Saturday, April 5, 2014

தமிழ்நாட்டுச் சிங்களச் சார்புச் ‘சொம்புதூக்கி’களின் ஈழத் தமிழர் எதிர்ப்பு பொய்ப்பிரச்சாரம்!




புலம்பெயர்ந்த தமிழர்களின் அரசியல், பொருளாதார பலத்தை விட எண்ணிக்கையில் அதிகமான தமிழ்நாட்டு மக்களின் ஈழத்தமிழர் ஆதரவு, தமிழ்நாட்டு மாணவர்களின் எழுச்சி என்பன தான்  இலங்கை அரசுக்கு மட்டுமல்ல, இந்திய அரசுக்கும் பெரிய தலையிடியாக இருந்து வருகிறது. அந்த ஆதரவை இல்லாமல் செய்ய, சிங்களவர்களால் பல 'சொம்பு தூக்கிகள்' தமிழ்நாட்டில் விலைக்கு வாங்கப்பட்டுள்ளார்கள் என்பது ஈழத்தமிழர்கள் அனைவரும் அறிந்த விடயமாகும்

இவர்களின் வேலை என்னவென்றால், முதலில் பல 'முற்போக்கு', மதச்சார்பற்ற விடயங்களை வலைப்பதிவுகளில் எழுதி தம்மை ஒரு நடுநிலையான பதிவர் என்ற மாயையை ஏற்படுத்திக் கொண்ட பின்னர்வாழைப்பழத்தில் ஊசியை ஏற்றுவது போல், சிங்களவர் சார்பு, ஈழத்தமிழர் எதிர்ப்புக் கருத்துகளைப் பரப்புவதுஅதாவது ஈழத்தமிழர்களை அமைதியை விரும்பாத வில்லன்களாகவும், சிங்களவர்கள் எல்லாம் பூத்தட்டுகளைக் கையில் ஏந்திக் கொண்டு  சமாதானத்தை விரும்பி வரிசையில் நிற்கும் கெளதம புத்தரின் மறுபிறப்புகள்  போன்றும், புலிகள் ஆயுதப் போராட்டத்தைத் தொடங்கு முன்பு  இலங்கையில் எல்லாமே Hunky-dory ஆகத் தான்  இருந்தது, ஆனால் இலங்கைத் தமிழர்கள், அதிலும் யாழ்ப்பாணத் தமிழர்கள் தான் அதை எல்லாம் கெடுத்தார்கள் என்று வரலாற்றைத் திருப்பிப் போட்டுப் பிரச்சாரம் செய்வது தான். அதிலும் வேடிக்கை என்னவென்றால், இலங்கையில் அமைதி ஏற்பட ஒருபோதும் வாய்ப்பு இல்லாமைக்குக் காரணமே, மத, இன வெறி பிடித்த புத்த பிக்குகள் தான், அப்படியிருக்க அவர்களை எல்லாம் நல்லவர்களாக, கெளதம புத்தரின் மறுவடிவமாக, இந்த சிங்கள அடிவருடிகள் எழுதுவதைப் பார்த்து, ஈழத்தமிழர்களுக்கு ஆத்திரம் வருவதை விட இவர்களின் அறியாமையைப் பார்த்து  சிரிப்புத் தான் வருகிறது. அதிலும் சிலர் தமக்கு சிங்கள நண்பர்கள் உள்ளார்கள் எனவும், அது ஏதோ உலகில் பெரிய முக்கியமான விடயம் போலவும் பீற்றிக் கொள்வார்கள்.

பல நாடுகளில் சிறுபான்மை இனங்களின் உரிமைகள் , விடுதலை சம்பந்தமான போராட்டங்களில், உதாரணமாக, அமெரிக்கா, தென்னாபிரிக்க போன்ற நாடுகளில் - பெரும்பான்மை இனத்தைச் சேர்ந்த பலரும் சிறுபான்மையினருடன் இணைந்து அவர்களின் போராட்டங்களில் தமது உயிரையே அர்ப்பணித்திருக்கிறார்கள். ஆனால் இலங்கையில் மட்டும், மதவெறி, இனவெறி பிடித்த சிங்கள பெளத்தத்தத்துடன், அவர்களின் குழந்தைப் பருவத்திலேயே புத்த பிக்குகளால் ஊட்டப்படும் தமிழர் எதிர்ப்பு வெறியும் கலந்து விடுவதால், எந்த சிங்களத் தலைவரோ அல்லது தனிப்பட்ட சிங்களவரோ, தமிழர்களின் இனவிடுதலைப் போராட்டத்தின் நியாயங்களை உணர்ந்து, இணைந்து கொண்டதுமில்லை, எந்த வித தியாகத்தையும் செய்ததில்லை. இக்காலத்தில் வெளிநாடுகளில் தமிழர்களை மணந்த ஒரு சில சிங்களவர்களும், சில சிங்கள  NGOக்களும், இடைக்கிடையே தமிழர்களுக்கு ஆதரவாக தமது கருத்தைத் தெரிவித்தாலும், அவர்கள் கூட, தமிழர்களுக்குப் பிரிந்து போகும் சுயநிர்ணய உரிமை உண்டென்பதை ஏற்றுக் கொள்ள மாட்டார்கள். அவர்கள் எவருக்குமே பெரும்பான்மைச் சிங்களவர் மத்தியில்  எந்த ஆதரவும் கிடையாது.

