட்கலாம்.

//இது வெறும் சப்பைக்கட்டு தான். தமிழர்கள் எல்லோரும் இன்றும் சாதிப் பெயரை வைப்பதில்லை, சாதி இல்லாத தமிழ்ப் பெயர்களும் உண்டு,//

உங்கள் மனசாட்சி இதனை கண்டிப்பாக ஒத்துக் கொள்ளாது. இன்றும் பல கிராமங்களில் தலித் குழந்தைகள் உயர் சாதி கிராமங்களில் செல்லும் போது தங்களின் செருப்பை கைகளில் எடுத்துச் செல்கிறார்கள். இன்றும் தொடரும் இந்த கொடுமையைப் பற்றி விகடனும் கட்டுரை வெளியிட்டிருந்தது.

//வஹாபியம் வந்து தமிழனின் பழைய வரலாற்றைப் புதுப்பிக்கும் நிலை வரும் என ஒரு வஹாபிஸ்டு இவ்வளவு வெளிப்படையாகச் சொல்வதைப் பார்க்கத் தான் எனக்கு நெஞ்சு திக் திக்கென்று அடிக்கிறது.//

பெரியாரே முயன்றும் இந்த மண்ணில் சாதிக்க முடியாததை இறைவன் அருளால் இஸ்லாம் சாதித்து காட்டும். சில ஆண்டுகளுக்கு பிறகு இதனை நீங்களே உணரும் போது திக் திக் என்று உங்கள் மனம் கலவரப்படாமல் ஆனந்த கூத்தாடும். :-)





ibnu UTHSMAN. said...

இந்த கட்டுரை தமிழக தமிழ் முஸ்லிம்களின் பண்பாடு வாழ்வியல் குறித்த உங்கள் அறியாமையை காட்டுகிறது . சுவனபிரியன் அவர்களுடைய கருத்து மிகவும் தவறானது. தமிழ் நாட்டில் 1950 களிலேயே குரான் மொழி பெயர்ப்பு வர ஆரம்பித்து விட்டது ஆ க அப்துல் ஹமீது பாகவி அவர்களால் (மறைந்த முஸ்லிம் லீக் தலைவர் அப்துல் சமது அவர்களின் தந்தை) முதலில் நான் அறிந்து குரானை தமிழில் மொழி பெயர்த்தவர் ... அதற்கு முன் மொழி பெயர்ப்பு வராததற்கு காரணம் இரண்டு மொழியிலும் புலைமை உள்ளவர்கள் இல்லை என்பதால்தான் சீரா புராணம் போல் அரபியில் உள்ளதை தமிழில் நம் விருப்பபடி பாட்டாக எழுதுவதாக இருந்தால் மொழி பெயர்ப்பு எளிது ஆனால் குரான் மொழி பெயர்ப்பு அப்படி இல்லை .. ஒற்று வார்த்தையை கூட அதிகமாக சேர்க்க முடியாது ,அர்த்தமும் மாறக்கூடாது அதற்காக விரிவுரையாகவும் மாறிவிடக் கூடாது இந்த சிரமங்கள்தான் மொழி பெயர்ப்பு தாமதத்திற்கு காரணம். முஸ்லிம்கள் தமிழில் நிறைய இஸ்லாமிய இலக்கியங்கள் எழுதி உள்ளனர் குறிப்பாக கன்னியாகுமரி மாவட்டத்தில் நிறைய கிடைக்கும் .. இஸ்லாமிய சட்டங்களை மஸ் அலா என்று பெயரில் தமிழில் பாடி இருக்கிறார்கள் இவை எல்லாவற்றிற்கும் உச்சகட்டமான ஒரு பொருள் "அரபுதமிழ் " புத்தகம் இது முழுவதும் அரபியில் எழுதி இருக்கும் ஆனால் படித்தால் தமிழில் வரும் ..நாம் இப்போது அலைபேசியில் குறுஞ்செய்தி அனுப்புவது போல் .. இந்த அரபுதமிழ் புத்தகத்தில் பெரும்பாலான மார்க்க சட்டங்கள் எழுதப்பட்டிருந்தன.... எங்க வீட்டில் கூட ஒரு பிரதி இருக்கிறது எனவே தமிழ் முஸ்லிம்கள் தமிழை நீச பாசையாக கருதினார்கள் என்பது அப்பட்டமான பொய் ..இதற்கு இன்னுமொரு சான்று தமிழக முஸ்லிம்களின் மத ரீதியான பேச்சு வழக்குகள் நீங்கள் பள்ளிவாசலுக்கு போய்விட்டு வரும் எந்த முஸ்லிமிடமும் எங்க போய்விட்டு வருகிராஇனு கேளுங்க பதில் " தொழுகைக்கு" போய்விட்டு வருகிறேன் என தெளிவான தமிழ் பதில் வரும்.... இன்னும் தமிழ் நாட்டில் முஸ்லிம்கள் மசூதிகளை முழுமையான தமிழ் பெயரான "பள்ளிவாசல்" என்று தான் அழைப்பார்கள் இங்குள்ள ஹிந்துக்களிடம் நீங்கள் கேட்டால் விரதம் இருக்கிறேன் என்பார்கள் முஸ்லிம்களிடம் கேளுங்கள் சுத்த தமிழில் நோன்பு வச்சு இருக்கிறேன் என்பார்கள் நோன்பை விடும் போது நோன்பு துறக்கிறேன் என்பார்கள்.. இன்னும் எந்த ஒரு முஸ்லிமும் நான் ரம்ஜான் பண்டிகை கொண்டாடுகிறேன்னு சொல்ல மாட்டான் அழகு தமிழில் " பெருநாள் " கொண்டாடுகிறேன் என்று தான் தங்களுக்குள் பேசி கொள்வார்கள் .. இவை எல்லாம் எதோ தமிழ் பற்றால் வந்ததெல்லாம் இல்லை தலைமுறை தலைமுறையாக எங்கள் வாழ்வியலில் நாங்கள் புழங்கும் சொற்கள் ..பிறகெப்படி முஸ்லிம்கள் தமிழை நீச பாசையாக மதித்தார்கள் என்று சொல்கிறீர்கள் ... இன்னும் நிறைய உள்ளன நீங்கள் அறிய விரும்பினால் தமிழ் இஸ்லாமிய இலக்கிய கலகத்தை அணுகவும் நபி ஸல் அவர்கள் தங்களுடைய இறுதி உரையில் குறிப்பிட்டு வலியுரித்தியது " ஒரு அரபியை விட அரபி அல்லாதவரோ கருப்பரை விட வெள்ளையரோ உயர்ந்தவர் கிடையாது உங்களில் இறையச்சம் அதிகம் உள்ளவரே உயர்ந்தவர் " என்று ..எனவே இஸ்லாத்தில் நிற இன மொழி அடிப்படையிலான வேறுபாடு கிடையாது ...

