Tuesday, April 22, 2014

மலபாரும் (Malabar) - ஈழத்தமிழர் வரலாற்றைத் திரிக்கும் சிங்களச் சொம்புதூக்கிகளும்!


"எட்பக வன்ன சிறுமைத்தே ஆயினும்
உட்பகை உள்ளதாங் கேடு"


இலங்கையில் அகழ்வாராய்ச்சிகள் உண்மையை, பழமையை, வரலாற்றில் நடந்தவற்றை  நடுநிலையுடன் ஆராய்வதற்காக நடத்தப்படுவதில்லை. அகழ்வாராய்ச்சிகளும், வரலாற்றுக் கட்டுரைகளும், அதைத் தொடர்ந்து வரலாற்றுத் திரிப்புகளும், அரசியல் நோக்கத்துடன், தமிழர்களுக்கெதிராக நடத்தப்படுபவை.  அதாவது தமிழர்கள் இலங்கையில் தாயகம் கேட்கும் கோரிக்கையை வரலாற்று அடிப்படையில் மறுப்பதும், இலங்கைத் தமிழர்கள் அண்மையில் இலங்கைக்கு வந்த வந்தேறிகள் அவர்கள் இலங்கையில் 'Homeland Claim' பண்ண முடியாது என்பதை “நிரூபிப்பதும்” தான் அவர்களின் நோக்கம்.

Ancient Tamil Buddhist Stupas, Jaffna, 
இலங்கையில் அகழ்வாராய்ச்சிகள் எல்லாம் வடக்கிலும் , கிழக்கிலும் மட்டும் தான் அடிக்கடி நடைபெறும், அங்கு ஒரு புத்தர் சிலையைக் கண்டெடுத்தால், அல்லது ஒரு புத்தர் சிலையை அவர்களே புதைத்து விட்டு, அடுத்த நாள் தோண்டி எடுப்பதுமுண்டு. பின்னர் அந்த இடத்தில் புத்தர் சிலை கிடைத்தது, அதனால் அது ஒரு பழைய சிங்கள பெளத்த விகாரை இருந்த, இடம், அங்கு முற்காலத்தில் சிங்களவர்கள் வாழ்ந்தார்கள். அந்த அடிப்படையில் அங்கு மீண்டும் சிங்களக் குடியேற்றம் செய்யப்பட வேண்டும். இப்படித் தான் இலங்கையில் திட்டமிட்ட சிங்களக் குடியேற்றங்கள் நடைபெறுகின்றன. ஆனால், அதே காலகட்டத்தில், தமிழர்களின்  முன்னோர்களும் பெளத்தர்களாக இருந்தார்கள், அதனால். அந்தப் புத்தர் சிலை தமிழ்ப் பெளத்தர்களுடையதாக இருக்கலாம் அல்லவா, எனக் கூறினால் அதை ஏற்றுக் கொள்ள மாட்டார்கள். ஏனென்றால் வடக்கு, கிழக்கில் அந்த 'அகழ்வாராய்ச்சிகளின்'  நோக்கமே திட்டமிட்ட சிங்களக் குடியேற்றங்களை மேற்கொள்வது தான். இலங்கையில் இன்று அகழ்வாராய்ச்சி திணைக்களத்துக்கு(வாரியம்) பொறுப்பாக இருப்பதே, தமிழர்களை வெறுக்கும், தமிழர்களின் வரலாற்றைத் திரிக்கும், வடக்கில் சிங்களவர்களை பெருமளவில் குடியேற்ற வேண்டுமென வற்புறுத்தும் பெளத்த பிக்கு ஒருவர் தான்.

இலங்கையில் தமிழர்களின் சனத்தொகை எண்ணிக்கையில், கிழக்கு மாகாணத்தில் தமிழர்கள் குறைந்து விட்டார்கள் என்று மகிழ்ச்சிப்படுகிறவர் தனது பதிவில், திட்டமிட்ட சிங்களக் குடியேற்றங்களால் தான் கிழக்கு மாகாணத்தில் தமிழர்கள், சனத்தொகை வீதாசாரம் குறைந்து தமிழர்கள்  மூன்றாம் இடத்துக்கு தள்ளப்படும் நிலையில் உள்ளார்கள் என்பதை மட்டும் தனது பதிவில் குறிப்பிடாமல் தவிர்த்துக் கொண்டார். ஏனென்றால் அதுவல்ல சொம்புதூக்கிகளின் வேலைத்திட்டம்.