தமிழர்களில் சிலர், ஒரு சில சிங்களவர்களுடன் தமக்குள்ள தனிப்பட்ட நட்பின் அடிப்படையில், அதனூடாக இலங்கைத் தமிழர்  பிரச்சனையை அறிந்து கொள்ளும் தவறைச் செய்கிறார்கள் என்பதை நாம் இணையத்தளங்களில் காணலாம். தனிப்பட்ட முறையில் சிங்களவர்கள் மட்டுமல்ல, இலங்கைத் தமிழர்கள் கூட,   நட்புக்கு இலக்கணமாகத் திகழ்வார்கள். அது இலங்கை மண்ணின் மகிமை. நீர்வளமும், நிலவளமும் உள்ள வளமான மண்ணில் வாழும் நாட்டு மக்களில் பலருக்கு அத்தகைய  நட்பு மனப்பான்மை உண்டு. ஆனால், தமிழர்களுக்கு உரிமை என்று வரும் போது, Collectively எல்லாச் சிங்களவர்களுமே சிங்கள பெளத்த இனவெறியர்களாக மாறிவிடுவார்கள். அதனால் தான், இலங்கை சுதந்திரமடைந்த காலம் தொட்டு, எந்த ஒரு கட்சி, ஈழத்தமிழர்களுக்கெதிராக கூடுதலான எதிர்ப்பைக் காட்டுகிறதோ, எந்தக் கட்சி தமிழ் மொழியை ஆட்சியிலிருந்து அகற்றுகிறதோ அல்லது எந்தக்கட்சி, தமிழ்ப்பகுதிகளில் சிங்களக் குடியேற்றங்களை
முழுமையாக முன்னெடுக்கிறதோ.  அந்தக் கட்சியை ஆட்சியமைக்க சிங்களவர்கள் தெரிவு செய்து கொண்டு வருகிறார்கள். அதனால், தனிப்பட்ட ஒரு சில சிங்களவர்களுடன் எமக்குள்ள தனிப்பட்ட நட்பின் அடிப்படையில், சிங்களவர்களின் தமிழின எதிர்ப்பு இனவெறியை எடை போடுவது வெறும் முட்டாள் தனமென்பதை சிங்களவர்களை நண்பர்களாகக் கொண்ட தமிழ்நாட்டுத் தமிழர்களும் உணர்வதில்லை,  ஒருமித்த சிங்களவர்களின் தமிழ் எதிர்ப்பு இனவெறியை,  ஈழத்தமிழர்கள் சிங்கள உழைக்கும் வர்க்கத்துடன் இணைந்து வர்க்கப் போராட்டம் நடத்த வேண்டுமெனக் கூறும்  சில கம்யூனிஸ்டுகளும் அறிய மாட்டார்கள்.

இலங்கைத் தமிழர்களுடன் இலங்கையை, இலங்கையில் அரசியல் உரிமைகளை, இலங்கையின் இயற்கை வளங்களை சமமாக பகிர்ந்து கொள்ள சிங்களவர்கள் ஒருபோதும் தயாராகவில்லை என்பது தான் உண்மை. இந்த தமிழின எதிர்ப்பு கிராமப்புற, படிப்பறிவில்லாத சிங்களவர்களிடம் மட்டுமல்ல,  தம்மை முற்போக்குவாதிகள் என்று கூறிக் கொள்ளும் படித்த சிங்களவர்களிடமும் வேறுபாடு கூறமுடியாதளவில் உண்டு. இந்த உண்மையை  சிங்களவர்கள் பங்கேற்கும் ஆங்கில  இணையத்தளங்களுக்குப் போய்ப் பார்த்தால், படித்த சிங்களவர்கள் எப்படி ஈழத்தமிழர்களின் வரலாற்றைத் திரிக்கிறார்கள், கொச்சைப்படுத்துகிறார்கள், எப்படி எல்லாம் ஈழத்தமிழர்களுக்கெதிராக நஞ்சைக் கக்குகிறார்கள் என்று தெரியும், அது போதாதென்று, தமிழர்கள் மத்தியிலும் சிங்களவர்களுக்குச் சொம்பு தூக்குகிறவர்கள் ஈழத் தமிழர்களுக்கெதிராக பொய்களை, உண்மையாகத் திரித்து, பொய்ப்பிரச்சார நச்சைக் கக்குகின்றனர்

பல நாடுகளின் சதியாலும், தமிழர்களின் உட்பகையினாலும், சகோதர யுத்தத்தினாலும்  ஆயுதப் போராட்டத்தில் தோல்வியடைந்த ஈழத் தமிழர்கள், தமிழர் என்ற போர்வையில் கூடவிருந்தே குழி பறிக்கும் சில கபட வேடதாரிகளாலும், எமது பக்கத்தில் நியாயமிருந்தும் கூட , எமது பாரம்பரிய நிலம் திட்டமிட்ட சிங்களக் குடியேற்றங்களால் அபகரிக்கப்பட்டு,  தனிச்சிங்கள இராணுவத்தால் ஆக்கிரமிக்கப்பட்டு, இனவழிப்பு தீவிரமாக நடந்து கொண்டிருக்கும் கால கட்டத்திலும், தமிழர்களிடையே ஒற்றுமையின்மையால், ஈழத்தமிழர்கள்  இன்று பிரச்சார யுத்தத்திலும் தோற்றுப் போகும் நிலை ஏற்பட்டுக் கொண்டிருக்கிறது. அதனால் இந்த சிங்களச்சார்புத் தமிழ்நாட்டுச் சொம்பு தூக்கிகளை எதிர்க்க வேண்டியது தன்மானமுள்ள ஒவ்வொரு தமிழனதும் கடமையாகும்.   