நந்தவனத்தான் said...

//வட இந்தியாவில் பரவலாக எப்பொழுதோ குரான் இந்தியிலும், ஏனைய வடா இந்திய மொழிகளிலும் மொழிபெயர்க்கப்பட்டு விட்டதா?. தமிழில் மொழி பெயர்க்க மட்டும் தான் இந்துக்களின் மொழி, அதில் மொழிபெயர்ப்பது பாவம் எனத் தயங்கினார்களா? //

இந்துக்களின் மொழி என்றால் அது சமஸ்கிருதம்தான் (உமக்கு மாற்றுக்கருத்து இருக்கலாம், குறைந்தபட்சம் தமிழகத்தை தாண்டி எல்லா மொழி பேசுபவருக்கும் வடமொழிதான்). வடமொழியில் குரானை ரஜாக்கி பதிப்பகம் 1897-ல் வெளியாகிவிட்டது.ஆகவே இந்துக்கள் மொழி என்பதினால் தமிழில் மொழிபெயர்க்கபடவில்லை என்பது தவறான கருத்தாகும்.

குரானை தமிழாக்கும் முயற்சி 1870களில் காயல்பட்டினத்தை சேர்ந்த முஸ்தாபா என்பவரால் துவங்கபட்டு, அவர் குரானின் கடைசி அத்தயாயத்தை மட்டும் பெயர்த்திருக்கிறார்.அதற்கு பிறகு பலர் சிறுசிறு பகுதியாக மொழி பெயர்த்து 1950-ல்தான் முழுமையும் தமிழானது. இதில் கொழும்பிலிருந்து வெளியான ஒரு சிறுபகுதி தொகுப்பும் (114 பக்கம்) அடக்கம்.குரான் தமிழில் வராத காரணம் நான் ஏற்கனவே சொன்னது போல தமிழக முசுலிம் குருமார்களே ஆவர். குரான் தமிழில் வந்து அனைவரும் படித்தால் குரானை குருமார்கள் மட்டுமே ஓதும் நிலை மாறி தமக்கு முக்கியத்துவம் போகும் என நினைத்தனர். மேலும் பல குருமார்கள் முழுவதும் குரானை தெரியாமல் அங்கும் இங்கும் படித்து ஒப்பேற்றினார். அதுதவிரதமிழக முசுலிம்களில் அதிகாரம்மிகு குழு எனப்பார்த்தால் ராவுத்தர்களும் மரைக்காயர்களும் அடங்குவர். இவர்களில் உம்மாக்களுக்கோ நல்ல தமிழ் தெரியாதாம், காஃபிர்களிடமிருந்து தமிழ் படிக்க ஆர்வமில்லையாம்.தெரிந்தது அரபித்தமிழ் மட்டுமே, அரபித்தமிழில் எழுதியதை படிக்க எழுதியவர் இல்லாமல் முடியாதாம். மேலும் இந்த குழுக்கள் அரேபியருடம் இனத்தொடர்பு கொண்டோர் என்பதும் குறிப்பிடத்தக்கது. ஆகவே மதராசா கல்வி பயிலாமல் ஆங்கில கல்வி பயின்ற ஆட்கள் வந்ததும்தான் தமிழ் மொழிபெயர்ப்புகள் வர ஆரம்பித்தன. அதுவும் தாமதம் ஏனெனில் இந்த மார்டன் ஆசாமிகளிக்கு அரபி வராது. ஆகவே தாமதமாகவே தமிழில் குரான் வந்தது. ஆனா வடஇந்தியாவில் பாரசீக மொழிபெயர்ப்பு 1100களில் வந்துவிட்டது.அதே போல் 1800-ல் உருது மொழிபெயர்ப்பு வந்துவிட அதை வைத்து பிற மொழிகளில் பெயர்த்து தள்ளிவிட்டார்கள். உருது தெரிந்தவருக்கு இந்தி மிக சுலபம் என்பது குறிப்பிடத்தக்கது.

நந்தவனத்தான் said...

சகோ வியாசன்,

தமிழகத்தை தவிர இந்தியாவெங்கும் கன்னடம், தெலுங்கு,வங்காளம், மலையாளம் என எல்லா இடங்களிலும் சம்ஸ்கிருதம் புனித மொழியாகவே கருதப்படுகிறது. பிற திராவிடரை பார்த்து உங்க பாசை தமிழிலிருந்து வந்தது எனில் உதைக்க வருவார்கள். ஆனால் சம்ஸ்கிருதத்தில் இருந்து வந்தது என்றால் குஷியாகிவிடுவார்கள்.ஆனால் நீங்கள் சொல்வதுக்கு மாறாக தமிழ்நாட்டில் மட்டும்தான் வடமொழிக்கும், பிராமணர்களுக்கும் உள்ள மரியாதை திராவிட இயக்கம் காரணமாக போய்விட்டது. கோவிலுக்கு போவோரும் கோயிலுக்கு உள்ளே மரியாதை கொடுத்து, வெளியே பார்த்தால் பார்பான் என கேலி பேசுவர். இதுதான் நிலைமை. காசு கொடுத்து அர்ச்சனை சீட்டு வாங்கிவிட்டு அரசு கோவிலில் தமிழில் அர்ச்சனை செய்ய மறுத்தால் அர்ச்சகருக்கு வேலை போய்விடும்.அப்படி இருக்கு அவர்கள் எப்படி மறுப்பர்? சிதம்பரம் தனியார் கோவில் அங்கு போல பிற கோவில்களில் பார்பனர் ஆடமுடியாது. மக்களுக்கு ஆர்வமில்லை என்பதே உண்மை. ஒருவேளை நீர் வெளிநாட்டவர் என்பதால் உம்மை சீண்டியிருக்கலாமே ஒழிய, தமிழக மக்கள் கேட்டு மறுத்தால் இதற்காகவே காத்திருக்கும் திராவிட அரசியல்குழுக்கள் விட்டுவிடுமா என்ன?