அகழ்வாராய்ச்சியில் இனவெறி பிடித்த பெளத்த பிக்குகளின் வரலாற்றுத் திரிப்புகளும், திட்டமிட்ட சிங்களக் குடியேற்றங்களும் போதாதென்று, சிங்களவர்களினதும் அவர்களின் சொம்பு தூக்கிகளினதும் பிரச்சாரப் போர் இன்னும் ஓயவில்லை.  சிங்கள இனவாதிகளும்  தமது வலைப்பதிவுகளில் தமிழர்களுக்கெதிரான வரலாற்றுத் திரிப்புக் கட்டுரைகளை எழுதுவதுண்டு. அந்தக் கட்டுரைகளை, அதன் கருத்துக்களை தமிழில் பரப்புவது தான் சிங்களச் சொம்புதூக்கிகளின் வேலை. அவர்களின் வேலைத் திட்டமே ஈழத்தமிழர்களுக்கெதிரான பொய்ப்பிரச்சாரம் தான்.

மலபார், போத்துக்கேயர், ஈழத்தமிழர்கள்


இலங்கைக்கு முதலில் வருகை தந்த ஐரோப்பியர்களாகிய , போத்துக்கேயர்கள் ஈழத்தமிழர்களை மலபாரிகள்(Malabar) என்றழைத்தார்கள், அதை ஆதாரம் காட்டி ஈழத்தமிழர்கள் அனைவரும் சில நூற்றாண்டுகளுக்கு முன்னால் குடியேறிய மலையாளிகள், அதனால் அவர்கள் இலங்கையில் தாயகம் கோர முடியாது என்ற பிரச்சாரத்தை, உண்மையான வரலாறு தெரியாத, சரித்திர அறிவு கொஞ்சமும் அற்றவர்களுக்கு இணையத்தளங்களில் தீவிரமாகப் பரப்புகிறார்கள் சிங்கள இனவாதிகள். 

சிங்களவர்களின் இணையத்தளங்களிலுள்ள அந்த பதிவுகளையும், கட்டுரைகளையும்  வாசித்து விட்டு வந்து, அல்லது அவர்களின் சிங்கள நண்பர்களைத் திருப்திப்படுத்துவதற்காக, அப்படியான பிரச்சாரத்தை தமிழில், தமிழ் வலைப்பதிவுகளில் முன்னெடுக்கிறார்கள் சில தமிழ்நாட்டுத் “தமிழர்கள்”. இது முதல்முறையல்ல, இதற்கு முன்பும், இந்த "மலபார்" விடயம் இங்கு குறிப்பிடப்பட்டதுண்டு.

அவர்கள் முதலில், வாழைப்பழத்தில் ஊசிஏற்றுவது போல, அதாவது ஒன்றுமறியாதவர்கள் போல, “ஆரம்ப காலத்தில் இலங்கைத் தமிழர்கள் மலபார்கள், மழவர்கள் என்றே அழைக்கப்பட்டனர். பின்னர் சிலோன் தமிழர்கள் என அழைக்கப்படலாயினர். என்று தான் தொடங்குவதுண்டு.
ஆனால் இலங்கையின் வரலாற்றை ஆராய்ந்து பார்த்தால் ‘மலபார்’ என்ற சொல் இலங்கையில் தமிழர்கள் என்ற கருத்தில் பாவிக்கப்பட்ட சொல்லேயல்லாமல் ஒருபோதுமே மலையாளிகளைக் குறித்த சொல் அல்ல என்பது தெளிவாகும்.