1.      இந்தியாவின் மேற்பார்வையில் அல்லது இந்தியாவின் தலைமையில் நடைபெற்ற திம்பு பேச்சுவார்த்தையில்  இலங்கைத் தமிழர்கள் ஒரு தேசிய இனமெனவும், இலங்கைத் தமிழர்களின் சுயநிர்ணய உரிமையை அங்கீகரிக்க வேண்டுமெனவும், வடக்கு கிழக்கு ஈழத்தமிழர்களின் பாரம்பரிய தாயகம் (Homeland) எனவும் குறிப்பிடப்பட்டுள்ளது. அது மட்டுமன்றி, வடக்கும் கிழக்கும் தமிழ் பேசும் மக்களின் தாயகம் எனவும் இலங்கைஇந்திய ஒப்பந்தத்தில் உள்ளது. இதுவா, இன்றும் இந்தியாவின் நிலைப்பாடு? அப்படியானால், இலங்கைஇந்திய ஒப்பந்தத்துக்கு எதிராக, வடக்கு - கிழக்கை இணைப்பை இலங்கை அரசு நீக்கிய பின்பும், இந்தியா இன்னும் அதைப் பற்றி மூச்சுக் கூட விடவில்லையே, ஏன்?


2.      கிழக்கு பாகிஸ்தான், மேற்கு பாகிஸ்தான் போன்று நிலப்பரப்பால் பிரிந்திருந்தால் மட்டுமல்ல, இலங்கையை விடச் சிறிய ஒரே நிலப்பரப்பில், இரண்டு நாடுகளைக் கொண்ட தீவுகளும் உண்டு. தமிழீழப் பிரிவினையை இந்தியா எதிர்ப்பதற்குக் காரணம், தமிழ்நாட்டுக்கு வெளியே, இந்தியாவில், உள்ள தமிழின வெறுப்பும், எதிர்ப்பும், தமிழர்களுக்கென நாடு உருவாகினால், தமிழ்நாட்டில் பிரிவினைக்கு ஆதரவு அதிகரிக்கும், இந்தியா சிதறி விடும் என்ற பயமும் தான் காரணம். 'இந்திய ஒருமைப்பாடு' என்ற பலி பீடத்தில் ஈழத் தமிழர்கள் பலியிடப்படுகிறார்கள் அதற்கு தமிழ்நாட்டுத் தமிழர்களும் மெளனமாக துணை போகிறார்கள்.


3.      இந்திய இராணுவம் செய்ததை விட அதிகமாக அவர்களை யாரும் குற்றம் சாட்டவில்லை. இந்திய ராணுவம் செய்த பல அட்டூழியங்கள் இன்னும் முழுமையாக வெளிவரவில்லை. இலங்கையின் மீது ஐக்கிய நாடுகள் சபை விசாரணை நடத்தினால் , இந்திய இராணுவம் இலங்கையிலிருந்த  காலமும் உள்ளடக்கப்பட வேண்டுமென்று இலங்கை கேட்டுக் கொண்டதற்கு அது தான் காரணம்அதனால், இந்தியாவை அவமானப்படுத்தலாம் என்று சிங்களவர்களுக்குத் தெரியும். அண்மையில் கூட, காணமல் போனோர் சம்பந்தமானோர் விசாரணையில், கிழக்கு மாகாணத்தில்  இந்திய இராணுவ அட்டூழியங்களைப் பற்றி, தமிழ்த் தாய்மார் முறைப்பாடு செய்தனர். ஈழத் தமிழர்களின் இன அழிப்பில் இந்தியாவின் பங்கை இலங்கை வெளிப்படுத்தி விடும் என்ற பயமும் இந்தியா, .நா. தீர்மானத்துக்கு எதிராக வாக்களித்தமைக்கு ஒரு காரணம் என்பது பல  இலங்கை அரசியல் நோக்கர்களின் கருத்தாகும்.

4.      இந்திய இராணுவம் இலங்கையில் செய்த படுகொலைகளும், கற்பழிப்பும், களவும் போதாதென்று, ஒரு ராஜீவ் காந்திக்காக இலட்சக்கணக்கான ஈழத் தமிழர்களின் இரத்தத்தையும் காவு கொண்டு விட்டுதொடர்ந்து ஈழத் தமிழர்களுக்கு எதிராக தமது வலைப்பதிவுகளில் சிங்களவர்களுக்கு சொம்பு தூக்கும் இந்திய "தமிழர்"களின்  ஈழத்தமிழர் எதிர்ப்பு வெறியைத் தான் எம்மால் புரிந்து கொள்ள முடியவில்லை

5.      இந்தியா இலங்கைக்கு எதிராக கடுமையான நிலைப்பாட்டை எடுக்காதென்பது இலங்கையில் குழந்தைக்குக் கூடத் தெரியும். அதற்கு பெரிய அரசியல் அறிவெல்லாம் தேவையில்லை. ‘சீனா காலூன்ற இடம் கொடுத்து விடக் கூடாதென்றுஇந்தியர்கள் உளறுவதைப் பார்த்து, அழுவதா சிரிப்பதா என்று தெரியவில்லை. ஏனென்றால் இன்று இலங்கையில் சீனர்கள் இல்லாத இடமுமில்லை, சீனர்கள் ஊடுருவாத அல்லது  முதலீடு செய்யாத எந்த தொழிற் துறையும் இல்லை. இலங்கையில் சீனர்கள் முழுவதுமாக ,தம்மை நிலை நிறுத்திக் கொண்டார்கள் என்பது தான் உண்மை.