மேலும் வடமொழியை மக்கள் எதிர்த்தால் எத்தனை பேர் வடமொழி மந்திரம் இல்லாமல் தமிழ்நாட்டில் கருமாதியோ கல்யாணமோ செய்கிறார்கள்? உங்க வீட்டு கல்யாணத்தில் வடமொழி மந்திரம் சொல்லவேண்டும் என யாரும் கட்டாயப்படுத்த முடியாது அல்லவா? ஆனால் அனைவரும் ஐயர் சமஸ்கிருத ஸ்லோகம் சொல்லி கல்யாணம், புதுவீடு புகுதல் என சடங்கு செய்கிறார்கள். இந்த சடங்கு முதல் கோவில் வரை எல்லா இடத்திலும் வடமொழி வேண்டும் என்கிறார்கள். சும்மா மைனாரிட்டியான நாத்திகர்கள் சிதம்பரத்தில் போடும் நாடகத்தை பார்த்து ஏமாந்து போகாதீர்கள்.

//உங்களைப் போல் புலமை இருக்கிறதோ இல்லையோ தமிழ்ப்பற்று எனக்குண்டு.//

தனிப்பட்ட முறையில் எடுத்துக்கொண்டு கோபிக்காதீர்கள்.சுவைக்காக எழுதினேன் அவ்வளவுதான். மற்றபடி உம்ம அளவுக்கு தமிழ் பற்றோ அல்லது அறிவோ எம்மிடமில்லை. ஆர்வமட்டுமுண்டு.

நந்தவனத்தான் said...

//இந்த கட்டுரை தமிழக தமிழ் முஸ்லிம்களின் பண்பாடு வாழ்வியல் குறித்த உங்கள் அறியாமையை காட்டுகிறது . சுவனபிரியன் அவர்களுடைய கருத்து மிகவும் தவறானது.//

நல்லா இருக்கு உங்க கருத்து உஸ்மான் பாய்!

காபிரான வியாஸன் சொன்னால் அது அறியாமை. ஆனா சுபி சொன்னா அது தவறு மட்டுமா? அந்த அறியாமையே சுபி சொன்ன தப்பான கருத்தால் விளைந்ததுதான். முதலில் சுபி போன்ற முமின் சகோக்களின் அறியாமையை நீக்குங்கள்!

//எனவே இஸ்லாத்தில் நிற இன மொழி அடிப்படையிலான வேறுபாடு கிடையாது ...//

இசுலாத்தில் வேறுபாடு இருக்குதோ இல்லையோ, இசுலாமியரிடையே இருக்குது... சந்தேகம்னா இந்த வீடியோ பாருங்க - மெக்காவில் இனவெறி ...
https://www.youtube.com/watch?v=_ynONsZ0glQ

viyasan said...

திரு.சுவனப்பிரியன்

நான் இந்தப் பதிவை எனது வலைப்பதிவில் பதிவு செய்ததற்குக் காரணம் “இந்துக்கள் மொழியில் குர்ஆனை மொழி பெயர்த்தல் "பாவம்" என்று மார்க்க கட்டளைகளை வேறு அன்று போட்டு வைத்தார்கள். ஆனால் வஹாபிய சிந்தனை வந்தவுடன் குர்ஆனை தமிழில் மொழி பெயர்க்க ஆரம்பித்தனர்.” என்று நீங்கள் கூறியதால் தான்,. உண்மையில் அது எனக்கு அதிர்ச்சியாக இருந்தது. நானறிய பல முஸ்லீம்கள் சங்கராச்சாரியார் தமிழை 'நீசபாசை' என்றதைக் கேட்டுக் கொதித்துப் போய், அதைப் பலமாகக் கண்டித்தும், விமர்சித்துமுள்ளனர். ஆனால் அவர்களே தமிழில் குரானை மொழிபெயர்ப்பது “பாவம்” அல்லது ஹராம் என்ற நம்பிக்கையைக் கொண்டிருந்தார்கள் அத்துடன் தடையும் செய்தார்கள் என்று நீங்கள் கூறியது எனக்கு அதிர்ச்சியாக இருந்தது. உங்களின் பதிலிலிருந்து அது உண்மை என்பது தெளிவாகிறது. பார்க்கப் போனால் முஸ்லீம்கள் சங்கராச்சாரியார் தமிழ் நீசபாசை என்று கூறிய கருத்தைக் கண்டிக்க தகுதியற்றவர்கள், அவர்களின் பார்வையிலும் அரபு மொழி அவர்களின் தாய்மொழியாகிய தமிழை விட உயர்ந்தது என நம்புகிறார்கள், எனவும் என்னைப் போன்ற தமிழர்கள் கருத்துக் கொள்ளலாம் அல்லவா?




ஜனாப். இப்னு உத்ஸ்மான் ,

ஜனாப் சுவனப்பிரியன் அவர்கள் ஏன் குரான் தமிழில் மொழிபெயர்க்கப்படவில்லை என்பதற்காகக் குறிப்பிட்ட காரணங்களாகிய “இந்துக்களின்மொழி”, “பாவம்”, அத்துடன் “மார்க்கத் தடை” போன்றவற்றை நீங்கள் ஏற்றுக் கொள்ளவில்லை போல் தெரிகிறது. தமிழ்நாட்டு முஸ்லீம்கள் தூய தமிழைப் பேசுவது மட்டுமல்ல, சரியான உச்சரிப்புடன் பேசுகிறார்கள் என்பதில் எனக்கு சந்தேகமேதுமில்லை. அத்துடன் தமிழறிவிலும் அவர்கள் யாருக்கும் சளைத்தவர்கள் அல்ல. உதாரணமாக, என்னுடைய நண்பர் ஒருவர் தானது தந்தையை ‘அத்தா; என்றழைக்கிறார். அதனால் வேடிக்கையாக ‘நீ சரியான துலுக்கப்பயல் (வெறும் ஜோக் தான்), ஏனென்றால் துருக்கியிலும் அப்பாவை அத்தா’ என்று தான் அழைக்கிறார்கள் என்றதற்கு. அத்தா என்றால் தமிழிலும் அப்பா தான். “அத்தா உனக்காளாயினி அல்லேலேனலாமே” என்று தேவாரமே இருக்கிறதென்று ஒரு போடு போட்டார். உனக்கெப்படித் தெரியும் என்று நான் கேட்டேன். பிறகு தான் தெரிந்தது, தமிழில் புலமையுள்ள முஸ்லீம் ஒருவரின் பேச்சைத் தான் கேட்டதாகச் சொன்னார்(ன்). அதனால் முஸ்லீம்களின் தமிழறிவை அல்லது அவர்களின் பேச்சு வழக்கை நான் கேள்வி கேட்கவில்லை, என்னுடைய கேள்வி என்னவென்றால், முஸ்லீம்கள் தமிழில் குரானை மொழிபெயர்ப்பது பாவம் எனக்கருதியிருந்தால், பார்ப்பனர்கள் எப்படி தமிழை விட சமக்கிருதம் உயர்ந்ததாகக் கருதுகிறார்களோ அதே போல், முஸ்லீம்களும் தமிழை விட அரபு மொழி உயர்ந்ததாகக் கருதுகிறார்களா இல்லையா என்பது தான்?

viyasan said...