1498 ம் ஆண்டில் போத்துக்கேய மாலுமி வாஸ்கொடகாமா மலபார்க் கரையில் வந்திறங்கியதன் பின்னர்,  இலங்கை, இந்தியாவில்  ஐரோப்பியர்களின் செல்வாக்கு நிலைபெறத் தொடங்கியது. மலபார்க் கரையிலிருந்து போத்துக்கேயர் இலங்கை வந்தடைந்த போது, இலங்கையில்  இரண்டு வேறுபட்ட இன மக்கள் வாழ்வதையும், அந்த இரண்டு இனமும் ஒருவரோடொருவர் கலக்காமல், தமக்கென தனியான நிலப்பரப்பை தமது கட்டுப்பாட்டுக்குள் வைத்திருப்பதையும் அவதானித்தனர். ஒரு இனக்குழு இந்தியாவின் மலபார்க் கரைக்கு அண்மையில் வாழ்ந்ததுடன் ஒரேவிதமான மொழி, கலாச்சாரம், ஒரே உணவுப் பழக்க வழக்கங்களையும் கொண்டிருந்தனர். அதைக் கண்ட போத்துக்கேயர் அவர்களை "மலபார்" என அழைத்தனர்.  தமிழ்நாட்டில் தமிழரல்லாத திராவிடத் தலைவர்களின் சோம்பேறித்தனத்தால், அல்லது அவர்களின் திட்டமிட்ட சதியால் தமிழர்களின்  திருவாங்கூர் சமஸ்தானமும், தமிழர்களின்  ஊர்களும் மலையாளிகளுக்குத் தாரை வார்க்கப்படும் வரை மலபார்க் கரையிலும் தமிழ் தான் பெரும்பான்மை மக்களால் பேசப்பட்டது என்பது குறிப்பிடத் தக்கது.

போத்துக்கேயரைத் தொடர்ந்து இலங்கைக்கு வந்த ஒல்லாந்தர்களும் ஈழத் தமிழர்களை மலபாரிகள் என்றே அழைத்து வந்தனர். ஆனால் இந்தியாவில் ஆங்கிலேய ஆட்சியில்  மலையாளிகளே மலபாரிகள் என்றழைக்கப்பட்டதால், இலங்கையிலுள்ளவர்கள் தமிழர்கள், மலபாரிகள் அல்ல, அவர்களை மலபாரிகள் என்றழைப்பது தவறு என்றுணர்ந்து கொண்ட ஆங்கிலேயர்கள் ஈழத்தமிழர்களை மலபாரிகள் என்று குறிப்பிடுவதை நிறுத்தி, போத்துக்கேயரும், டச்சுக்காரரும் விட்ட தவறைத் திருத்திக் கொண்டனர்.  

உண்மையில் மலபார் என்ற சொல்,  தமிழ் அல்லது தமிழர் என்ற அடிப்படையில் தான் ஈழத்தமிழர்களைக் குறிக்க ஐரோப்பியர்களால் பாவிக்கப்பட்டது   என்பதற்கு சில உதாரணங்களைப் பார்ப்போம்.


1. ஜேர்மனியைச் சேர்ந்த கிறித்தவ பாதிரியார் German missionary Rev. E. R. Baierlein, 1875 இல், 'THE LAND OF THE TAMULIANS' என்ற நூலில் “I have not been able to omit the primitive Church of Southern India, although its present place of residence is beyond the present boundaries of the land of the Tamulians. For the separation of Malabar from the Tamil country, is of recent date; EVEN OUR FIRST MISSIONARIES CALL TAMIL LAND MALABAR and the language - even not very much different – Malabarish"


2. A SKETCH OF THE MODERN LANGUAGE OF EAST INDIES என்ற நூல் தமிழுக்கும்  மலபார் என்ற பெயர் வழங்கப்பட்டது என்கிறது. அதனால் தான் போத்துக்கேயர் தமிழ் பேசிய ஈழத்தமிழர்களை மலபாரிகள் என்றழைத்தனர்.


3. ஈழத்தமிழர்கள் தமது வரலாற்றில், ஒருபோதுமே தம்மை மலபாரிகள் என்றழைத்துக் கொண்டதோ அல்லது அடையாளப்படுத்தியதோ இல்லை. அறியாமையால், போத்துக்கேயர் மலபார் என்றழைத்த காரணத்தால், ஈழத்தமிழர்கள் மலபாரிகள் என்றால், கனடாவின் பூர்வீக குடிகளை, அறியாமையால் இந்தியர்கள் என்றழைத்தது மட்டுமல்ல, இன்றைக்கும் இந்தியர்கள் என்கிறார்கள் வெள்ளையர்கள், அதனால் அவர்கள் எல்லாம் இந்தியர்கள் என யாராவது வாதாடினால், அது எவ்வளவு முட்டாள் தனமோ அது போன்றது தான், ஈழத்தமிழர்களை மலபாரிகள் என்று வரலாற்றைத் திரித்து, ஈழத்தில் அவர்களின் தாயகக் கோரிக்கையை மறுப்பதும்.