6.      இலங்கையின் நடந்தது இனப்படுகொலை (Genocide) தான் என்பதை பல இந்திய, மற்றும் வெளிநாட்டுப் பேராசிரியர்களும், மனிதவுரிமை ஆர்வலர்களும், மனிதவுரிமை இயக்கங்களும் கூறுகின்றன. றுவாண்டாவில் நடைபெற்றது போன்று, ஒரு சில நாட்களில் ஒரு இனத்தில் ஆயிரக்கணக்கானோரை அழிப்பது மட்டும் இன அழிப்பல்ல. படிப்படியாக ஒரு இனத்தின் இருப்பை திட்டமிட்டு அழிப்பதும், அவர்களின் பாரம்பரிய நிலங்களைத் திட்டமிட்டு ஆக்கிரமிப்பதும். அவர்களின் கலாச்சார அடையாளங்களை அழிப்பதும், பொதுமக்களை மருத்துவமனைகளில் வைத்துக் குண்டு போட்டழிப்பதும், சில பகுதிகளைNo Fire Zone என்று அறிவித்து விட்டு, அங்கு அவர்கள் போனதும் குண்டு போட்டுத் திட்டமிட்டுக் கொல்லுவதும், மருந்து, உணவு வகைகள் அவர்களை சென்றடையாமல் தடுப்பதும், அவர்களுக்குக் கிடைக்கும் உணவைக் குறைப்பதற்காக, மக்களின் எண்ணிக்கையைக் குறைத்துக் காட்டுவதும் கூட இனவழிப்பு திட்டத்தின் நோக்கம் தான்., ஒரு நாட்டிலுள்ள பெரும்பான்மை இன மக்கள், அந்தக் குறிப்பிட்ட சிறுபான்மையின மக்கள்  எல்லோரையும் ஒருவர் விடாமல் அழித்தால் தான் அது இனப்படுகொலை என்று கருத்தல்ல. உதாரணமாக கொசோவாவில்(Kosovo) முஸ்லீம்கள் கொல்லப்பட்ட போது, யுத்தம் நடைபெறாத  நகரங்களில் வாழ்ந்த முஸ்லீம்கள் தாக்கப்படவில்லை, அதனால் கொசோவாவில் நடைபெற்றது இனப்படுகொலை அல்ல என்று எந்த முட்டாளும் வாதாடுவதில்லை. ஆனால் இங்கு சிலநரிகள்மட்டும், யுத்தம் நடந்த வன்னியில் தமிழர்கள் திட்டமிட்டு அழிக்கப்படும் போது, இலங்கையின் ஏனைய பகுதிகளில் தமிழர்கள் தாக்கப்படவில்லை அதனால் இலங்கையில் நடைபெற்றது இன அழிப்பல்ல என்று வாதாடுவது வேடிக்கையானது.  வடக்கு, கிழக்கு தவிர்ந்த இலங்கையின் ஏனைய பகுதிகளில் பல இனக்கலவரங்களில் சிங்களவர்களால் தமிழர்கள் கொல்லப்பட்டார்கள் என்பது குறிப்பிடத்தக்கது. 



7.      இலங்கையில் பெரும்பான்மையான தமிழர்கள் விடுதலைப் புலிகளுக்கு எதிரானவர்களே என்று ஏதோ கருத்துக் கணிப்பு நடத்தியவர்கள் போல கூறும் சிலரின் அதிகப் பிரசங்கித்தனத்துக்கு எல்லையே கிடையாது போலிருக்கிறது. விடுதலைப் புலிகளுக்கு பெரும்பான்மைத் தமிழர்களின் ஆதரவு இருக்கிறதோ இல்லையோ, அது  எனக்குத் தெரியாது ஆனால், விடுதலைப் புலிகளை, அவர்களை எதிர்த்த அரசியல் கட்சிகள் வடக்கு, கிழக்கில், ஈழத்தமிழர்களின்  மத்தியில் நடை பெற்ற தேர்தல்களில் படுதோல்வியடைந்துள்ளனர். வடக்கிலும் கிழக்கிலும் தமிழ் தேசிய முன்னணி (TNA) விடுதலைப் புலிகளுக்கு எதிராக கருத்துத் தெரிவிக்கவில்லை, மாறாக அவர்களைமாவீரர்கள்எனப் போற்றினார்கள், புகழ்ந்தார்கள். அதனால் தான் தேர்தலில் வெற்றி பெற்றார்கள். வடக்கில் TNA இல்  மாகாண சபையில் வென்றவர்களில் பலரது  உறவினர்களும், பிள்ளைகளும் மாவீரர்கள்  என்பது தெரியாத அதிகப் பிரசங்கிகள் தான்,  “பெரும்பான்மையான தமிழர்கள் விடுதலைப் புலிகளுக்கு எதிரானவர்களேஎன்று உளறுவார்கள்.

8.      இஸ்லாமியத் தமிழர்கள்என்று எதுவும் இலங்கையில் கிடையாது, இலங்கையிலுள்ள முஸ்லீம்கள் தம்மைத் தமிழர்களாக அதாவது  இஸ்லாமியத்தமிழர்கள்என்றெல்லாம் அடையாளப்படுத்துவதில்லை. சிலர் இல்லாதவற்றைக் கூட தமது கற்பனையில் உருவாக்கி உலா விடுகிறார்கள். இலங்கையில் முஸ்லீம்கள் தமிழைப் பேசினாலும் அவர்கள்  வெறும் முஸ்லீம்கள் மட்டும் தானே தவிர தமிழர்கள் அல்ல. அவர்களைத் தமிழர்கள் என்றழைத்து Fatwa  வாங்க சிலர் ஆசைப்படுகிறார்கள் போலிருக்கிறது.