திரு. சுவனப்பிரியன்,

//உங்கள் கருத்தை முழுவதுமாக ஒத்துக் கொள்கிறேன். அரபு கலாசாரத்தைப் பின்பற்றுங்கள் என்று குர்ஆனோ, நபிகளோ எங்குமோ சொல்லவில்லை.///

நபிகள் நாயகம் அவர்களின் தீர்க்கதரிசனத்துக்கு இதுவுமொரு நல்ல எடுத்துக்காட்டு. ஆனால் உண்மையில் முஸ்லீம்கள், குறிப்பாக உங்களைப் போன்ற வஹாபிகள் மார்க்கப்பற்று, மார்க்கத்துக்கு அமைய ஒழுகுதல் என்ற பெயரில் அரபுக்கலாச்சாரத்தை தமக்கேயுரிய ஆடை ஆபரணங்களும் கலாச்சாரமும் கொண்ட தமிழர்களாகிய தமிழ்முஸ்லீம்களிடம் பரப்புகிறீர்கள் அரபுக்களின் பாலைவன ஆடைகளைத் தமிழ்முஸ்லீம்களுக்கு மதமென்ற பெயரில் அறிமுகப்படுத்தி, அவர்களை அவர்களின் தமிழ்ச்கோதரர்களிடமிருந்து பிரித்து வேறுபடுத்துவதன் மூலம் நபிகள் நாயகம் கூறாத ஒன்றை தமிழ் முஸ்லீம்களிடம் புகுத்துகிறீர்கள் என்று என்னைப் போன்ற தமிழர்கள் கூறுவதில் என்ன தவறு?


//குர்ஆன் இடும் கட்டளை முகம், கை மணிக்கட்டு இந்த இரண்டை தவிர மற்ற இடங்களை அந்நிய ஆடவர்கள் முன்னால் வரும் போதும் வெளியில் செல்லும் போதும் மறைத்துக் கொள்ளச் சொல்கிறது.///

அப்படியானால் எதற்காக முகத்தையும் தலை முழுவதையும் மறைக்கும் கறுப்பு புர்ஹாக்களை அணிகிறார்கள். காலஞ்காலமாக சேலையை அணிந்து முக்காடு போட்டுக் கொண்டது போன்றே போட்டுக் கொள்ளலாமல்லவா? வஹாபியத்தால் நடைமுறைப்படுத்தப்பட்ட முகம், தலை முழுவதையும் மறைக்கும் புர்கா தான் இலங்கையிலும் பிரச்சனைக்குக் காரணாம். சிங்களவர்கள் அந்த உடையைக் கோணி பில்லா (கோணி =சாக்கு, பில்லா + பிசாசு) என்று கூறி முஸ்லீம்களுக்கெதிராக கருத்தைத் தெரிவிக்கத் தொடங்கி, இன்று அது ஒரு இனக்கலவரத்தையே உருவாக்கி விட்டது. நீங்கள் முஸ்லீம் பெண்களே விரும்பி ஏற்றுக் கொண்டதாகக் கூறுகிறீர்கள் ஆனால் கனடாவில் முஸ்லீம் பெண்களே புர்காவுக்கெதிராக கருத்துத் தெரிவித்தார்கள். வஹாபி இஸ்லாம் வருமுன்பு புர்கா அணியாத தமிழ் முஸ்லீம்களின் முன்னோர்கள், தாய்மார்கள் மார்க்க நம்பிக்கை கொண்டவர்களாகவும், ஒழுக்கமுள்ளவர்களாகவும் வாழ்ந்தார்கள் தானே. அப்படியானால் இப்பொழுது மட்டும், நபிகள் நாயமே வற்புறுத்தாத இந்த அரபுமயமாக்கல் எதற்காக?

http://viyaasan.blogspot.ca/2013/02/blog-post_4.html


//ஒரு இஸ்லாமிய பெண் முக்காடிட்டு பஸ்ஸில் ஏறினாலே ஒரு மரியாதை தாமாக வந்து விடும். இதை நான் பல இடங்களில் கவனித்துள்ளேன்.///

எந்தப் பெண்ணாக, முஸ்லீமோ, கிறித்தவமோ ஏன் இந்துப் பெண்கள் கூட (பல வட இந்தியப்பெண்கள்) சேலையணிந்து முக்காடிட்டு வரும்போது, அவர்களை ஏதோ வகையான Orthodox பிறவினைச் சேர்ந்தவர்கள் என்ற நினைப்பு ஏற்படுகிறது என்பது உண்மை. ஆனால் முக்காட்டிடால் தான் பெண்களுக்கு மரியாதை கிடைக்கும் என்பது ஆணாதிக்கத்தின் வெளிப்பாடு. அது இஸ்லாத்தில் தேவைக்கதிகமாகவே உள்ளது ஏனென்றால் இஸ்லாம் ஆணாதிக்க சமுதாயத்தில் உருவாகியது. ஆனால் உடம்பு முழுவதும் (முகம் உட்பட) கறுப்பு அங்கியினால் மூடிக் கொண்டு யார் வந்தாலும் என்னுடைய அனுபவத்தில் மரியாதை வரவில்லை. பயம் தான் வருகிறது. அந்தக் கறுப்புப் போர்வைக்குப் பின்னால் யாரிருக்கிறார்கள் என்று யாருக்குத் தெரியும்.
இலங்கையில் வஹாபிகள் அல்லாத பல கிராமப் புற முஸ்லீம் பெண்கள் இன்றும் சேலை மட்டுமனிந்து அதிலேயே முக்காடும் போட்டுக் கொள்கிறரர்கள். அவர்கள் எல்லாம் உங்களின் பார்வையில் ஒழுக்கமற்றவர்களா?

viyasan said...