4. போத்துக்கேயரும், ஐரோப்பிய மிசனரிகளும் ஈழத்தமிழர்களை அறியாமையால் மலபாரிகள் என்றார்கள், அதே ஈழத்தமிழர்களை ஆங்கிலேயர்கள் “The Scotchmen of the East”  என்றும் அழைத்தார்கள். அதனால் ஈழத்தமிழர்கள் ஸ்கொட்லாந்திலிருந்து வந்தார்கள் என்பதா? 


12 comments:

sivaje36 said...

ரொம்ப அருமை நண்பரே. உண்மைய கூறியதற்கு நன்றி. சில அரைவேக்கடுக்கு புரிதால் சரி

viyasan said...

sivaje36,

உங்களின் வருகைக்கும், கருத்துக்கும் நன்றி.

ஊர்சுற்றி said...

நன்றி வியாசன்.

சொம்புதூக்கிகள் எல்லோரும் ஒரே திட்டத்தில் செயற்படுவதை அவதானிக்கலாம்.
முதலில் கொஞ்ச நாள் பதிவு போடுவதை நிறுத்தி தம்ம்மை தயார்படுத்திக்கொள்வார்கள். இணையத்தை விட்டு போகிறேன், தமிழைப்பிரிந்து போகிறேன் ரேஞ்சுக்கு செண்டிமெண்டல் கதை அளப்பார்கள். வழமைபோல எல்லோரும் போகாதே..போகாதே என்கணவா கணக்காக பின்னூட்டம் இடுவார்கள்.
பின்னர் திடீரெனெ எங்கிருந்தோ வருவார்கள். அப்போது அவர்களின் தளமுகவரி மாறி இருக்கும். கேட்டால் டொமொயின் ஹோஸ்ற் காரன் சிக்கல் என்பார்கள்.
சரி போகட்டும் என்று விட்டால் சினிமா பற்றி எழுத்து இருக்கும். பழைய மாவை அரைப்பார்கள். இடையிடையே கிசுகிசு பாணி கதைகள் வேறு.
அடுத்ததாக பின்னூட்ட பெட்டியை நீக்குவார்கள்.
பின்னர் வரும் ஈழ எதிர்ப்பு கட்டுரைகள்.
அப்படியே ஸ்ரீலங்கா அரசின் ஊதுகுழல் காரரின் அறிக்கை நாத்தம் அடிக்கும்.
அண்மைய உதாரணங்கள்.....
விவரணன் நீலவண்ணன் (இதுவரை 10 தடவை பெயரை மாற்றி இருப்பார்)
டிபிஎஸ் ஜெயராஜ் (இவரின் நண்பர்களே இவரை வெறுத்து ஒதுக்கும் நிலை)
இக்பால் “கோமாளி” செல்வன்

இக்பால் செல்வன் said...

நீங்கள் சொல்வது சரியாகவே இருக்கட்டும்,அதேக் காலக்கட்டத்தில் தமிழ்நாட்டிலும் டச்சு, போர்த்துகேயர் மற்றும் பிரித்தானியர்கள் ஆட்சி செய்து பல புத்தகங்களை வெளியிட்டும் உள்ளார்கள். ஆனால் ஒரு இடத்திலும் தமிழ்நாட்டையோ தமிழ்நாட்டவரையோ மலபார் என்று அழைக்கவே இல்லையே.

மலபார் என்பதாக கேரளாக் கரையையும், வடக்கு இலங்கையையுமே கூறியுள்ளார்கள்.

16-ம் நூற்றாண்டு வரை கேராளவில் மலையாளம் வலிமை பெறவில்லை. மலையாண்மை, மலபார் தமிழ் என்றே மொழிகள் அழைக்கப்பட்டன.