9.      இறுதிப்போரில் விடுதலைப் புலிகள் அட்டூழியங்கள் எதுவும் செய்திருக்க மாட்டார்கள் அல்லது செய்யவில்லை என்று எந்த ஈழத்தமிழனும் வாதாடுவதில்லை. ஐக்கிய நாடுகள் சபையின் ஊடாக  சர்வதேச சுதந்திரமான விசாரணையைக் கேட்கும் எல்லோரும், ஈழத்தமிழர்கள் உட்பட, கேட்பதெல்லாம், இரு பிரிவினரும் செய்த கொலைகளையும், அட்டூழியங்களையும் விசாரணை செய்யுமாறு தானே தவிர, இலங்கை அரசு செய்த படுகொலைகளை மட்டும் விசாரணை செய்யுமாறு கேட்கவில்லை.  ஆனால், குற்றம் சுமத்தப்பட்டவர்களே, அவர்களது குற்றங்களை விசாரணை செய்து தீர்ப்பளிக்கலாம் என்பது போல், உள்நாட்டு விசாரணை போதுமென்று கூறும் இந்தியாவின் கருத்தை  மட்டும், சிங்களவர்களின் சொம்புதூக்கிகள் விமர்சிப்பதுமில்லை, அதை  விளக்க முயல்வதுமில்லை. அதாவது ஈழத்தமிழர்களுக்கு நீதி கிடைப்பதை விட, நடந்த உண்மையை அறிவதை விட, சிங்கள இராணுவத்தையும், சிங்கள போர்க்குற்றவாளிகளையும் காப்பது தான் அவர்களின் முக்கிய நோக்கமாகும்.

10.  ஐநூறு ஆண்டுகளுக்கு முன்னால் யார் ஆண்டது என்பதை நிரூபிப்பது மிகவும் இலகுவானது அதற்கு எந்த விஞ்ஞான பூர்வமான அகழ்வாராய்ச்சியும் தேவையில்லை. நாடு பிடிக்க வந்த வெள்ளையர்கள் எல்லாவற்றையும் தெளிவாக எழுதி வைத்து விட்டுத் தான் போயிருக்கிறார்கள்.


11.  சேர சோழ பாண்டியர்களை, இலங்கையில் தமிழ் -சிங்களப் பிரச்சனையில்  உதாரணம் காட்டுவதைப் போன்ற  குள்ளநரித்தனம் வேறெதுவும் கிடையாது.  தமிழ்நாட்டில் தமிழர்கள் பெரும்பான்மையாக வாழ்கிறார்கள், தமிழ்நாட்டின் ஆட்சி தமிழர்களின் கைகளில் இருக்கும் போது, பாண்டியர்களின் வழிவந்த தமிழர்கள் (அப்படி யாரும் குறிப்பாக தம்மை மட்டும் அடையாளப்படுத்துவதாக  எனக்குத் தெரியவில்லை), தமிழ்நாட்டில் மதுரையைப் பிரித்துக் கேட்டால், எப்படியோஅது போன்றது தான் *இனத்தால், மொழியால், மதத்தால், கலாச்சாரத்தால் மட்டுமல்ல, அடுத்தடுத்த பல இனக்கலவரங்களின் பின்னர், தீர்வு கிடைக்காது என்ற காரணத்தால் பிரிவினை கோரிய ஈழத்தமிழர்களின் பிரச்சனைக்கு, “மதுரையில் பாண்டியர்கள் தமிழ்நாட்டில் பிரிவினை கேட்டால்என்று, சம்பந்தமேயில்லாத உதாரணத்தைக் காட்டும் குள்ளநரித்தனமும் ஆகும்.(* சிங்களவர்கள் அவர்கள் திராவிடர்கள் என்பதை ஒப்புக் கொள்வதில்லை)

12.   இலங்கையில் தமிழ் மொழிக்கு முதலிடம் கொடுத்திருப்பதும், தமிழில் பாலர் வகுப்பு முதல் பல்கலைக்கழகம் வரை தமிழில் கல்வி கற்கக் கூடியதாக இருப்பதும், சிங்களவர்கள் தமிழர்களிலும், தமிழிலும் கொண்ட பற்றினாலும் அல்லது அவர்களின் சிறுபான்மையினரின் உரிமைகளை மதிக்கும் தன்மையினாலும்,  அவர்களாகவே முன்வந்து நடைமுறைப்படுத்தியவை அல்ல. தமிழில் தாய்மொழிக் கல்விக்காகவும், தமிழ் மொழிக்கு சிங்களத்துக்கு இணையாக  முன்னுரிமை கொடுக்கவும் வேண்டி ஈழத் தமிழர்கள் இரத்தம் சிந்தியதால் தான் அவை நடைமுறைக்கு வந்தன. போராடாமல் எதுவும் ஈழத் தமிழர்களுக்கு கிடைக்கவில்லை.

13.  இலங்கையில் தரப்படுத்தல் அல்லது இன அடிப்படை இட ஒதுக்கீடு நடைமுறைப்படுத்தப்பட முன்பு பல்கலைக்கழகங்களில் ஈழத்தமிழர்களின் எண்ணிக்கை அவர்களின் சனத்தொகை வீதாசாரத்துக்கு அதிகமாக  இருந்ததமைக்குக் காரணம், அவர்களின் விடாமுயற்சியும், கல்விக்கு அவர்கள் அளித்த முக்கியத்துவமும் தான். இன்றும் திறமையடிப்படையில் மட்டும் பல்கலைக்கழக அனுமதி அளிக்கப்பட வேண்டுமென்பது தான் ஈழத்தமிழர்களின் கருத்தாகும்.   