//இதே அளவு கோளை கன்னடம் பேசும், தெலுங்கு பேசும், மலையாளம் பேசும், சௌராஷ்ட்ரா பாஷை வீட்டுக்குள் பேசும் குடும்ப அங்கத்தினர்களையும் பார்க்க வேண்டுமல்லவா!///

முற்றிலும் உண்மை. யார் தமிழர்கள் என்று வரும் போது வெளியில் தமிழும் வீட்டில் தெலுங்கும், மலையாளமும், சௌராஷ்ட்ரா மொழியும் பேசுகிறவர்கள் உண்மையான தமிழர்கள் அல்ல. அவர்கள் தமிழ் பேசும் மக்கள் மட்டும் தான், தமிழ்பேசுகிறவர்கள் எல்லாம் தமிழர்கள் அல்ல. தமிழை மட்டும் தாய்மொழியாக அல்லது அவர்களின் முன்னோர்களின் மொழியாகக் கொண்டவர்கள் தான் தமிழர்கள். தமிழ் என்ற மொழிவழி இன அடையாளத்தை தவிர வேறு ஏதாவது மொழிவழி இன அடையாளத்தை உடையவர்கள், அதை இன்றும் கடைப்பிடிப்பவர்கள் எவருமே தமிழர்கள் அல்ல என்பது தான் எனது கருத்தாகும். இதை நான் பல இணையத்தளங்களில் கூறியிருக்கிறேன்.


//இடையில் ஒரு சிலர் தமிழை இந்துக்கள் மொழி என்று விபரம் தெரியாமல் குழப்பி வந்தனர். வஹாபிய சிந்தனை வந்தவுடன் தமிழ் இந்துக்களுக்கான மொழி மட்டும் அல்ல. அது தமிழரின் மொழி என்ற உண்மை தெரிந்தது.///

அந்த வஹாபிய சிந்தனையை விளக்குங்கள், வஹாபியம் கூட அரபு மொழியை விட உங்களின் தாய்மொழிக்கு முக்கியத்துவம் கொடுத்து நேசிக்கக் கூறியதா அல்லது அரபு மொழிக்குப் பின்னர் இரண்டாவது இடத்தை தமிழுக்குக் கொடுக்குமாறு கூறியதா என்பதை அறிய ஆவலாக உள்ளது. ஏனென்றால் சில இஸ்லாமியத் தமிழ்ப்பாடல்களைக் கேட்டுக் கொண்டேயிருக்கலாம், அவ்வளவு இனிமையானவை,. அனால் அவற்றை எல்லாம் ஹராம் என ஒதுக்குகிறது வஹாபியம் என்று தான் நான் கேள்விப்பட்டிருக்கிறேன்.


//முகமது நபி அவர்களின் இறுதி பேருரையில் வரும் இந்த வாசகம் இனப் பெருமையையும் குலப் பெருமையையும் காலில் போட்டு மிதிக்கிறது.///

முகம்மது நபி அவர்களின் போதனைகளின் படி எல்லா முஸ்லீம்களும் குறிப்பாக் வஹாபியத்தைப் போற்றும், வஹாபியத்தைப் பரப்பும் அரபுக்கள் கூட நடப்பதில்லை. நீங்கள் சொல்வது உண்மையானால் இத்தனை வேலைக்காரப் பெண்கள் (முஸ்லீம் பெண்கள் உட்பட) அரபுக்களின் கைகளில் இப்படி அவலப்பட மாட்டார்கள். இனவெறியும், நிறவெறியும் மிகுந்தவர்கள் அரபுக்கள் என்பதைப் பல முஸ்லீம்களே கதை கதையாக கூறுவார்கள்.


// சீறாப் புராணத்தில் உமருப் புலவர் பல கற்பனைகளை கலந்திருப்பார். இந்த கற்பனை காவியத்தை இஸ்லாமியர் யாரும் ஏறெடுத்தும் பார்ப்பதில்லை. ///

இங்கு தான் வஹாபியம் எப்படிப் பட்டது என்பது தெரிகிறது. சீறாப்புராணத்தை இக்காலத்தில் முஸ்லீம்கள் வெறுப்பதற்கு வஹாபிய இஸ்லாமியர்களும், வஹாபிய போதனைகளால் கவரப்பட்ட முஸ்லீம்களும் காரணமாக இருக்கலாம்.


//இஸ்லாத்தின் சட்டங்களை சொல்லும் குர்ஆன் மொழி பெயர்க்கப்பட்டது 100 ஆண்டுகளுக்கு முன்பு தான். இதனை யாரிடம் வேண்டுமானாலும் கேட்டு தெளிவு பெற்றுக் கொள்ளுங்கள். ///

இஸ்லாத்தின் சட்டங்களை சொல்லும் குர்ஆன் என்று நீங்கள் குறிப்பிடுவதன் பெயர் என்ன? குர்ஆனில் பல வகையான குர்ஆன்கள் இருக்க முடியாது. “இஸ்லாத்தின் சட்டங்களை சொல்லும் குர்ஆன்” எந்த மொழியில் நூறு ஆண்டுகளுக்கு முன்னால் தான் மொழிபெயர்க்கப்பட்டது என்கிறீர்கள்?


///யார் தமிழருக்கு எதிராக உள்ளனரோ அவர்களை தண்டிப்பதை விட்டு விட்டு தொழுது கொண்டிருந்த அப்பாவி முஸ்லிம்களை மூதூரில் நூற்றுக்கு மேற்பட்டவர்களை ஒரே நாளில் துடிதுடிக்க கொன்றார் பிரபாகரன்.///