கொச்சினில் தமிழ் புத்தகங்கள் கூட போர்த்துகேயர் வெளியிட்டுள்ளனர். அதனை மலபார் தமிழ் புத்தகம் என்றும், அவர்கள் வெளியிட்ட அகராதிக்கு மலபாய் தமிழ் அகராதி என்றும் அழைத்தனர்.

வடக்கு இலங்கையில் உள்ளவர்களுக்கும் கேரளா கரையில் உள்ளவர்களுக்கும் நிறைய ஒற்றுமை காணப்படுவது எப்படி

தேங்காய் உணவுப் பழக்க வழக்கம், பிட்டு ,இடியப்பம் போன்ற உணவு பழக்கம்,

தாய் மாமனை மணக்கும் முறை இரு இடங்களிலும் பரவலாக காணப்படவில்லை.

பல ஊர் பெயர்கள் கூற ஒற்றுமையாக உள்ளான. ( கோவளம், இடைக்காடு, வன்னேரி, கள்ளியங்காடு, செட்டிகுளம், வெள்ளாங்குளம் போன்றவைகள் )

வழக்குகளில் பல சொற்களும் ஒற்றுமையாக உள்ளன. ( மோனே, மோளே, உறக்கம், பறை, அம்மம்மா, அப்பப்பா, சீத்தை, மிண்டாதே etc.. )

இந்த ஒற்றுமைகள் எவ்வாறு சாத்தியப்பட்டது.

இலங்கைத் தமிழர் மலையாளிகள் என்பதாக படவில்லை. ஆனால் மலையாளக் கரையில் வாழ்ந்த மக்களுக்கும் வடக்கு இலங்கையில் உள்ளவர்களுக்கும் தொடர்புகள் பற்பல இருக்கத்தான் செய்கின்றது. நன்றிகள் !!!

viyasan said...

@இக்பால் செல்வன்,

//ஆனால் ஒரு இடத்திலும் தமிழ்நாட்டையோ தமிழ்நாட்டவரையோ மலபார் என்று அழைக்கவே இல்லையே. ///

போத்துக்கேயர் எவ்வளவு காலம் தமிழ்நாட்டை ஆண்டார்கள் அல்லது எந்தப்பகுதியில் வலிமை கொண்டிருந்தார்கள் என்று எனக்குத் தெரியாது. இலங்கையைபப் போல் பெரும்பாலான பகுதிகளைக் கைப்பற்றியிருந்தால், நிர்வாக வசதிக்காக அப்படி, பெயரிட்டிருப்பார்கள். அதை விட ஐரோப்பியர்கள் தமிழர் மண்ணை மட்டுமல்ல, தமிழர்களையும் மலபார் என்று குறித்தனர் என்பதற்கு நான் மேலே ஆதாரம் காட்டியுள்ளேன்.

மலபார் என்றழைக்கப்பட்ட பகுதியில் முதலில் கரையிறங்கிய போத்துக்கேயர் அங்கிருந்து தான் இலங்கைக்கு வந்தார்கள், அதனால் தான் இலங்கையில் இருந்த, மக்களின் கலாச்சாரம், பழக்க வழக்கத்துக்கும் மலபாரில் இருந்த மக்களை அவர்களுக்கு நினைவூட்டியதால், மலபார் என அழைத்தார்கள். கொலம்பஸ் அமெரிக்க பூர்வீக குடிகளை இந்தியர்கள் என்று அழைத்தது போன்றது தான் இதுவும், அதை விட நீங்கள் கூறுவது போலவே, 16ம் நூற்றாண்டுக்கு முன்பு, மலபார்க் கரையிலும் தமிழ் தான் பொதுவான, வலிமையான மொழியாக இருந்தது, ஏன் மொழிவழி மாநிலங்கள் பிரிக்கப்படும் வரை கூட, திருவனந்தபுரத்தில் தமிழ் தான் வலிமையான மொழியாம். அதனால், மலபார்க்கரையில், “வலிமை” யாகக் காணப்பட்ட மொழியாகிய தமிழைப் பேசிய ஈழத்தமிழர்களை அவர்கள் மலபாரிகள் என அழைத்திருக்கலாம் அல்லவா?