The Mullaith-theevu district and the newly created 
Sinhala division that will be wedging the North from the East
14.  இலங்கைத் தமிழர்கள் 1983 இல்தனி நாடு கோருவதற்கான எந்த முகாந்திரமும் இல்லாத நிலையில்என்று, இலங்கைப் பிரச்சனையில் அடிப்படை அறிவில்லாத ஒரு முட்டாள் கூடக் கூற மாட்டான். சுதந்திரத்துக்குப் பின்னர், தமிழர்களின் நலன்களுக்கெதிரான  பல சட்டங்கள் நிறைவேற்றப்பட்டு, திட்டமிட்ட சிங்களக் குடியேற்றங்களால் ஈழத்தமிழர்களின் பாரம்பரிய கிராமங்களில் தமிழர்கள் சிறுபான்மையினராக்கப்பட்டும், அடுத்தடுத்து பலஇனக்கலவரங்களில் தமிழர்கள் கொல்லப்பட்டும், 35 வருடங்கள் காந்தீய வழியில் சட்ட மறுப்புப் போராட்டங்கள் நடத்தி எந்த தீர்வும் கிடைக்காத நிலையிலும், 1983 இல் நடைபெற்ற இனக்கலவரத்தில், தமிழர்கள் கொல்லப்பட்டு, உடைமைகளை இழந்துசிங்களப் பிரதேசங்களூடாக வாகனங்களில் அவர்களின் வடக்கு, கிழக்கு தாயகத்தை நோக்கிப் பயணித்தால், வழியில் சிங்களவர்களால் தாக்கபடுவார்கள் என்பதால், தமது சொந்த நாட்டிலேயே அகதிகளாக்கப்பட்டு, இந்தியா அனுப்பிய கப்பலிலேறி ஈழத் தமிழர்களின் பாரம்பரிய தாயகமாகிய வடக்கு, கிழக்குக்கு தமிழர்கள் போக வேண்டிய நிலை ஏற்பட்ட பின்னர் தான் ஆயுதப் போராட்டம் தொடங்கியது. அப்படியிருக்கதனி நாடு கோருவதற்கான எந்த முகாந்திரமும் இல்லாத நிலைஎன்பது ஈழத்தமிழர்களுக்கெதிரான பொய்ப்பிரச்சாரம் அல்லாமல் வேறென்னவாக இருக்க முடியும்?

15.  இஸ்லாமியர்கள் பற்றிய பிரச்சனைகளை, அவர்கள் எவ்வாறு ஈழத்தமிழர்களை படுகொலை செய்தார்கள் என்ற உண்மைகளை  நான்  எனது வலைப்பதிவில் பதிவு செய்துள்ளது மட்டுமன்றி, வேறு பல ஈழத் தமிழர்களும் அதைப்பற்றி தெளிவாகப் பதிலளித்திருக்கிறார்கள். இலங்கைப் பிரச்சனையில் இலங்கை முஸ்லீம்கள் ஒன்றுமறியாத அப்பாவிகள் அல்ல. அவர்கள் ஈழத்தமிழர்களுக்கெதிரான போரில் சிங்களவர்களுக்கு சகல விதத்திலும் ஒத்துழைத்தவர்கள் மட்டுமல்ல, அதில் தீவிரமாக பங்கேற்றவர்கள். விடுதலைப் புலிகள் முஸ்லீம்களுக்கெதிராகச் செய்ததாகக் கூறப்படும் எந்த படுகொலையும், இலங்கை அரசால் விசாரணை செய்யப்படவில்லை, எந்த நடுநிலையான பத்திரிகையாளர்களும் சம்பவம் நடந்த இடங்களுக்குச் செல்ல அனுமதிக்கப்படவில்லை, எல்லாமே விசாரணை எதுவுமில்லாமல் மூடி மறைக்கப்பட்டு விட்டன. எல்லாமே இலங்கை அரசின் Version தான் இப்பொழுதும் பரப்பப்படுகிறது.  அதைத் தான் சிங்களவர்களால் அவர்களின்  “சொம்பு தூக்கிகள் மீண்டும், மீண்டும் கூறுமாறு பணிக்கப்பட்டுள்ளார்கள். முஸ்லீம்களுக்கெதிராக கொலைகள் நடைபெற்ற போதெலாம், இலங்கையின் அமைச்சர்கள் மத்திய கிழக்கு முஸ்லீம் நாடுகளுக்கு நிதி, ஆயுத உதவி கேட்டு உத்தியோக விஜயம் மேற்கொண்டிருந்தனர் என்பது குறிப்பிடத்தக்கது.

16.  இப்படியே போனால் இலங்கைக் கடல்படையால் தமிழக/இந்திய மீனவர்கள் தாக்கப்படுவதேயில்லை, தமிழக மீனவர்கள் எவரும் சிங்களக் கடற்படையினரால் கொல்லப்படவேயில்லை என்றும் இவர்கள் வாதாடத் தொடங்கி விடுவார்கள் போலிருக்கிறது, அப்படியானால் நூற்றுக் கணக்கான மீனவர்கள் நடுக்கடலில் கொல்லப்பட்டது என்பதெல்லாம் பொய்யா? தமிழகப் பகுதிகளின் மீன்வளம் குறைவு அதனால் தான் தமிழக மீனவர்கள் இலங்கைக் கடலுக்குள் ஊடுருவுகிறார்கள் என்பது எல்லோருக்கும் தெரிந்த உண்மை. நானும் கூடத் தான் அதைப் பற்றி எழுதியிருக்கிறேன். ஆனால் அதற்காக ஒருநட்பு நாடு”, அயல் நாட்டின் மீனவர்களைத் தாக்கலாமா, நடுக்கடலில் கொலை செய்யலாமா, அதற்கு சர்வதேச சட்டங்கள் அனுமதிக்கிறதா என்பது தான் கேள்வி. வேறொன்றுமில்லை, சிங்களப்பாசம் கண்களை மறைக்கிறது.