இதில் எந்தளவுக்கு உண்மையுண்டென்று எனக்குத் தெரியாது. ஆனால் .புலிகள் செய்ததாகச் சொல்லப்படும் பல கொலைகள் திட்டமிட்டு சிங்கள் அரசால் முஸ்லீம்களையும், தமிழர்களையும் பிரித்து தமிழ்பேசும் மக்களை பிளவுபடச் செய்வதற்காகக் செய்யப்பட்டன. அதே வேளையில் புலிகள் செய்த கொலைகளுக்கு இணையாக அல்லது அதை விட மேலாக முஸ்லீம்கள், சிங்கள இராணுவத்தடன் தமிழர்களைக் கொலை செய்திருக்கின்றனர். ஆனால் முஸ்லீம்களின் உதவியுடன் சிங்களவர்களால் தமிழரக்ள் அழிக்கபப்ட்ட பின்னரும், பி.ஜே போன்ற தமிழ்நாட்டு முஸ்லீம்கள் ஈழத்தமிழர்களுக்கு நீதி கிடைப்பதை எதிர்த்தனர். தமிழர்கள் என்று கூறிக் கொள்ளும் தமிழ்நாட்டு முஸ்லீம்களும், புலிகளைப் பழிவாங்கும் ஆர்வத்தில், அந்த மகிழ்ச்சியில் ஈழத்தமிழர்களை ஆதரிக்கவில்லை, அவர்களுக்காக குரல் கொடுக்கவில்லை, ஆனால் சிங்களவர்கள் முஸ்லீம்களுக்கெதிராகத் திரும்பியதும், முஸ்லீம் தலைவர்களை விட மும்முரமாக எதிர்த்தவர்கள் ஈழத்தமிழர்களும் அவர்களின் தலைவர்களும் தான். அந்த விடயத்தில் நாங்கள் ஈழத்தமிழர்கள் முஸ்லீம்களை விடப் பெருந்தன்மையும், எமது மொழிவழிச் சகோதரர்களாகிய முஸ்லீம்களில் பற்றும் கொண்டவர்கள்.

viyasan said...

//உங்களுக்குத்தான் தமிழ் சரியாகத் தெரியாது என்று நினைக்கிறேன். அந்த கதையில் தனது அண்ணன் மகனை தனது மகளுக்கு மண முடித்துக் கொடுக்கிறேன் என்று அந்த தங்கை உறுதி கூறுவாள். அதன் பின்னணியில் தான் இந்த பாடலே ஒலிக்கும். மாமன் தனது மருமகளுக்கு சீதனமாகத் தருவதாகத்தான் அந்த பாடல் சொல்லும்.///


நானும் அந்தப்படத்தை திரையில் இல்லாது விட்டாலும், தொலைக்காட்சியில் பார்த்திருக்கிறேன். ஆனால் அந்தப் பாட்டு நடக்கும் போது சிவாஜிக்கு ஒரு மகன் இருப்பதாக எனக்குத் தெரியவில்லை. சிவாஜி திருமணம் முடித்து ஒருமகனைப் பெற்றெடுத்தாலும் அவரது தங்கையின் மகனுக்குத் திருமணம் செய்ய முடியாது, ஏனென்றால் அந்தப் பெண்குழந்தை வயதில் மூத்ததாக இருக்கும். அதனால், மாமன் கொடுக்கும் சீதனம் எல்லாம் தாய் வீட்டுச் சீதனமாக இன்னொரு வீட்டு மாப்பிள்ளைக்குப் போகும். என்று தான் நான் நினைத்தேன்.

முஸ்லீம்கள் கொடுக்கும் மஹருடன் ஒப்பிட்டால், சிவாஜி தான் தனது மருமகளைத் திருமணம் செய்ய வேண்டும், சொந்த அக்காவின் மகளைத் திருமணம் செய்யும் அசிங்கம் தான் தமிழ்நாட்டிலுண்டு. தங்கையின் மகளை மணம் செய்யும் வழக்கம் இல்லையென்று நம்புகிறேன். அதனால் உங்களின் மஹருக்கு அந்தப்பாட்டு பொருந்தாது. :-)



//என்னோடு வாழ்க்கையை பகிர்ந்து கொள்ளும் பெண்ணை நான் பார்த்தால் போதாதா? ///

அந்தப் பெண்ணை வெளியுலகமே தெரியாமல், இஸ்லாமிய ஹலீபாக்களைப் போல தொடர்ந்து அந்தப்புரத்தில் அடைத்து வைத்திருக்க, உங்களுக்கும் பணமும், வசதியும், அபப்டி ஒரு விபரீத ஆசையுமிருந்தால் , நீங்கள் யாருமே உங்கள் மனைவியின் முக்கத்தை பார்க்காதவாறு அவரின் வாழ்க்கை முழுவதும் வைத்திருக்கலாம். ஆனால் உங்களின் மனைவியை திருமணத்தின் பின்னால், உற்றாரும், உறவினர்களும், உங்களது நண்பர்களும் பார்த்திருப்பார்கள் என நம்புகிறேன். அதனால் உங்களையும், உங்களின் மனைவியையும் உங்களின் திருமண நாளில் எல்லோரும் பார்த்து வாழ்த்தினால் என்ன?


//https://www.youtube.com/watch?v=f0JVeKGZ4Bg///

இது உண்மையில் தமிழ்க்கலாச்சாரமல்ல. சினிமா தமிழர்களுக்குச் செய்த கொடுமைகளில் அதுவுமொன்று. அவரின் திருமண நாளில் அந்தப் பெண் தனது மகிழ்ச்சியை ஆடிக்காட்டித் தெரிவிக்கும் இந்த முடிவு, திருமணம் செய்துகொள்ளும் இருவரும் ஒருமித்து எடுத்துக் கொண்ட முடிவாகத் தானிருக்கும்.


//மாலையிடுவதுதான் தமிழன் கலாசாரம் என்று எங்கு படித்தீர்கள்? அதே போல் ஒரு மாலைக்கே 2000 லிருந்து 3000 வரை செலவழிக்கப்படுகிறது. சில இடங்களில் இன்னும் அதிகம். இரண்ட மணி நேர நிகழ்வுக்கு ஏன் இந்த பொருளாதார அழிப்பு வேலை. அதனை ஒரு ஏழைக்கு கொடுத்துதவலாமே///

மலைமாற்றுவது வாழையடி வாழையாக சங்ககாலம் தொட்டு தமிழர்களின் வழக்கம். நூறு ரூபாய்க்கு மாலை வாங்கிக் கூட சம்பிரதாயப்படி மாற்றிக் கொள்ளலாம். 2000-3000 ரூபாய் மாலை வாங்க வேண்டுமென்ற கட்டாயம் இல்லை. உங்களின் திருமணத்தில் வந்தவர்க்ளுக்கு பிரியாணி கூடக் கொடுக்கவில்லையா? அதற்குப் பதிலாக தயிர்சாதம் கொடுத்து விட்டும், பிரியாநிக்குச் செலவழிக்கும் பணத்தை ஏழைகளுக்குக் கொடுத்திருக்கலாம். தமிழர்களின் மாலையைக் கைவிட்ட நீங்கள் முகலாயர்களின் பிரியாணியை கைவிடவில்லை அல்லவா? :-)