//மலபார் என்பதாக கேரளாக் கரையையும், வடக்கு இலங்கையையுமே கூறியுள்ளார்கள். ///

வடக்கு இலங்கையை அவர்கள் மலபார் என்று அழைக்கவில்லை, அவர்களின் அறியாமையால் அங்கு வாழ்ந்த தமிழர்களை மலபார் என்றழைத்தார்கள்.

//16-ம் நூற்றாண்டு வரை கேராளவில் மலையாளம் வலிமை பெறவில்லை. மலையாண்மை, மலபார் தமிழ் என்றே மொழிகள் அழைக்கப்பட்டன. கொச்சினில் தமிழ் புத்தகங்கள் கூட போர்த்துகேயர் வெளியிட்டுள்ளனர். அதனை மலபார் தமிழ் புத்தகம் என்றும், அவர்கள் வெளியிட்ட அகராதிக்கு மலபாய் தமிழ் அகராதி என்றும் அழைத்தனர். ///

அப்படியிருந்தும், இளிச்சவாய்த் தமிழ்நாட்டுத் தமிழர்கள் திராவிடத் தலைவரகளை நம்பியதால், அவர்களின் முன்னோர்கள் கட்டிக்காத்த தமிழ் மண்ணை, தமிழர்களை வெறுக்கும் மலையாளிகளிடம் கோட்டை விட்டது, கவலைக்குரிய விடயம் தான்.

viyasan said...

//இலங்கைத் தமிழர் மலையாளிகள் என்பதாக படவில்லை. ஆனால் மலையாளக் கரையில் வாழ்ந்த மக்களுக்கும் வடக்கு இலங்கையில் உள்ளவர்களுக்கும் தொடர்புகள் பற்பல இருக்கத்தான் செய்கின்றது. நன்றிகள் !!! ///

ஈழத்தமிழர்களுக்கும், சேரநாட்டுக்கும் சேரன் செங்குட்டுவன் காலத்திலிருந்தே தொடர்புண்டு. சேரன் செங்குட்டுவன் கண்ணகிக்கு சிலை எடுத்து, கோயில் கட்டி அங்கு சிலப்பதிகாரத்தை அரங்கேற்றிய போதே இலங்கை மன்னன் கயவாகு விருந்தினராகப் பங்கேற்றதாகக் கூறுகிறது சிலப்பதிகாரம். அவனால் இலங்கையில் அறிமுகப்படுத்தப் பட்ட கண்ணகி வழிபாடு, இன்றும் ஈழத்தமிழர்களிடம் பரவலாகக் காணப்படுகிறது. இலங்கைக்கும் சேர, சோழ பாண்டிய நாடுகள் எல்லாவற்றுக்கும் தான் தொடர்பிருந்தது. எங்களின் முன்னோர்கள் மணிபல்லவத்தில் வாழ்ந்த நாகர்களும், சேர, சோழ, பாண்டிய நாட்டுத் தமிழர்கள் மட்டுமல்ல, ஒரு சில மலையாளிகளாகக் கூட இருக்கலாம். ஆனால், போத்துக்கேயர் இலங்கையில் காலடி வைத்தபோதே, முழுமையான, இறைமையுள்ள தமிழ் இராசதானியைக் கொண்டிருந்த தமிழர்களை, போத்துக்கேயர் முட்டாள் தனமாக மலபார் என்றழைத்த காரணத்தை, ஆதாரம் காட்டி, சில நூற்றாண்டுகளுக்கு முன்னால், இலங்கையில் குடியேறிய தமிழர்கள் என்று கூறும் சில சிங்கள இனவாதிகளின் பொய்ப்பிரச்சாரத்துக்கு வலுச்சேர்க்கும் வகையில் தமிழ்நாட்டுத் தமிழர்கள் நடந்து கொள்வது தமிழினத்துக்கு செய்யும் துரோகம் என்பது தான் எனது கருத்தாகும்.

viyasan said...