17.  வறுமை சென்னையிலும் , குமரியிலும் வன்னியிலும், மலையகத்தில் மட்டுமல்ல, எல்லா நாடுகளிலும் உண்டு. அரை வயிற்றுக் கஞ்சிக்கு ஏழைத் தமிழர்கள் மட்டுமல்ல, பல நாடுகளில் மக்கள் சிங்கியடித்துக் கொண்டிருக்கிறார்கள். ஆனால் அதற்காக, அவர்கள் யாருமே, போரில் நாடிழந்து, நாதியற்று, நலிந்து போயிருக்கும் ஒரு தேசிய இனமக்களுக்கெதிராக பொய்ப்பிரச்சாரம் செய்வதில்லை




6 comments:

Ant said...

இணையதளங்களில் தமிழர்களுக்கு எதிராக கருத்து எழுதவது மதஅடிப்படை விரோத மனப்பான்மை கொண்டோரே! அவர்களுக்கு ஒரு போதும் கோவை குண்டு வெடிப்பு நினைவுக்கு வரவே வராது! அதோடு பார்பனர்களிலும் சிலர் போலி அடையாளங்களுடன் தமிழில் கட்டுரைகளை எழுதிவருவதை காணமுடியும். இவர்களோடு காம்ரேடுகளும் இனவிடுதலைக்கு முட்டுகட்டைகள் என்பதை நான் கருத்து கூறிதான் தெரியவேண்டும் என்பதில்லை. தக்க பதில்!

வேகநரி said...

சகோ வியாசன்,
நீங்களும் கொலை செய்யபட்டவங்க படம் போட்டு பதிவெழுத தொடங்கிட்கிங்களா. புலிகளிளினால் கொடுரமா கொலை செய்யபட்டவங்க படங்கள் இதை விட ரொம்ப அதிகம் உண்டு.
உங்க குற்றசாட்டுகள் அத்தனையும் மறுக்கிறேன்.முக்கியமானதாக 12 இலங்கையில் தமிழ் மொழிக்கு முதலிடம் கொடுத்திருப்பதும் தமிழில் பாலர் வகுப்பு முதல் பல்கலைக்கழகம் வரை கல்வி கற்கக் கூடியதாக இருப்பதும் சிங்களவர்கள் தமிழர்களிலும் தமிழிலும் கொண்ட பற்றினால் அல்லது அவர்களின் சிறுபான்மையினரின் உரிமைகளை மதிக்கும் தன்மையினாலும் அவர்களாகவே முன்வந்து நடைமுறைப்படுத்தியவை அல்ல.

இலங்கை தமிழ் பெரியவர் ஒருவரிடம் பேசும் போது என்ன இருந்தாலும் தமிழ் பாஷைக்கு இலங்கை தமிழங்க மதிப்பு கொடுக்கிறாங்க என்றேன் அதற்கு அவர் சொன்ஆனார் உஙக தமிழக ஆட்கமாதிரியே தான் அவங்களும் ஆங்கிலமோகம் பிடிச்சவங்க தான் யாழ்பாண தமிழர்கள் ஆனா சிங்களவங்க தங்க சுய பாஷை ஆர்வம்காரணமாக இலங்கையில் வாழும் தமிழங்களும் தமில்தான் படிக்கணும் சிங்களவங்க சிங்களத்தில் படிப்பது போல் என்று சட்டமிட்டாங்க. அதனாலே வேறு வழியில்லாம இலங்கை தமிழர்கள் தமிழில் படிங்கிறாங்க

viyasan said...

சகோ.வேகநரி,

கண்டிச் சிங்களவர்கள் இலங்கை மூன்று மாநிலங்களாக, அதாவது கண்டிச் சிங்களவர்களுக்கொன்று, கரையோரச்சிங்களவர்களுக்கொன்று, வடக்கு-கிழக்கு தமிழர்களுக்கொன்று, என பிரிக்கப்பட்டு, இந்தியாவைப் போன்று மாநில ஆட்சி முறை கொண்டு வர வேண்டுமெனக் கோரிக்கை வைத்த போது, சமாதானத்தையும் ஒன்றுபட்ட இலங்கையையும் விரும்பியதால், அதெல்லாம் தேவையில்லை இலங்கை ஒரே நாடாகத் தானிருக்க வேண்டுமென்று , இலங்கை மாநிலங்களாகப் பிரிக்கப்படுவதையே எதிர்த்த ஈழத்தமிழர்கள் ஏன் தனிநாடு கேட்டு இரத்தம் சிந்துமளவுக்கு உந்தப்பட்டார்கள் என்ற வரலாற்றை நீங்கள் இன்னும் கொஞ்சம் அறியவேண்டும். நீங்களும், உங்களைப் போன்றவர்களும், உங்களின் நண்பர்களின் தகவல்களில் மட்டும் தங்கியிருப்பது தான் தவறு என்கிறேன் நான்.

இலங்கையில் தமிழர்கள் தமது அரசியல் போராட்டங்களைத் தொடங்கியதும், சிங்கள அரசை மும்முரமாக எதிர்க்கத் தொடங்கியதும், சிங்களம் மட்டும் சட்டம் இயற்றப்பட்டு தமிழ்மொழி இரண்டாம் இடத்துக்குத் தள்ளப்பட்ட பின்பு தான். எங்களின் குடும்பத்திலேயே என்னுடைய அம்மம்மா, அவருடைய அம்மா எல்லோரும் அந்தச் சட்டத்துக்கு எதிராக சத்தியாக்கிரகங்களில் கலந்து கொண்டவர்கள்.