//மூதூரில் கொல்லப்பட்ட முஸ்லிம்களுக்கு நீங்கள் ஏன் கண்டனம் தெரிவிக்கவில்லை என்று நானும் கேட்கலாம்///

மூதூரில் கொலை நடந்ததா அல்லது காத்தான்குடிக் கொலையை நீங்கள் மூதூர் என்கிறீர்களா எனக்குத் தெரியாது. நானும் அந்தகாலத்தில் இவ்வளவு விவரம் தெரிந்த வயதில் இருந்திருந்தால் நிச்சயமாக கண்டனம் தெரிவித்திருப்பேன், ஆனால் பல தமிழர்கள் கண்டனம் தெரிவித்தார்கள், அது மட்டுமல்ல பிரபாகரன் கூட நடந்தவை எல்லாவற்றுக்கும் வெளிப்படையாக மன்னிப்புக் கேட்டார். ஆனால் முஸ்லீம்கள் தமிழர்களைப் பழி வாங்க வேண்டுமென்ற வெறியை இன்னும் விடவில்லை. முஸ்லீம்கள் செய்த தமிழர்களின் கொலைகளுக்கு எந்த முஸ்லீமும் இன்னும் வெறும் மன்னிப்புக் கூடக் கேட்கவில்லை.


//உங்கள் மனசாட்சி இதனை கண்டிப்பாக ஒத்துக் கொள்ளாது. இன்றும் பல கிராமங்களில் தலித் குழந்தைகள் உயர் சாதி கிராமங்களில் செல்லும் போது தங்களின் செருப்பை கைகளில் எடுத்துச் செல்கிறார்கள்..///

சாதிக் கொடுமைகள் நடப்பதற்கும் தமிழில் பெயரை வைப்பதற்கும் எந்த தொடர்பும் கிடையாது. உயர்ந்த சாதித் தமிழர்களே இக்காலத்தில் சாதிப்பெயரை இணைத்துக் கொள்வதில்லை. அதானால் முஸ்லீம்கள் தமிழ்ப்பெயரை வைத்துக் கொள்ளாததற்கு சாதி காரணம் என்பது வெறும் சப்பைக்கட்டுத் தான்.

viyasan said...

//பெரியாரே முயன்றும் இந்த மண்ணில் சாதிக்க முடியாததை இறைவன் அருளால் இஸ்லாம் சாதித்து காட்டும். சில ஆண்டுகளுக்கு பிறகு இதனை நீங்களே உணரும் போது திக் திக் என்று உங்கள் மனம் கலவரப்படாமல் ஆனந்த கூத்தாடும்.///

பெரியார் சாதித்தது தமிழர்கள் அல்லாத திராவிடர்களின் ஆதிக்கத்தை தமிழ்நாட்டில் நீடித்திருக்குமாறு நிலைநாட்டியதும், ஒவ்வொரு சாதியினரும் தமது சாதியைப் பற்றிப் பெருமைப்படச் செய்து, சாதியை ஒவ்வொரு தமிழனின் மனதிலும் ஆழமாக அழியாமல் நிலைநிறுத்தச் செய்ததும் தான். பார்ப்பன வெறுப்பின் அடிப்படையில் பெரியாரிசத்தால் தொடங்கப்பட்ட இயக்கங்களில் ஒன்று ஒரு பார்ப்பனப் பெண்ணின் கையில் மற்றது பார்ப்பனப் பெண்களை மணமுடித்தவர்களின் கைகளில். :-)

இத்தனை நூற்றாண்டுகள் தமிழ்நாட்டிலிருந்தும் இஸ்லாத்தால் சாதிக்க முடிந்தது எல்லாம் வெறும் 5% தான், இந்த லட்சணத்தில் உங்களின் கதையைப் பார்த்தால், கூரையேறிக் கோழி பிடிக்க முடியாதவன் வானமேறி வைகுந்தம் போவானாம் என்றது போலத் தான். :-)

viyasan said...

சகோ. நந்தவனத்தான்,

// தனிப்பட்ட முறையில் எடுத்துக்கொண்டு கோபிக்காதீர்கள்.சுவைக்காக எழுதினேன் அவ்வளவுதான். மற்றபடி உம்ம அளவுக்கு தமிழ் பற்றோ அல்லது அறிவோ எம்மிடமில்லை. ஆர்வமட்டுமுண்டு.///

மன்னிக்கவும், நானும் சும்மா வேடிக்கைக்காகத் தான் அப்படி எழுதினேன். Smiley போட மறந்து விட்டேன் போல் தெரிகிறது. மிகுதி நாளைக்கு. Bye..

சுவனப் பிரியன் said...

கூரை ஏறி கோழி பிடித்துக் கொண்டுதான் இருக்கிறோம்!


சகோ வியாசன்!

//இத்தனை நூற்றாண்டுகள் தமிழ்நாட்டிலிருந்தும் இஸ்லாத்தால் சாதிக்க முடிந்தது எல்லாம் வெறும் 5% தான், இந்த லட்சணத்தில் உங்களின் கதையைப் பார்த்தால், கூரையேறிக் கோழி பிடிக்க முடியாதவன் வானமேறி வைகுந்தம் போவானாம் என்றது போலத் தான். :-) //

நீங்கள் சொல்வது ஓரளவு உண்மைதான். கடந்த 25 ஆண்டுகளுக்கு முன்பு வரை நீங்கள் சொல்வது போன்ற நிலைமைதான் இருந்தது. இஸ்லாம் ஒரு அரேபிய மார்க்கம். அரேபியர்களுக்கு சொந்தமான ஒரு மார்க்கம். தமிழகத்தில் உள்ள முஸ்லிம்களெல்லாம் அரபு நாட்டு இறக்குமதி என்ற எண்ணமே பல இந்து நண்பர்களுக்கு இருந்தது.

கடந்த 25 ஆணடுகளாக பட்டி தொட்டிகளெல்லாம் 'இஸ்லாம் ஓர் இனிய மார்க்கம்' என்ற நிகழ்ச்சியை நடத்தி அங்கு இந்து நண்பர்களையும், கிறித்தவ நண்பர்களையும் அழைத்து வந்து கேள்வி கேட்க வைத்தோம். ஆர்வமாக பங்கு பெற்று பல கேள்விகளை வைத்தார்கள். அவர்கள் வைத்த அத்தனை கேள்விகளுக்கும் சளிக்காமல் தவ்ஹீத் ஜமாத் சார்பாக பதில்கள் வைக்கப்பட்டது. லட்சக்கணக்கான மக்கள் இந்நிகழ்ச்சியை தொலைக் காட்சியிலும் பார்த்தனர். இஸ்லாத்தைப் பற்றி அவர்களுக்கிருந்த பயம், சந்தேகம் அனைத்தும் தீர்க்கப்பட்டது. இன்று சாரை சாரையாக அவர்களாகவே விரும்பி இஸ்லாத்தை ஏற்ற வண்ணம் உள்ளனர்.