சகோ, ஊர்சுற்றி,

உங்களின் வருகைக்கும் கருத்துக்கும் நன்றி. என்னதான் இருந்தாலும், ஈழத்தையும், ஈழத்தமிழர்களையும் சொம்புதூக்கிகள் வம்பு பேசும் போது, எனக்கென்ன போச்சென்று பார்த்துக் கொண்டிருக்காத தன்மானம் எங்களில் பலருக்கு இருக்கிறது என்பதைப் பார்க்க மகிழ்ச்சியாக இருக்கிறது.

அந்த “பத்து தடவை பெயர் மாற்றிய" விவரங்கெட்டவரின் ‘காமெடி’ தாங்க முடியவில்லை. தமிழ்நாட்டில் சாதிவெறி இந்த 21 ம் நூற்றாண்டிலும் தலையை விரித்துப் போட்டு தாண்டவமாடுகிறது. தமிழ்நாட்டுக்கு வெளியே, இந்தியாவில் சாதி வெறி அதை விட மோசம். தமிழ் நாட்டில் சும்மா வெளியில் நிற்கும் தேரின் வடத்தைத் தொட்டாலே தாழ்த்தப்பட்ட தமிழர்களின் கையை வெட்டுகிறார்கள். செருப்பு போட்டால் மலம் தீற்றுகிறார்கள், இதில வேடிக்கை என்னடாவென்றால், அந்த “பத்து தடவை பெயர் மாற்றியவர், 1830 இல் யாழ்ப்பாணத்தில் நடந்த சாதிக் கொடுமைகளைப் பற்றிக் காப்பி பேஸ்ட் பதிவு போடுகிறார். :-)

viyasan said...

@இக்பால் செல்வன்,

//இந்த ஒற்றுமைகள் எவ்வாறு சாத்தியப்பட்டது.///

சேரநாட்டுத் தமிழர்களிடமிருந்து அந்தப் பேச்சு வழக்கு, உணவுப்பழக்கம் ஈழத்தமிழர்களிடம் பரவியிருக்கலாம். தென்னிந்திய கலாச்சாரத் தாக்கம் ஈழத்தமிழர்களிடம் மட்டுமல்ல, சிங்களர்களிடம் அதிகமுண்டுடு. அதற்காக அவர்கள் தென்னிந்தியர்கள் என்று யாரும் கூறுவதுமில்லை, கூறினாலும் அவர்கள் ஏற்றுக் கொள்ள மாட்டார்கள். சிங்களவர்களிடம் தான் கூடிய மலையாளத் தாக்கம் உண்டு. அதற்கு வரலாறு பூர்வமான காரணங்களும் உண்டு. அதை இன்னொரு பதிவில் பார்ப்போம்.


//பல ஊர் பெயர்கள் கூற ஒற்றுமையாக உள்ளான. ( கோவளம், இடைக்காடு, வன்னேரி, கள்ளியங்காடு, செட்டிகுளம், வெள்ளாங்குளம் போன்றவைகள் )///

இவை எல்லாம் தமிழ்ப்பெயர்கள். தமிழ்நாட்டு ஊர்களின் பெயர்களான, திருநெல்வேலி, இராமநாதபுரம், திருவையாறு, தருமபுரம், பெரியகுளம், ஆலங்குளம், காரைக்குடி போல காரைதீவு, காரைநகர், போன்ற இன்னும் பல ஊர்களும், சோழர்களைக் குறிக்கும் ‘செம்பியன்’ பற்று சோழன்குடி, பாண்டியன் தாழ்வு, என பல தமிழ்நாட்டுத் தொடர்புடைய ஊர்ப்பெயர்கள் ஈழத்தில் உண்டு. கோவளம், இடைக்காடு, வன்னேரி, கள்ளியங்காடு, செட்டிகுளம், வெள்ளாங்குளம் எல்லாம் பழமையான தமிழ் ஊர்பெயர்கள், சேரநாட்டுத் தமிழர்கள் மலையாளிகளாக மாறிய பின்பு வந்தவை அல்ல. இந்த ஊர்களின் பெயர்களின் வேர்கள் தமிழ் மொழியில் தான் உள்ளன.

ஊர்சுற்றி said...