ஆங்கில மோகம் எல்லோரிடமும் தான் உண்டு. தமிழ்நாட்டில் இல்லாத ஆங்கில மோகமா? தமிழ்நாட்டில் ஆங்கிலத்துக்கு முக்கியம் கொடுக்கிறார்கள், ஆங்கில மோகமும் அதிகமாக உண்டு. அதனால் தமிழ்நாட்டுத் தமிழர்கள் தமிழ் மொழியை மதிக்கவில்லை, அவர்களுக்குத் தமிழில் பற்றில்லை என்று கருத்தாகுமா? ஆனால் இந்திய அரசு திட்டமிட்டு, சட்ட மூலமாக தமிழ்நாட்டில் தமிழ்மொழியை இரண்டாம் இடத்துக்கு தள்ளினால், தமிழ்நாட்டு மக்கள் அனைவரும் அந்தச் சட்டத்தை எதிர்த்துப் போராடுவார்களா, இல்லையா? நீங்கள் சொல்வது போல். இலங்கைத் தமிழர்கள் உண்மையில் தமிழை எதிர்க்கிறார்கள், ஆங்கில மோகம் உள்ளவர்கள் என்றால், தமிழில் எங்களுக்கு கல்வி கற்க விருப்பமில்லை, தமிழ் தேவையில்லை, ஆங்கிலம் போதுமென்று, தமிழர்கள் கேட்டிருந்தால், இலங்கை அரசு நிச்சயமாக சம்மதித்திருக்கும். தமிழை இலங்கையை விட்டகற்றுவதில் சிங்களவர்களுக்கு எப்பொழுதுமே சம்மதம் உண்டு. அப்படி எந்த ஈழத்தமிழனும் இதுவரை கேட்கவில்லையே ஏன்?

இலங்கையில் தமிழ்ப்பகுதிகளில் உள்ள பெயர்ப்பலகைகளில் சிங்கள எழுத்தை தாரால் அழித்தும், தமிழுக்கு முதலிடம் கொடுக்காத பெயர்ப்பலகைகளை உடைத்தார்கள் என்ற காரணத்துக்காகவும் மட்டுமே, இலங்கையில் எத்தனையோ ஈழத்தமிழ் இளைஞர்கள் சிங்கள இராணுவத்தால் கொல்லப்பட்டும், சிறை வாழ்க்கை அனுபவித்துமிருக்கிறார்கள். அதெல்லாம் ஆங்கில மோகத்தினாலா. தமிழ்நாட்டை விட ஈழத்தமிழர்கள் தமிழ் முக்கியம் என்று கருத்துவதற்குக் காரணம், தமிழை இழந்தால் நாங்கள் சிங்களவர்களுடன் கலந்து காணமல் போய்விடுவோம், எங்களின் கலை, கலாச்சாரம், வரலாறு என்பவற்றை இழந்து விடுவோம் என்று ஈழத்தமிழர்களுக்குத் தெரியும். உங்களுக்குத் தெரிந்த அந்த “தமிழ்” பெரியவரும் உங்களைப் போன்றவர் தான். அதாவது விபரம் அறியாதவர். :-)

naalainamathp said...

ஏற்கனவே, மாற்று, கருத்துச்சுதந்திரம் எனப் பதில் போட்ட ஒருவர், காமெண்ட்களை எதிர்கொள்ள முடியாது கடையைச் சாத்திட்டு நடையக் கட்டிவிட்டார். கேட்டால் சர்வர் மேல் பழியைப் போடக்கூடும். மறுமொழிகளைத் தணிக்கை செய்துவிட்டு அதிகாரப் பேராண்மையைக் காட்டும் இவர்கள் தான், கருத்துச் சுதந்திரத்தைப் பற்றிப் பேசுவோரா? வேகநரி பதிவுலகில் காமெடிப் பதிவுகள், பதிலுரைகள் இல்லாததைப் போக்க வந்தவர். சிரித்து வையுங்கள். மற்றப்படி இணையத்தில் நுனிப்புல் மேய்ந்து அதிலிருந்து தங்களுக்கு விருப்பமான தகவல்களை வைத்து முடிந்த வரை தங்கள் ஈழ விடுதலை எதிர்ப்பு பிரசாரத்தை அஜெண்டாக்கேற்ப வைப்பவர்கள் இவர்கள். உடுறதே புருடா, அதற்கு உரம் சேர்க்க பெரியவரிடம் பேசும் போது சிறியவரிடம் பேசும் போதென கிளைக்கதைகள் வளர்த்து சொல்லும் பொய்க்கு உப்பு போட்டு வைப்பர். ஈழத்தில் தமிழின் நிலை அனைவரும் அறிந்ததே, தமிழரின் கிராமங்கள் எப்படி விழுங்கப்பட்டு வருகின்றன, பெயர்கள் மாறுகின்றன.. தெற்கில், கிழக்கில் இது அப்போதே நடந்து வந்தது தான், இப்போது வன்னியிலும்..

வேகநரி said...

naalainamathp said...
//சிரித்து வையுங்கள். மற்றப்படி இணையத்தில் நுனிப்புல் மேய்ந்து அதிலிருந்து தங்களுக்கு விருப்பமான தகவல்களை வைத்து முடிந்த வரை தங்கள் ஈழ விடுதலை எதிர்ப்பு பிரசாரத்தை அஜெண்டாக்கேற்ப வைப்பவர்கள் இவர்கள். உடுறதே புருடா அதற்கு உரம் சேர்க்க பெரியவரிடம் பேசும் போது சிறியவரிடம் பேசும் போதென கிளைக்கதைகள் வளர்த்து சொல்லும் பொய்க்கு உப்பு போட்டு வைப்பர்.ஈழத்தில் தமிழின் நிலை அனைவரும் அறிந்ததே//

ஈழத்து பன்னாடை naalainamathp
//ஈழத்தில் தமிழின் நிலை அனைவரும் அறிந்ததே// பின்னே எதுக்கிங்க வந்து ஒப்பாரி வைக்கிறீங்க?
உங்க பொய்கள் எடுபட இந்தியாவின் உதவி தேவைன்னா?

ராவணன் said...

சிங்கள சொம்புநக்கி இக்குபாலு எங்கே?