ஒரு முறை நான் எங்கள் ஊர் பள்ளியில் மாலை நேர தொழுகையை முடித்து விட்டு வெளியேறும் போது ஒரு 30 வயது மதிக்கத்தக்க எங்கள் ஊர் இந்து இளைஞரும், அவரது மனைவி மற்றும் கைக்குழந்தையோடு ஒரு ஓரத்தில் நின்று கொண்டிருந்தனர். 'என்ன விஷயம்' என்று வினவப்பட்டது. 'நாங்கள் குடும்பத்தோடு இஸ்லாத்தை ஏற்க விரும்புகிறோம்' என்றார் அந்த இளைஞர். ஊர் பெரியவர் முன் வந்து 'தம்பி.... ஏற்கெனவே ராமகோபாலனால் எங்கள் ஊரில் சிறிய பிரச்னை. எனவே நீ வெளியூரில் சென்று மாறிக் கொள்ளப்பா' என்றார். அந்த நபரோ 'நான் இஸ்லாத்தை விளங்கி வந்துள்ளேன். ஏன் இப்படி பயப்படுகிறீர்கள். எனது சுய விருப்பத்தில் வருகிறேன் என்று எழுதி கொடுக்கிறேன்' என்றார்.

இருந்தும் ஊர் பெரிய மனிதர்கள் ஒத்துக் கொள்ளவில்லை. எனக்கும் அந்த நேரத்தில் 25 வயதுதான். என்னாலும் அந்த இந்து நபருக்கு எந்த உதவியும் செய்ய முடியவில்லை. பிறகு அவர் தஞ்சை தவ்ஹீத் ஜமாத்தை தொடர்பு கொண்டு அவர்கள் மூலம் சென்னை சென்று முறையாக இஸ்லாத்தை கற்று இன்று சிறந்த முஸ்லிமாக வாழ்ந்து வருகிறார். சொந்த ஊரான எங்கள் ஊருக்கு தனது தாய் தந்தையரை பார்க்க விடுமுறையில் வரும் போது அவரை பார்த்து ஆச்சரியப்படுவேன். என்ன ஒரு மாற்றம். எல்லா புகழும் இறைவனுக்கே!

நான் கீழே கொடுத்திருக்கும் ஆதாரங்களை பார்வையிடுங்கள். சென்ற மாதம் ஒரு வாரத்தில் மட்டும் இஸ்லாத்தை ஏற்றுக் கொண்ட தமிழ் இந்துக்களைத்தான் பார்க்கிறீர்கள். தவ்ஹீத் ஜமாத் என்ற இயக்கத்தில் இணைந்தவர்கள் மாத்திரமே இத்தனை பேர். இது அல்லாமல் தமுமுக, பாபுலர் ஃப்ரண்ட், போன்ற அமைப்புகள் மூலம் இஸ்லாத்தை ஏற்பவர்களின் எண்ணிக்கை தனி.

இவ்வாறு மாறக் கூடியவர்களை பெயரை மட்டும் மாற்றி விட்டு அனுப்பி விடுவதில்லை. அவர்களுக்கு 6 மாதம் சென்னையில் தவ்ஹித் ஜமாத் சார்பாக வகுப்பு எடுக்கப்படுகிறது. எப்படி தொழுவது? தொழுகையில் என்ன ஓதுவது? இறைவனிடம் நமது தாய் மொழியில் என்ன கேட்பது? இஸ்லாம் மனிதர்களாகிய நம்மிடம் எதிர் பார்ப்பது என்ன? என்பதை குர்ஆன் மற்றும் ஆதாரபூர்வமான நபி மொழிகளின் துணை கொண்டு பிஜே, சுலைமான், அல்தாஃபி போன்ற அறிஞர்களால் தினமும் செதுக்கப்படுகிறார்கள்.

இவர்களுக்கு உணவும் தங்குமிடமும் இலவசமாக கொடுக்கப்படுகிறது. ஆறு மாதத்திற்கு பிறகு அவர்கள் வெளியேறும் போது பல தலைமுறைகளாக இஸ்லாமியனாக இருப்பவர்களை விட மிகத் தெளிவானவர்களாக வெளியேறுகின்றர்.

பார்பனர்களை தூற்றவில்லை: சமஸ்கிரதத்தை சாடவில்லை: கிறித்துவத்தை ஏசவில்லை: அனைவரையும் சகோதரர்களாக பாவித்து சத்தமில்லாமல் ஒரு மிகப் பெரும் புரட்சியே நடந்து வருகிறது. இன்னும் ஒரு 30 வருடம் கழித்து இதன் தாக்கத்தை உங்கள் வாழ்நாளிலேயே பார்ப்பீர்கள். பார்பனர்களோடு இன்னும் 100 வருடங்கள் நீங்கள் விவாதித்தாலும் ஒரு முடிவை எட்டப் போவதில்லை. என்ன காட்டு கத்து கத்தினாலும் சூத்திரர்களை அவர்கள் ஏறெடுத்தும் பார்ப்பதில்லை. நாங்கள் பெரும்பான்மை என்று கணக்கு காட்ட மட்டுமே உங்களை சேர்த்துக் கொள்வர். அரிசோனன் போன்ற ஒரு சிலர் விதிவிலக்குகளாக இருக்கலாம். ஆனால் பெரும்பான்மையோர் சாரங்கன், க்ருஷ்ணகுமார், ஹானஸ்ட் மேன் போன்றோரைத்தான் அங்கு பார்க்க முடியும். அந்த பார்பனியம் நம் தமிழர்களின் மீது வேய்ந்த கூரையின் மீது ஏறி நின்று அனாதரவாக நிற்கும் எங்களது தமிழ் சொந்தங்களை அவர்களின் ஆதி மார்க்கமான 'ஒன்றே குலம் ஒருவனே தேவன்' என்ற வழிக்கு அழைத்துக் கொண்டிருக்கிறோம். கீழே ஆதாரங்களை பாருங்கள்.

http://suvanappiriyan.blogspot.com/2014/08/blog-post_24.html