//அந்த “பத்து தடவை பெயர் மாற்றியவர், 1830 இல் யாழ்ப்பாணத்தில் நடந்த சாதிக் கொடுமைகளைப் பற்றிக் காப்பி பேஸ்ட் பதிவு போடுகிறார். :-)//

இவர் கொடுத்த பதில்களின் சூடு தாங்கமுடியாமல் இனிமேல் ஈழத்தைப்பற்றி எழுதவே மாட்டேன் என சிவப்பு வண்னத்தில் எழுதி ஓட்டம் பிடித்தார். கொஞ்ச நாள் பொத்திக்கொண்டு இருந்துவிட்டு இப்போ புதுப்பெயர் “ஆனந்த நீலவண்ணன்” என துப்பறியும் சங்கர்லால் கணக்காக ஒரு மூஞ்சியுடன் வந்துள்ளார்.

ஊர்சுற்றி said...

//தமிழ்நாட்டு ஊர்களின் பெயர்களான, திருநெல்வேலி, இராமநாதபுரம், திருவையாறு, தருமபுரம், பெரியகுளம், ஆலங்குளம், காரைக்குடி போல காரைதீவு, காரைநகர், போன்ற இன்னும் பல ஊர்களும், சோழர்களைக் குறிக்கும் ‘செம்பியன்’ பற்று சோழன்குடி, பாண்டியன் தாழ்வு, என பல தமிழ்நாட்டுத் தொடர்புடைய ஊர்ப்பெயர்கள் ஈழத்தில் உண்டு///

இந்த ஊர்களின் பெயர்களை ஸ்ரீலங்கா ராணுவப்பேச்சாளர் வணிகசூரியா, திருநெல்வேலிய, இராமநாதபுரம, திருவேயாறுவ, தருமபுரமே, பெரிகுளம, ஆலங்குளம, காராக்குடிய போலவும் காரேதீவுவ, ‘செம்பியன்’ பற்றுவ சோழன்குடிய, பாண்டியன் தாழ்வ,
என மாற்றி இந்த சொம்புதூக்கிகளுக்கு அறிக்கையாக கொடுக்க இந்தக் கோமாளிகளும் தமக்கு ஏதோ தெரியும் போல பதிவிடுவார்கள்.

Niroshan Wijayasri said...

'வடக்கு இலங்கையில் உள்ளவர்களுக்கும் கேரளா கரையில் உள்ளவர்களுக்கும் நிறைய ஒற்றுமை காணப்படுவது எப்படி
தேங்காய் உணவுப் பழக்க வழக்கம், பிட்டு ,இடியப்பம் போன்ற உணவு பழக்கம்,'

சிவபெருமான் செம்மனச்செல்வியிடம் (7 ம் நூற்றாண்டு) பிட்டுத்தான் வாங்கி உண்டார். ஏன் அவர் தோசை, இட்லி என்ற தமிழ் உணவுகளை.....? வாங்கி உண்ணவில்லை? தமி(ல்)ழ் நாட்டில் சோறு....... மலையாளமாம் சாதம்தான்.........தமிழாம் வால்க தமில்.........வால்க தமில்

viyasan said...

//சிவபெருமான் செம்மனச்செல்வியிடம் (7 ம் நூற்றாண்டு) பிட்டுத்தான் வாங்கி உண்டார். ஏன் அவர் தோசை, இட்லி என்ற தமிழ் உணவுகளை.....? வாங்கி உண்ணவில்லை? தமி(ல்)ழ் நாட்டில் சோறு....... மலையாளமாம்சாதம்தான்.........தமிழாம் வால்க தமில்.........வால்க தமில்///


சகோ. நிரோசன்
அருமையான பதில். ‘தமில்நாட்டுத் தமிலர்கல்’ எல்லாம் பிட்டு அவிப்பது எப்படி என்பதை மலையாளிகள் கண்டுபிடித்தாக நினைத்துக் கொண்டிருக்கிறார்கள். சிவபெருமான் மதுரையில் தான் பிட்டுக்கு மண் சுமந்தார், அந்தக் காலத்திலேயே சிவபெருமானுக்குப் பிட்டு அவித்துக் கொடுத்த செம்மனச்செல்வி என்ற கிழவியும் மலபாரிலிருந்து வந்த மலையாளி என்று வாதாடினாலும் வாதாடுவார் இக்குபால் செல்வம். :-)